Հայաստանի ֆուտբոլի ֆեդերացիան ցանկանում է համագործակցել իսպանացի Խինես Մելենդեսի հետ (լուսանկարում): Նախատեսվում է, որ մասնագետը Հայաստան ժամանի աշնանը, ու քննարկվի նրա՝ ՀՖՖ տեխնիկական տնօրենի պաշտոնը զբաղեցնելու հարցը: Այս մասին «Հայկական ժամանակ»-ի հետ զրույցում ասաց ՀՖՖ փոխնախագահ Արմեն Նիկողոսյանը:

«Բանակցում ենք իսպանացի շատ հայտնի մարդու հետ, որը հոկտեմբերի կեսերին կամ նոյեմբերի սկզբներին խոստացել է գալ Երեւան, քննարկել տեխնիկական տնօրենի հարցը: Անպայման տեխնիկական տնօրենը լինելու է արտասահմանցի հանրաճանաչ մասնագետ, եւ հույս ունենք իսպանացի Խինես Մելենդեսը: Նա 2008 թվականից սկսած Իսպանիայի բոլոր հաղթանակների հիմքն է: Հիմնական ծանրությունը շատ կցանկանանք, որպեսզի տեղափոխվի տեխնիկական տնօրինության վրա. դա մանկապատանեկան հավաքականներն են, երիտասարդական, որոնք ազգային հավաքականի հիմքերն են»,- ասաց նա:

Ֆեդերացիայում վստահ են, որ այսպես հնարավոր կլինի իրականացնել նոր ղեկավարության հիմնական նպատակներից մեկը՝ զարգացնել տարբեր տարիքային խմբերի ֆուտբոլը: Վերջին շրջանում մարզչական փոփոխություն է տեղի ունեցել ոչ միայն ազգային հավաքականում, այլեւ մինչեւ 17 եւ մինչեւ 19 տարեկանների հավաքականներում: Խզվել են արգենտինացիների հետ պայմանագրերը: Մ-17 հավաքականի գլխավոր մարզչի ժամանակավոր պաշտոնակատար է նշանակվել Կարեն Բարսեղյանը, Մ-19 տարեկանների գլխավոր մարզչի ժամանակավոր պաշտոնակատար՝ Արթուր Ոսկանյանը: Նիկողոսյանը նշում է, որ արտասահմանցի մասնագետները Հայաստանում աշխատելու են, սակայն ոչ բոլոր թիմերն են լինելու նրանց ղեկավարության տակ: Նրանց թիվը լինելու այնքան, որքան բավարար է այդ թիմերում անհրաժեշտ արդյունք ապահովելու, ինչպես նաեւ հայ մարզիչների հետ փորձի փոխանակման համար:

«Ուզում ենք փոխել համակարգ, բայց այս պահին կհրաժարվենք մանկապատանեկան հավաքականներն ամբողջությամբ արտասահմանցիներին տրամադրելուց: Գուցե լինեն 1-2 մասնագետ, որոնց հետ կաշխատեն հայ մարզիչներ, քանի որ հեռանկարում պետք է ունենանք հայ մարզիչների որոշակի համքարություն, որոնք ունակ են մարզելու թե՛ մանկապատանեկան հավաքականներ, թե՛ խմբեր: Բոլորս սեւեռվել ենք ազգայինի վրա եւ մոռանում ենք՝ ովքեր են աշխատում երեխաների հետ: Ծրագրերից մեկը մանկապատանեկան ֆուտբոլի մարզիչների հետ է կապված՝ սկսած աշխատավարձերից վերջացրած նրանց գործառույթներով: Բոլորը հարցնում են՝ որքան է ստանալու ազգայինի գլխավոր մարզիչը, բայց մանկապատանեկան թիմերի մարզիչները չեն կարող 120 կամ 150 հազար դրամով լավ երեխաներ պատրաստել: Պետք է ուրեմն սկսենք այդտեղից»,- ասաց նա:

Եթե 68-ամյա Մելենդեսի հետ պայմանավորվածություն ձեռք չբերվի, նրա հետ համագործակցությունը հնարավոր է նաեւ այլ ձեւաչափով: Իսպանացին համաձայն է ամեն դեպքում ծրագիր գրել հայկական ֆուտբոլի զարգացման համար եւ երաշխավորել այլ մասնագետի, որը կիրականացնի այն:

Տպել
2470 դիտում

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում

Արտեմ Դալաքյանը երրորդ անգամ պաշտպանել է WBA վարկածով աշխարհի չեմպիոնի տիտղոսը (տեսանյութ)

Վարժարանի ուսուցիչը կասկածվում է 15-ամյա աշակերտուհու նկատմամբ անառակաբարո գործողություններ կատարելու մեջ

Մենք ձեւավորում ենք գաղափարական նոր հարթություն՝ 4 սյուների վրա հիմնված. վարչապետը՝ ՔՊ համաժողովին (տեսանյութ)

Կիեւյան փողոցի շենքի մոտ ծուխ է նկատվել. փրկարարները տարհանել են բնակիչներին

Այս անգամ Ծառուկյանն էլ չի փրկի ձեզ, եթե պատերազմ եք ուզում՝ կստանաք. Տիգրան Ուրիխանյան

Այսօր «Քաղաքացիական պայմանագիր» կուսակցության համաժողովն է. ընտրվելու է վարչության նոր կազմ. ուղիղ

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Ոստիկանները կրկին մեկնեցին սահման. Օսիպյանը պարգեւատրել է նրանցից մի քանիսին

Արաբկիրի ոստիկանները պարզել են քաղաքացուն դանակահարած անձի ինքնությունը

Ոստիկանները հայտնաբերել են քաղաքացու դրամապանակը գողացած անձին

Սարի թաղում՝ հեռուստաաշտարակի մոտ այրվում է խոտածածկ տարածք

ՀՀ ոստիկանությունում տեղի է ունեցել պարգեւատրման արարողություն

Դավիթ Տոնոյանը այցելել է ՀՀ ԶՈւ-երի մարտական հենակետերից մեկը

Տարբեր երկրների քաղաքացիական հասարակության ներկայացուցիչներ հյուրընկալվել են ՀՀ ԱԺ-ում

Համազգային թատրոնի փոխտնօրենն աշխատանքից ազատման դիմում է ներկայացրել

Ոստիկանները բերման են ենթարկել ավտոմեքենայի պատուհանից ինքնաշեն սարքով կրակած անձին

Ոստիկանները ապօրինի թմրանյութ պահելու եւ օգտագործելու դեպքեր են բացահայտել