«Լուսավոր Հայաստան» խմբակցությունն անվստահության գործընթաց է սկսել Վանաձորի քաղաքապետի դեմ

Վանաձոր համայնքի ավագանու «Լուսավոր Հայաստան» խմբակցությունը Վանաձորի քաղաքապետ Մամիկոն Ասլանյանին անվստահություն հայտնելու գործընթաց է սկսել:

Այս մասին այսօր կազմակերպված ասուլիսին հայտարարեց քաղաքապետի նախկին թեկնածու Քրիստ Մարուքյանը: Մինչ ասուլիսը, քաղաքապետարանում տեղի ունեցած ավագանու արտահերթ նիստին «Լուսավոր Հայաստան» խմբակցության անդամները չմասնակցեցին:

«Այսօր լրանում է Վանաձորի ՏԻՄ ընտրությունների տարին, որը պատմության մեջ մնաց որպես մանդատագողության խայտառակ դրսեւորում: «Լուսավոր Հայաստան» կուսակցությունը չհանդուրժեց ստեղծված իրավիճակը եւ հասավ ընդհուպ մինչեւ սահմանադրական դատարան ու հակասահմանադրական ճանաչվեցին ավելի քան մեկ տարի տեղի ունեցած ավագանու նիստերն ու իրավական մի շարք որոշումներ, բայց այս ամենը չստիպեց Վանաձորի կառավարումը ստանձնած մեծամասնությանը, ի դեմս ՀՀԿ-ի ու ՀՅԴ-ի, ավելի ուշ նաեւ նրանց միացած «Հայկական Վերածնունդ» կուսակցությանը, փոփոխություններ մտցնել իրենց պահվածքի մեջ»,- ասաց Մարուքյանը, հավելելով, որ չնայած նրան, որ բացի ՀՀԿ-ից, մյուս կուսակցությունները միացան հեղափոխությանը, բայց Վանաձորում շարունակեցին աջակցել ՀՀԿ-ին:

«Հաշվի առնելով վերը թվարկած հանգամանքները, ինչպես նաեւ Վանաձորում շարունակվող ՀՀԿ-ի կողմից անարդյունավետ կառավարումը, «Լուսավոր Հայաստան» խմբակցությունը սույնով կոչ է անում Վանաձորի ավագանու բոլոր անդամներին միանալ Մամիկոն Ասլանյանին անվստահություն հայտնելու նախաձեռնությանը: Մենք եռօրյա ժամկետում ակնկալում ենք թե՛ խմբակցությունների ու թե՛ անհատ ավագանու անդամների դիրքորոշումը, երբ որ կլինեն բավարար քանակի ստորագրություններ, կտանք նաեւ պաշտոնական ընթացք»,- ասաց Քրիստ Մարուքյանը, մեկ անգամ եւս կրկնելով, որ նախաձեռնում են ՀՀԿ-ի կողմից առաջադրված ու Վանաձորի քաղաքապետի պաշտոնում պաշտոնավարող Մամիկոն Ասլանյանին անվստահություն հայտնելու գործընթաց:

Քրիստ Մարուքյանը չբացառեց, որ իրենց միացողներ կլինեն, սակայն որոշակի վերապահումներ ունի. «Գործընթացը սկսելու համար պետք է ավագանու անդամների 1/3-ի ստորագրությունը, իսկ մնացածն արդեն ընթացքը ցույց կտա»:

Մարուքյանի խոսքով, իրենք հանդիպելու են մյուս խմբակցություններին, քննարկելու են իրավիճակը: Այս պահին իրենց համախոհ համարում են միայն ԲՀԿ-ին, ով, Մարուքյանի պնդմամբ մինչ օրս չի խախտել իրենց պայմանավորվածությունը. «Որեւէ քննարկում չի եղել մինչ այս պահը, բայց ենթադրում եմ, որ ԲՀԿ-ն կմիանա»:

Իսկ թե ում է տեսնում քաղաքապետի պաշտոնում, Քրիստ Մարուքյանն այդպես էլ չասաց: Վանաձորի քաղաքապետ Մամիկոն Ասլանյանը ՀԺ-ի հետ զրույցում նշեց, որ չի ցանկանում մեկնաբանել անհեթեթությունները. «Անհեթեթությունները ես ուղղակի չեմ մեկնաբանում: Կոչը դա օրենքով սահմանված գործընթաց է, իրենք միշտ էլ այդ հնարավորություններն ունեցել են, ոչ ոք իրենց չի խոչընդոտում»,- ասաց Ասլանյանը:

Մեր դիտարկմանը, որ «Լուսավոր Հայաստան» խմբակցությունը պարբերաբար չի ներկայանում նիստերին, բոյկոտով է հանդես գալիս, դա որեւէ կերպ չի՞ խոչընդոտում քաղաքի կառավարմանը, Մամիկոն Ասլանյանը նշեց.

«Իրենց նիստերին չգալը քաղաքին որեւէ կերպ ո՛չ վնասում է, ո՛չ օգուտ տալիս, իրենք ընդամենն իրենց համար որոշակի պահերի որոշակի քաղաքական ինչ-ինչ խնդիրներ են ցանկանում լուծել: Քաղաքն իր բնականոն կյանքով ապրում է»:

Տպել
1922 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ