Պատրիկ Դեւեջյանն առաջարկել է Տավուշի մարզում գյուղատնտեսական նշանակության դպրոց ստեղծել

09/10/2018 schedule13:55

ՀՀ տարածքային կառավարման եւ զարգացման նախարար Սուրեն Պապիկյանն այսօր ընդունել է Ֆրանսիայի Օ-Դը-Սեն նահանգի նահանգային խորհրդի եւ ավագանու պատվիրակությանը, որը գլխավորում էր Փարիզի պաշտպանության խորհրդի նախագահ Պատրիկ Դեւեջյանը:

Նախարարության մամուլի ծառայությունից հայտնում են, որ ջերմորեն ողջունելով հյուրերին՝ նախարար Սուրեն Պապիկյանը հայտնել է, որ Հայաստանի համար մեծ պատիվ է Ֆրանկոֆոնիայի գագաթնաժողովի շրջանակներում հյուրընկալել բարեկամ Ֆրանսիայից ժամանած նմանօրինակ ներկայացուցչական պատվիրակությանը։ «Հետհեղափոխական Հայաստանում Ֆրանկոֆոնիայի գագաթնաժողովի անցկացումը հիրավի մեծ իրադարձություն է, քանզի ժողովրդավարության վերելք ապրող մեր հայրենիքի համար սա աշխարհին նորովի ներկայանալու հրաշալի հնարավորություն է»,-ասել է նախարարը եւ համոզմունք հայտնել, որ այսօրինակ բարձր մակարդակի շփումները լավ նախադրյալներ են ստեղծում գործընկերության նորանոր ուղղություններ նախանշելու համար։ 

Պատրիկ Դեւեջյանն իր եւ Օ-Դը-Սեն նահանգի աշխատակազմի ու ավագանու անդամների անունից շնորհակալություն է հայտնել ընդունելության համար եւ նշել, որ Ֆրանսիայի Օ-Դը-Սեն նահանգի գլխավոր խորհրդի կողմից Ֆրանսիայի հայկական հիմնադրամի միջոցով ՀՀ Տավուշի մարզի գյուղական համայնքներում արդեն տասը տարի իրականացվող ներդրումային ծրագրերի տեսանելի եւ շոշափելի ձեռքբերումները ստիպում են մտածել փոխգործակցության զարգացմանն ու ընդլայնմանն ուղղված նոր գաղափարների եւ տեսլականների ուղղությամբ։

Նախարար Պապիկյանը շնորհակալություն է հայտնել նախորդ տասը տարիների ընթացքում Օ-Դը-Սեն նահանգի գլխավոր խորհրդի կողմից ՀՀ Տավուշի մարզի գյուղական բնակավայրերում ջրանցքների, ոռոգման համակարգերի, ագրոբազաների կառուցման, անասնաբուծական եւ անասնապահական տարաբնույթ ծրագրերի իրականացման համար եւ նկատել, որ հայ-ֆրանսիական ապակենտրոնացված համագործակցության այս մասնավոր դրսեւորումն ունի անհրաժեշտ բոլոր նախադրյալները ընդարձակելու իր գործնական եւ բովանդակային աշխարհագրությունը։

Նախարարին ներկայացնելով ծրագրերի իրականացման ընթացքում առաջացած բարդությունները՝ Պատրիկ Դեւեջյանը մտահոգություն է հայտնել գյուղացիների շրջանում գյուղատնտեսությանն ու ագրոարդյունաբերությանը վերաբերող գործնական գիտելիքների ցածր մակարդակի կապակցությամբ եւ առաջարկել մասնագիտական կարողությունների զարգացման նպատակով քննարկել Տավուշի մարզում գյուղատնտեսական նշանակության դպրոց ստեղծելու հնարավորությունները։

Սուրեն Պապիկյանը խիստ արդիական է գնահատել գյուղատնտեսական հենքով կրթական հաստատություն ստեղծելու առաջարկը եւ արձանագրել, որ Հայաստանի համար ռազմավարական նշանակություն ունեցող Տավուշի մարզում նորագույն տեխնոլոգիաների եւ առաջադեմ գիտելիքների վրա հիմնված գյուղատնտեսությունը կենսական նշանակություն ունի տարածաշրջանի համար եւ ապագայում կարող է արձանագրել լրջագույն արդյունքներ։ Նախարարը հյուրերին վստահեցրել է, որ ՀՀ կառավարությունը հետաքրքրված է լավագույնս օգտագործել տարբեր ոլորտներում համագործակցության զարգացման հնարավորությունները եւ պատրաստ` իր անվերապահ աջակցությունը ցուցաբերել եվրոպական գյուղատնտեսական հարուստ փորձը Հայաստանում ներդնելու ծրագրերին։

Տպել
3027 դիտում

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ

Սիմոն Մարտիրոսյանն ու Հակոբ Մկրտչյանը կմասնակցեն Եվրոպայի երիտասարդական առաջնությանը. ՀՀ-ն գնում է մեծ կազմով

Մեղրին կգազիֆիկացվի, կառավարությունը պատրաստ է տրամադրել գումարը․ Սուրեն Պապիկյան

Կոտայքի մարզի Բջնի գյուղի գազամատակարարումը վաղը 7 ժամով կդադարեցվի

Լիբանանում ՀՀ առեւտրական ներկայացուցիչն ազատվել է պաշտոնից

ՀՀ ֆուտբոլի հավաքականը Եվրո 2020-ը կդիտի հեռուստացույցով. հնարավորությունը վատնեց

Հրդեհ Դիլիջան քաղաքից դեպի թունել տանող հատվածում. ջերմահարվել է 80 եղևնի, այրվել խոտածածկույթ

Սուրեն Պապիկյանը ծանոթացել է էներգետիկայի ոլորտում կատարվող շինաշխատանքներին

Տիգրան Առաքելյանը կարժանանա պետական պարգեւի՝ անձնուրաց ծառայության համար. վարչապետ