Հեղափոխությունից հետո՝ քաղաքական նոր ուժ. շուտով կկայանա «Քաղաքացու որոշում» կուսակցության հիմնադրումը

Մեր երկրում տեղի ունեցած Թավշյա հեղափոխությունից հետո հայաստանյան քաղաքական դաշտում քաղաքական կուսակցությունների ճգնաժամային վիճակ է առաջացել: Նիկոլ Փաշինյանի քաղաքական թիմն իշխանության է գործադիրում, այդ թիմի մի մասն Ազգային ժողովում, ըստ էության, այլեւս ընդդիմություն չէ, ՀՀԿ-ն առանց խորհրդարանական արտահերթ ընտրությունների չի կարող լինել ո՛չ ընդդիմություն, ո՛չ իշխանություն, որովհետեւ այս պահին ԱԺ-ում ունի ամենաշատ պատգամավորներ ունեցող խմբակցությունը, եւ այսպես շարունակ:

Հեղափոխությունից հետո մի խումբ քաղաքացիական ակտիվիստներ, ովքեր տարիներ շարունակ պայքարել են նախկին ռեժիմի ապօրինությունների դեմ՝ սկսած Մաշտոցի պուրակի ակցիաներից, մինչեւ ապրիլյան զարգացումներ, որոշել են ստեղծել նոր՝ սոցիալ-դեմոկրատական կուսակցության՝ «Քաղաքացու որոշում» նախնական անվամբ: Կուսակցության հիմնադիր ժողովը տեղի է ունենալու սույն թվականի նոյեմբերի երեքին:

Բայց մինչ այդ նախօրեին Մաշոցի պուրակում տեղի ունեցավ այս կուսակցության նախաձեռնության հրապարակային հանդիպում-քննարկումը: Նախաձեռնող խմբի անդամներն են քաղաքացիական ակտիվիստ, ծրագրավորման ինժեներ Կարեն Հարությունյանը, տնտեսագետ Սուրեն Սահակյանը, քաղաքագետ ու բնապահպան Գոռ Հակոբյանը, «Քաղաքացիական հասարակության ինստիտուտի» ՀԿ-ի նախագահ Արտակ Կիրակոսյանը, ՏՏ ոլորտի մասնագետ, քաղաքացիական ակտիվիստ Աստղիկ Մելքոնյանը, Միքայել Նահապետյանը եւ այլք: Ամբողջական ցուցակը հանրության դատին կներկայացվի կուսակցության հիմնադիր ժողովից հետո:

Ինչ վերաբերում է կուսակցության կառուցվածքին՝ «Քաղաքացու որոշում» կուսակցության հիմնական որոշումները կայացնելու է համաժողովը, որը բաց ցուցակների հիման վրա ընտրելու է քաղաքական խորհուրդ: Քաղաքական խորհուրդը լինելու է գործադիր-կոլեգիալ մարմին, որն իրականացնելու է կայացրած որոշումները:

Կուսակցության նախաձեռնող խմբի անդամները նպատակ ունեն ոչ թե մեկ անձի շուրջ կազմավորված կուսակցություն ունենալ, այլ մտածող մարդկանց լայն համագործակցություն, որտեղ ներդրված կլինեն ուղիղ ժողովրդավարության սկզբունքները:

Նախաձեռող խմբի անդամ Կարեն Հարությունյանը նշում է՝ քաղաքականությունը վերջապես պետք է դառնա քաղաքացունը, ոչ թե վերապահվի միայն քաղաքական ֆորմալ միավորներին:

Նա նշում է, որ կուսակցություն ստեղծելու միտքը նոր չէ, սակայն քանի որ մինչեւ հեղափոխությունը ընտրությունները կեղծվում էին, անիմաստ են համարել կուսակցություն ստեղծել եւ մասնակցել ընտրություններին. «Հիմա այդ խոչընդոտը վերացել է, եւ կարող ենք աշխատել այդ ուղղությամբ: Պարզվեց՝ տարբեր մարդիկ կիսում են այդ միտքը ու մի քանի ամիս տեւած քննարկումներից, աշխատանքներից հետո հասել ենք կուսակցության հիմնադրմանը»,-մեր զրույցում ասաց Կարեն Հարությունյանը:

Վերջինս նշում է, որ նախաձեռնության անդամները տարիներ շարունակ նախաձեռնել եւ մասնակցել են տարբեր քաղաքացիական շարժումների, որոնք փորձել են ձեւակերպել եւ լուծել հանրային տարածքների, հանրային ծառայությունների սակագների, կենսաթոշակային համակարգի փոփոխության, բնապահպանության հետ կապված խնդիրներ.

«Դրանք հիմնականում եղել են գոյություն ունեցող քաղաքականության հետեւանքների դեմ պայքար, եւ հաճախ առաջանում էր հենց քաղաքականությունը փոխելու պահանջը: Դա բերում էր մի մտքի, որ պետք է նաեւ մշակել եւ իրականացնել քաղաքակություն: Տարբեր մարդկանց կողմից կարիքը զգացվել է ավելի ընդգրկուն հայեցակարգային ծրագիր մշակել եղածի հիման վրա եւ անցնել այդ քաղաքականության իրականացմանը»,-ասաց Հարությունյանը:

Կուսակցության նախաձեռնող խմբի անդամները նախկինում որեւէ այլ կուսակցության չեն անդամակցել, չնայած եղել են քաղաքականության մեջ, «Քաղաքականությունը միայն ֆորմալ ներկայացուցչական դեմոկրատիան չէ, երբ մասնակցում ես ընտրությունների կամ պաշտոն զբաղեցնում»,-շեշտեց Հարությունյանը:

Ինչ վերաբերում է կուսակցության «Քաղաքացու որոշում» անվանը, վերջինս մեկնաբանեց, որ իրենց կարծիքով, քաղաքացին պետք է մասնակցի քաղաքականությանը, այսինքն՝ որոշումների կայացմանը՝ նաեւ ուղիղ դեմոկրատիայի միջոցով, դրա համար էլ նախնական հենց այս անունն են ընտրել՝ մինչեւ կուսակցության հիմնադիր համաժողովին վերջնական անուն հաստատելը:

Կարեն Հարությունյանի խոսքով՝ այս պահին նախաձեռնող խմբում կա մոտ 50 ակտիվ անդամ, «Կան շատ մարդիկ, ովքեր ցանկություն են հայտնել միանալ եւ հիմա այդ գործընթացն է գնում, հիմնադիր անդամներն են հավաքվում»,- «Հայկական ժամանակ»-ի հետ զրույցում ասաց Հարությունյանը՝ հավելելով, որ նախաձեռնությանը կարող են միանալ բոլոր այն մարդիկ, ովքեր կիսում են սոցիալ-դեմոկրատական արժեքներն ու կարծում են՝ որպես հասարակություն կարիք կա համերաշխ լինելու եւ որոշակի պատասխանատվություն վերցնելու՝ հասարակական կյանքից տարբեր պատճառներով դուրս մնացած մարդկանց ընդհանուր կյանքին վերադարձնելու. «Եւ կարող են միանալ բոլոր այն մարդիկ, ովքեր ուզում են իրենց մասնակցությունն ունենալ մեր ընդհանուր կյանքը երջանիկ դարձնելու մեջ»:

«Քաղաքացու որոշում» նախաձեռնությունը նպատակ ունի մասնակցել խորհրդարանական արտահերթ ընտրություններին, սակայն ոչ ինքնանպատակ. «Մեր նպատակներից են՝ քաղաքական դաշտը կայացնելը, գաղափարականացնելը, քաղաքական մշակույթը փոխելը: Եվ եթե չմասնակցենք էլ արտահերթ ընտրություններին, ապա քաղաքականության մեջ մեր մասնակցությունը կունենանք այլ միջոցներով»:

Կարեն Հարությունյանի կարծիքով՝ հեղափոխությունը դեռ շարունակվում է, եւ իրենց թիմը դրա մի մասն է: «Քաղաքացու որոշումը» աջակցում է հեղափոխական օրակարգին, ինչը եւ, ինչպես մեր զրույցում նշեց Հարությունը, կառավարությունն անում է:

Մեր հարցին՝ կուսակցությունն իրեն ապագայում ընդդիմադի՞ր դիրքերում է պատկերացնում, Կարեն Հարությունյանը պատասխանեց. «Ես քաղաքականությանը ընդդիմադիր-իշխանական բաժանումով չեմ նայում: Այն ավելի լայն է, եւ գաղափարական համընկնումներ ու հակասություններ կարող են լինել տարբեր իրավիճակներում, որոնց շուրջ էլ կարելի է գործել: Համենայնդեպս հիմա վաղ է խոսել ընդդիմությունից ու դրա գործառույթներից»:

Ինչ վերաբերում է ներկա քաղաքական դաշտում առկա ընդդիմադիր ուժերին՝ Հարությունյանը կարծում է, որ ներկա իրավիճակում ընդդիմություն լինելը այդքան էլ հստակ չէ. «Իսկ այն ուժերը, որոնք տարիներ շարունակ ժողովրդի իշխանությունը յուրացրել էին, ընդհանրապես պետք է քաղաքականությունից հեռանան: Դրանք կուսակցություններ էլ չէին, այլ մեծամասնության հաշվին ինչ-որ խմբերի նեղ անձնական շահերը սպասարկող կառույցներ: Լավ կլինի՝ նրանք էլ դա գիտակցեն, եւ թողնեն՝ կայանա իրական քաղաքականություն»,-«Հայկական ժամանակ»-ի հետ զրույցում ասաց «Քաղաքացու որոշում» կուսակցության նախաձեռնող խմբի անդամ Կարեն Հարությունյանը:

Տպել
26109 դիտում

Միացյալ Նահանգները Հայաստանի և Ադրբեջանի քայլերը ողջունում է․ կրկին կոչ է անում վերադարձնել բոլոր գերեվարվածներին

Վարչապետը հրապարակել է գերությունից վերադարձած զինծառայողների անունները

Ադրբեջանում գտնվող գերիներից 15-ը վերադարձան Հայաստան

Ոմանք կերազեին, որպեսզի մեր գերեվարված եղբայրներից և ոչ մեկը մինչև ընտրություններ չվերադառնար հայրենիք. Տարոն Չախոյան

Առաջին ալիքի նկատմամբ քաղաքական ճնշումների փորձեր են արվում. Հանրայինը դիմում է ԿԸՀ, ՀՌՀ, ՄԻՊ՝ հրատապ արձագանքի համար

15 գերի է վերադառնում, նրանք ճանապարհին են. Փաշինյանը հայտարարել է Կարմիր գյուղում և լուսանկար է հրապարակել (տեսանյութ)

Եթե Լևոն Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. ՀԱԿ-ը Գյումրիում քարոզարշավ անցկացրեց

Հադրութի շրջանում այսօր ևս 8 աճյուն է հայտնաբերվել

Զանգեզուրի պղնձամոլիբդենային կոմբինատը փորձում է ազդեցություն ունենալ քաղաքական գործընթացների վրա. Իոաննիսյան

Հրդեհ Զովունիում. այրվել է խոտածածկույթ

Ինչ ունեցվածք ունի «Հայաստան» դաշինքի ցուցակի 18-րդ համար «Անռիվա» ընկերությունների հիմնադիր Հռիփսիմե Ստամբուլյանը

Ավտովթարի հետևանքով մահացել է գեներալ Սեյրան Սարոյանի զարմիկը. shamshyan.com

Սև լճի շրջանում «թուրքական բանակային ստորաբաժանման տեղակայման» մասին խոսք չի գնում. ՊՆ

ԲՀԿ պատգամավորի թեկնածուն կալանավորվեց. դատարանը բավարարեց միջնորդությունը

Վարդենիսով Հայաստանը ոչ թե ավարտվում, այլ՝ Վարդենիսով սկսվում է Հայաստանը. Նիկոլ Փաշինյան

Ադրբեջանական ուժերը պետք է դուրս գան ՀՀ տարածքից, խնդիրը լուծվելու է խաղաղ ճանապարհով. Նիկոլ Փաշինյանը Վարդենիսում է

ՀՀ պետական սահմանի արևելյան հատվածում կահավորման և ինժեներական ինտենսիվ աշխատանքներ են ընթանում

Հայաստանը կարևորում է Միացյալ Թագավորության հետ բարեկամական կապերի ամրապնդումը. Փաշինյանը շնորհավորել է Բորիս Ջոնսոնին

ՃՏՊ Էջմիածին-Մարգարա ճանապարհին. 30-ամյա վարորդը մահացել է

Մեր խնդիրն է, որ հունիսի 20-ին պահպանվի ժողովրդի իշխանությունը. Նիկոլ Փաշինյան (լուսանկարներ, տեսանյութ)

Հունիսի 21-ին բոլորիդ հրավիրում եմ Հանրապետության հրապարակ՝ արձանագրելու ոչ բռնի, պողպատյա հեղափոխության հաղթանակը

Բագրատաշենի անցակետում հանդիպել են հայ և վրացի գործընկերները

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

ՀՀ-ն ու Ռուսաստանը կապված են դարավոր բարեկամության և ռազմավարական գործընկերության ամուր հարաբերություններով. նախագահ

Մենք ուզում ենք Հայաստանում ապրող մարդը ոչ թե հպատակ լինի, այլ՝ քաղաքացի. «Քաղաքացիական պայմանագիրը» Ծովագյուղում է

Արցախում կորոնավիրուսի 1 դեպք է հաստատվել

Հայ-ռուսական փոխգործակցությունը վստահորեն զարգանում է բոլոր ուղղություններով․ նախագահ Արմեն Սարգսյանի ուղերձը

«Քաղաքացիական պայմանագիրը» Գեղարքունիքում քարոզարշավը մեկնարկեց Սևանից (ուղիղ, լուսանկարներ)

Հաստատվել է կորոնավիրուսի 88 նոր դեպք, առողջացել է 120 մարդ

Պետք է դադարեցնել ընտրությունների վերաբերյալ կարծիք արտահայտող քաղաքացիներին վիրավորելն ու ծաղրելը. ՄԻՊ

Արցախը միշտ կարևորել է Ռուսաստանի անգնահատելի դերը տարածաշրջանի խաղաղության և կայունության պահպանման գործում. ԱՀ նախագահ

Մեծամորի ջրանցքում դի է հայտնաբերվել

Նիկոլ Փաշինյանը շնորհավորել է Միխայիլ Միշուստինին՝ Ռուսաստանի օրվա առթիվ

Ամասիայում բնակչության ազդարարման և տարահանման միջոցառում կիրականացվի

Նիկոլ Փաշինյանը շնորհավորական ուղերձ է հղել Վլադիմիր Պուտինին՝ Ռուսաստանի օրվա առթիվ

Վահագնի թաղամասում բռնկված հրդեհը մարվել է (տեսանյութ)

Ձայնագրությունը, որը կոմպրոմատ էր դառնալու իմ դեմ, հրապարակվեց, և հանրության նախատինքը պայթեց հենց իրենց գլխին. Փաշինյան

Աշխարհի՝ տնտեսապես ամենազարգացած 7 պետությունների առաջնորդների գագաթնաժողովը մեկնարկել է

ՀԷՑ-ի մոտ 500 աշխատակիցների ստիպելու են գնալ Քոչարյանի՝ Վանաձորում կազմակերպվելիք հանրահավաքին․ Civic․am

Հրդեհ է բռնկվել Վահագնի թաղամասում․ հայտարարվել է հրդեհի բարդության «1 ԲԻՍ» կանչ․ ՓԾ տնօրեն Գասպարյանը դեպքի վայրում է