Դիֆթերիան Հնդկաստանից կարող է հասնել Հայաստան. առողջապահության նախարարությունը զգուշացնում է

Հայաստանի առողջապահության նախարարությունը հաղորդում է Հայաստանում դիֆթերիա վարակիչ հիվանդության տարածման ռիսկերի մասին՝ անդրադառնալով տեղեկություններին, որ երկարատեւ հանգիստ համաճարակային վիճակից հետո դիֆթերիան աշխարհում վերադառնում է:

Նշվում է, որ շատ կարճ ժամանակում նորանոր երկրներ են ընդգրկվում համաճարակային գործընթացում՝ Վենեսուելա, Ուկրաինա, Հնդկաստան, Հարավային Աֆրիկա, Եմեն եւ այլն: Հնդկաստանի լրատվամիջոցների հաղորդագրության համաձայն` վերջին երկու շաբաթվա ընթացքում (սեպտեմբերի 6-23) երկրում արձանագրվել է դիֆթերիայի 147 դեպք, որոնցից 18-ը` մահվան ելքով:

Դիֆթերիան վտանգավոր օդակաթիլային վարակ է, որը տարածվում է հիվանդի փռշտալու եւ հազալու ժամանակ: Վարակվելու ռիսկի գործոններն են՝ փակ տարածքներում շատ մարդկանց առկայությունը, վատ հիգիենիկ պայմանները, պատվաստումներից հրաժարումները:

Հիվանդությանը բնորոշ է՝ ցավ կոկորդում, հազ, ջերմության բարձրացում, քթից արտադրություն, դժվարաշնչություն, բկանցքում հաստ, գորշ փառի առաջացում: Փառը կարող է տարածվել դեպի կոկորդ, շնչափող, ձայնաճեղք՝ առաջացնելով կոկորդի, ձայնաճեղքի այտուց եւ շնչառության կանգ: Միկրոբի արտադրած թույները արյան միջոցով տարածվում են բոլոր օրգան համակարգերը, հատկապես սիրտ, նյարդային համակարգ, առաջացնելով մի շարք բարդություններ՝ սրտամկանի բորբոքում (միոկարդիտ), կաթված (պարալիչ):

Դիֆթերիայի նույնիսկ վաղ բուժման պարագայում բարդություններն անխուսափելի են եւ հիվանդությունը 10% դեպքերում բերում է մահվան: Չի բացառվում Հնդկաստանից հիվանդության տարածումն այլ երկրներ, այդ թվում Հայաստան, հաշվի առնելով բնակչության ակտիվ տեղաշարժերը: 

Չնայած մանկական բնակչության շրջանում դիֆթերիայի պատվաստումներում ընդգրկվածության ցուցանիշները բարձր են, նույնը չենք կարող ասել մեծահասակների համար: Հարուցիչը երկիր ներբերելու դեպքում մեծ է տարածման հավանականությունը, հատկապես մեծահասակ բնակչության շրջանում, խոցելի կլինեն նաեւ պատվաստումից հրաժարված երեխաները: Դիֆթերիայի կանխարգելման միակ միջոցը պատվաստումներն են: Նախարարությունը եւս մեկ անգամ հորդորում է լինել ավելի զգոն, դիֆթերիայի պատվաստում ստանալու համար ներկայանալ տարածքային պոլիկլինիկա, եթե վերջին 10 տարվա ընթացքում չեք պատվաստվել:

Հայաստանում վերջին անգամ դիֆթերիայի դեպք է գրանցվել 2000 թվականին: Ըստ պատվաստումների ազգային օրացույցի այս հիվանդության դեմ պատվաստումները կատարվում են՝ մինչեւ երեխայի մեկ տարեկանը` եռանվագ, 6, 12, 18 շաբաթականում, 4-րդը 18 ամսականում, հաջորդը 6 տարեկանում, հետո 15-16 տարեկանում: Այնուհետև յուրաքանչյուր 10 տարին մեկ:

Տպել
3523 դիտում

Ադրբեջանական բանակն օգտագործում է իր զինանոցում եղած 300 և ավելի մեծ տրամաչափի ռեակտիվ համազարկի կայանքները.Հովհաննիսյան

Հենց նոր մերոնք խփեցին ևս մեկ անօդաչու. Արծրուն Հովհաննիսյան (տեսանյութ)

ԱԱԾ-ն հորդորում է սեփական շահը պետության անվտանգության շահերից վեր դասող անձանց՝ զերծ մնալ ապատեղեկատվություն տարածելուց

ՀՀ-ում արգելվեց հավաքների եւ գործադուլների անցկացումը․ հրապարակվել է ռազմական դրության սահմանափակումների ցանկը

Մեկնարկեց ԱԺ հատուկ նիստը. ելույթով հանդես է գալիս վարչապետը (ուղիղ)

Վերահսկել երեխաների ներկայությունը սոցցանցերում, իսկ մուտքը TikTok արգելել. Երեւանի քաղաքապետարանի հորդորը ուսուցիչներին

Արյուն հանձնել ցանկացողների հերթեր են առաջացել պրոֆ Ռ.Հ. Յոլյանի անվան արյունաբանական կենտրոնի մոտ

Սա 2020 թ-ի հուլիսի ՀՀ հյուսիսարևելյան սահմանի նկատմամբ ռազմական ագրեսիայի շարունակությունն է․ ԱԺ փոխնախագահ

Սյունիքի մարզի սահմանամերձ բնակավայրերում ու մարտական դիրքերում իրավիճակը վերահսկելի է ու կայուն. Սյունիքի մարզպետ

Միասնական որոշում է կայացվել համազգային դրամահավաք-արշավ սկսել

Tavush Bot-ը ադրբեջանական քարոզչամեքենայի հերթական գործիքն է. Տեղեկատվության ստուգման կենտրոն

Հայկ Կոնջորյանը նամակով դիմել է ԵԱՀԿ ԽՎ Նախագահին, գլխավոր քարտուղարին և 57 անդամ պետությունների բոլոր պատգամավորներին

Փաշինյանի և Ալիևի գաղտնի բանակցությունների սղագրության մասին տեղեկատվությունն իրականությանը չի համապատասխանում

ԱԺ պատգամավորները միջազգային գործընկերներին ներկայացնում են ադրբեջանական ագրեսիան և խաղաղ բնակավայրերի թիրախավորումը

Արցախի Հանրապետության մարդու իրավունքների պաշտպանի աշխատակազմը մեկնարկել է փաստահավաք առաքելություն (լուսանկարներ)

Աննա Հակոբյանը Արցախի նախագահի տիկնոջ հետ այցելել է Հանրապետական բժշկական կենտրոն (լուսանկարներ)

Թշնամին պետք է հասկանա, որ Արցախի թիկունքին այսօր կանգնած է համայն հայությունը. վարչապետի ուղերձը ժողովրդին

Սպանվել է Ադրբեջանի ԶՈՒ փոխգնդապետ. ադրբեջանական ԶԼՄ

Հրապարակվել է Հայաստանում ռազմական դրություն հայտարարելու մասին Կառավարության որոշումը

Սա պատերազմ է մեր անկախության և արժանապատվության դեմ. ՀՀ վարչապետի ուղերձը (տեսանյութ)