Էս պայմաններում խոխա չեն պահում. Շուռնուխցի ազատամարտիկ (լուսանկարներ)

Սյունիքի մարզի սահմանամերձ Շուռնուխ գյուղի բնակիչ Արարատ Աղաբեկյանն առաջին անգամ զենքը ձեռքը վերցրեց, երբ 16 տարեկան էր: Ծնողներից թաքուն ու հայրենասիրությունից դրդված, բռնեց պատերազմի դաշտի ճամփան:1992-ի պատերազմն ավարտվեց, հրադադարը՝ կնքվեց, բայց, ինչպես շուռնուխեցի Արոն է ասում, այդպես էլ հրադադար չհաստատվեց:Քառօրյա պատերազմի ժամանակ էլ Արոն զենք վերցրեց, համբուրեց մանկահասակ երեխաների ճակատը, Գորիսի երկրապահի տղաների հետ ջոկատ կազմեցին ու մեկնեցին պատերազմ. «Մեկ է, եթե վաղն էլ պատերազմ լինի, թեկուզ շատ եմ չարացած, մեկ ա ես քյալու եմ…»:

Արարատի ընտանիքը Շուռնուխում բնակություն է հաստատել 1994թ-ին՝ զինադադարից հետո, ինչպես ինքն է ասում, «այսպես ասած, զինադադարից հետո». «Բայց բոլորս էլ գիտենք, որ զինադադար այդպես էլ չեղավ, պատերազմը գնում է, բայց յուրա ծավալների մեջ»:Արդեն 8 տարի է, ինչ Արարատը կնոջ ու երկու երեխաների հետ տեղափոխվել է Գորիս քաղաք, սակայն կապը Շուռնուխի հետ չի կտրում, ասում է՝ կյանքը ստիպեց դուրս գալ գյուղից՝ աշխատանք չկար, ապրելակերպ չկար. «Շուռնուխում իմ խրամատներն են, Շուռնուխում իմ կյանքի անցած տարիներն են…»:

«Երեխեքիս պահել էր պետք, գյուղում գործ չկար, կտրված գյուղ է, երեխաների ապագան էր պետք կառուցել, լավ-փիս մենք ապրեցինք, բա մեր երեխեքը, բայց չենք ուզում, որ նույն ձեւ մեր երեխեքը ապրեն»,- ասում է Արոն ու հավելում, որ երեխաները գյուղում չեն զարգանում, ո՛չ մշակույթի տուն ունեն, ո՛չ խմբակներ. «Էս պայմաններում խոխա չեն պահում, որ առավոտ մտնի անտառ, հետո գոմ ու էսպես մեծանան, մեր գյուղում ոչինչ չկա, ես էլի կգայի գյուղ, բայց երեխեքս մեծանում են, սովորել է պետք նրանց, ապագա է պետք տալ, երեխուս լողի եմ ուզում տալ, հիմա շախմատի է գնում, էդպիսի բաներ կան...»:

Շուռնուխում, ինչպես Արոն է ասում, քառօրյա պատերազմի օրերին 25 չափահաս տղամարդ կար, պատերազմ մեկնելուն կամավոր գրվեց 20-ը: Հիշում է, նախկին մարզպետ Սուրիկ Խաչատրյանը, տեսնելով կամավորների ցուցակը, գյուղապետին հանձնարարել է կրճատել այն, քանի որ գյուղում տղամարդ չէր մնում, պատերազմ մեկնեցին շուռնուխցի 2 կանայք եւս:

Սահմանամերձ Շուռնուխի բնակիչը դժգոհ է պետության ուշադրությունից, ասում է՝ իրենք միշտ կանգնում են պետության կողքին, բայց հակառակն այդպես էլ տարիներ շարունակ չստացան. «Ես ոչ ակնկալիք ունեմ, ոչ էլ…հլա դեռ հույս ունեմ, ապրենք էլի, հետո գուցե լավ լինի, ախր գյուդում ես հարցը որն ա, հավատը մարդու միջին ա, բայց ես էդ հավատը արդեն կորցրել եմ»,- ասում է Արարատն ու հիշում բոլոր այն մեծ ու փոքր պաշտոնյաներին, ովքեր մի քանի տարին մեկ այցելել են գյուղ, խոստումներ շռայլել ու հեռացել գյուղից, այլեւս երբեք չվերադառնալով. «Նոր իշխանությունից առայժմ մի բան եմ տեսնում, որ ժողովրդի դուխն ու հավատը վերականգնեցին, մնացածն էլ կարող ա ժամանակին լինի, ով ա գյուդում»:

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
1761 դիտում

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան

ԵՄ-ն շարունակելու է լայն աջակցության ցուցաբերել Հայաստանին. Եվրոպական հանձնաժողովի ներկայացուցիչը՝ Տ. Ավինյանին

Հայ ծանրորդները վաղվանից սկսում են պայքարն աշխարհի առաջնությունում

Երրորդմասցի Լյովիկի եւ նրա ընկերների սպանության գործով Գաստիկի, Ծըգլի եւ Տլեի պատիժը խստացվեց. 18-ից դարձավ 21

Ես հիմա ո՞ւմ գնամ-խնդրեմ՝ երաշխավորի․ դատարանը Սեյրան Օհանյանին թույլատրեց բուժման նպատակով բացակայել երկրից

ԱԱԾ տնօրենը հայտարարություն է արել իր հրամանատարի դեմ, այդ պահին նա դեռ ԱԱԾ ղեկավարն էր. Արտակ Գալստյան

Հայտարարություն մրցույթի մասին

QR վճարումներ Հայբիզնեսբանկի մոբայլ բանկինգի հավելվածում

Գրեմիի մրցանակակիր Jamiroquai խումբ, Բրեգովիչ, Եվգենի Պետրոսյան. մշակութային աշունը Երեւանում

Բացահայտվել է բնակարանային գողությունների շարք. երկու անձի մեղադրանք է առաջադրվել

Հայաստանում է Լիբանանի պաշտպանության նախարարի գլխավորած պատվիրակությունը

Հարգելի՛ դատավոր, Դուք «դռների տակ վնգստացող դատավորների» ցուցակո՞ւմ եք․ Ռոբերտ Քոչարյանի պաշտպան

Նյու Յորքում կբացվի անվանի հայ լուսանկարիչ Արա Գյուլերի ցուցահանդեսը

«Ռոմա»-ի երկրպագուները երգ են նվիրել Մխիթարյանին (ձայնագրություն)

Յուրի Ջորկաեֆը նշանակվել է ՖԻՖԱ-ի հիմնադրամի գլխավոր տնօրեն. նա հոկտեմբերի 6-ից 9-ը կայցելի Հայաստան

Փաշինյանի ԱՄՆ այցին ընդառաջ. ինչպես է ադրբեջանի քարոզչական նյութը հայտնվել է հայկական մամուլում

Նոյեմբերյանի քրեական հետախույզներն ապօրինի թմրաշրջանառության դեպք են բացահայտել (տեսանյութ)