Կառավարությունը հավանության չարժանացրեց հիվանդությունների ցանկը, որոնց դեպքում անձը չի կարող պաշտոն զբաղեցնել

Կառավարությունն այսօր՝ հոկտեմբերի 10-ի նիստում չհաստատեց Հանրային ծառայության պաշտոնն զբաղեցնելու դեպքում լիազորությունների իրականացմանը, ինչպես նաեւ ուսումնական հաստատություններում մանկավարժական կամ վարչական գործունեությանը խոչընդոտող հիվանդությունների ցանկը:

Առողջապահության նախարար Արսեն Թորոսյանը, ներկայացնելով նախագիծը, նշեց, որ հասարակության մեջ կան դժգոհություններ, թե ինչու պետք է օրինակ, տրամադրության (աֆեկտիվ) խանգարումները խոչընդոտեն մանկավարժական կամ այլ հաստիքներում աշխատելու համար: Նրա խոսքով, եթե այդ խանգարման դեպքում մարդիկ հաշվառման են կանգնում համապատասխան հաստատությունում, ու եթե կարծում են, որ արդեն իրենց մոտ չկա այդ խանգարումը, կարող են կրկնակի փորձաքննություն անցնել եւ հաշվառումից հանվել. «Այլեւս խոչընդոտ չի լինի տվյալ գործունեությամբ զբաղվել»,- ասաց նախարարը:

Արդարադատության նախարար Արտակ Զեյնալյանը հարց ուղղեց, թե արդյո՞ք այդ հիվանդություններից մեկով տառապող անձը կարող է ընդունվել այնպիսի բուհ, որից հետո պետք է աշխատի ասենք դիվանագետ:

Առաջին փոխվարչապետ Արարատ Միրզոյանը նկատեց, որ տարիներ առաջ նման դեպք եղել է, որ դիմորդին չեն ընդունել Դիվանագիտական ակադեմիա, քանի որ տեսողության խնդիր է ունեցել. «Անձը, որի մասին խոսում եմ, բոլորս երեւի տեղյակ ենք, հիմա շատ հրաշալի պաշտոնավարում է Արցախի Հանրապետությունում»,- ասաց Միրզոյանը:

ՀՀ վարչապետ Նիկոլ Փաշինյանը նշեց, որ պետք է փոխել կարծրացած այդ մոտեցումները. «Այս նախագիծը հաշմանդամություն ունեցող անձանց իրավունքների պաշտպանությամբ զբաղվող կազմակերպությունների հետ քննարկվե՞լ է: Կարծում եմ՝ կարելի է հարցը հանել օրակարգից, շահառու խմբերի հետ քննարկել, բաց քննարկում անել: Մեր խնդիրն է հաշմանդամություն ունեցող անձանց ներառել, ոչ թե նրանց առջեւ դռները փակել»,- ասաց վարչապետը:

Ի վերջո, որոշվեց հարցը հանել օրակարգից եւ անդրադառնալ քննարկումներ կազմակերպելուց հետո:

Նշենք, որ ըստ ներկայացված որոշման, հիշյալ ցանկում են հետեւյալ հիվանդությունները.

  1. Օրգանական (ներառյալ սիմպտոմատիկ) հոգեկան խանգարումներ
  2. Շիզոֆրենիա, շիզոտիպային եւ զառանցանքային խանգարումներ
  3. Տրամադրության ( աֆեկտիվ) խանգարումներ
  4. Սովորույթի եւ հակումների խանգարումներ
  5. Մտավոր հետամնացություն
  6. Հոգեկան եւ վարքային խանգարումներ` հոգեակտիվ նյութերի գործածման հետեւանքով
  7. Շնչառական օրգանների տուբերկուլյոզ` հաստատված մանրէաբանորեն կամ հյուսվածքաբանորեն
  8. Էպիլեպսիա
  9. Ականջի հիվանդություններ՝ արտահայտված խլությամբ (դիվանագիտական ծառայության պաշտոնի դեպքում)
  10. Տեսողական խանգարումներ` արտահայտված կուրությամբ (դիվանագիտական ծառայության պաշտոնի դեպքում)

Որոշման հիմնավորման մեջ նշվում է, որ որոշման ընդունման դեպքում կհաստատվի հանրային ծառայության պաշտոնը զբաղեցնելու դեպքում լիազորությունների իրականացմանը, ինչպես նաեւ ուսումնական հաստատություններում մանկավարժական կամ վարչական գործունեությանը խոչընդոտող հիվանդությունների ցանկը, ինչպես նաեւ կապահովվի վերը նշված օրենքների լիարժեք եւ արդյունավետ կիրարկումը:

Տպել
1538 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)