Մենք դադարեցման որոշում չենք կայացրել, մենք հաշվարկել ենք բնության վնասները. Վ. Պեպանյան

Հոկտեմբերի 10-ին ՀԺ-ն գրել էր, որ Ալավերդու պղնձաձուլական գործարանի բանվորները փակել էին Մ-6 միջպետական ճանապարհն ու «Հարավկովկասյան երկաթուղու» երկաթգիծը: Ալավերդու պղնձաձուլական գործարանը շահագործող «Էյ Սի Փի» ընկերության տնօրեն Լուսինե Մեջլումյանը ՀԺ-ի հետ զրույցում նշել էր, որ որոշել են փակել գործարանը, քանի որ բնապահպանության եւ ընդերքի տեսչական մարմինը վերջերս ընկերությանը տուգանել է 380 մլն դրամով: Մեջլումյանը նշել էր, որ առաջադրանք են ստացել մինչեւ տարեվերջ արտանետումները 90 տոկոսով նվազեցնել, ինչը պրակտիկորեն անհնար է: Նա հավել էր, որ մյուս տարի եւս կարող են գալ ու նույնքան տուգանել, քանի որ հարցը տեխնոլոգիապես լուծում չունի: Մեջլումյանը նաեւ նշեց, որ եթե ընկերությունն անցնի այլ ղեկավարի, ապա այն միանշանակ կփակվի, քանի որ պարզապես հումքի մատակարարում չի լինի: Նրա խոսքով՝ գործարանի փակման պատճառով 620 աշխատակից անգործ կմնա:

«Մենք դադարեցման որոշում չենք կայացրել: Մենք հաշվարկել ենք բնության վնասները եւ հանձնարարական ենք տվել, որպեսզի իրենք վերացնեն առկա իրավախախտումները»,- այս մասին մեր զրույցում ասաց բնապահպանության եւ ընդերքի տեսչական մարմնի ղեկավարի օգնական Վրույր Պեպանյանը:

- Պարոն Պեպանյան, Ալավերդու պղնձաձուլական գործարանը շահագործող «Էյ Սի Փի» ընկերության ղեկավարությունը նշում է, որ հնարավոր չէ մինչեւ տարեվերջ տեսչական մարմնի տված առաջադրանքը կատարել: Ի՞նչ խնդիր եք ներկայացրել ընկերությանը:

- Մենք ստուգում ենք իրականացրել ընկերությունում, պարզվել են որոշակի բնապահպանական իրավախախտումներ: Բնությանը հասցված վնաս է հաշվարկվել եւ հանձնարարական է տրվել ընկերությանը, որպեսզի վերացնեն առկա իրավախախտումները, հիմնականում արտանետումները համապատասխանեցնել նորմերով թույլատրված չափաքանակներին:

- Իսկ դա հնարավո՞ր է այդչափ նվազեցնել, քանի որ ընկերությունը նշում է, որ ձեր նշած առաջադրանքը կատարելը պրակտիկորեն անհնար է: Եւ տեսչական մարմինը մյուս տարի եւս կարող է գնալ ու նույնքան տուգանել, քանի որ հարցը տեխնոլոգիապես լուծում չունի:

- Ես ճիշտն ասած, իրենց մեկնաբանությունները ճիշտ չեմ գտնում մեկնաբանել: Բայց փաստը նա է, որ մենք իրենց հանձնարարական ենք տվել եւ այդ հանձնարարականով մինչեւ դեկտեմբերի 25-ը իրենք պետք է ներկայացնեն կատարված աշխատանքների մասին:

- Տեսչական մարմինը կառավարության հետ հաշվի առե՞լ է ռիսկերը, քանի որ հիմա բողոքի ալիք է բարձրացել այնտեղ եւ 600-ից ավելի աշխատակից գործազուրկ է մնալու ընկերության փակվելու դեպքում:

- Մենք դադարեցման որոշում չենք կայացրել: Մենք հաշվարկել ենք բնության վնասները եւ հանձնարարական ենք տվել, որպեսզի իրենք վերացնեն առկա իրավախախտումները:

- Սա առաջին դե՞պքն է, որ ընկերությունը նման իրավախախտման համար տուգանվում է տեսչական մարմնի կողմից:

- Դա ոչ թե տուգանք է, այլ բնությանը հասցված վնասն է: Նախկինի հետ կապված չեմ կարող ասել, քանի որ բնապահպանության եւ ընդերքի տեսչության կողմից, որը ձեւավորվել է 1 տարի առաջ, ստուգում չի իրականացվել այնտեղ: Մեր կողմից սա առաջին ստուգումն էր:

- Տեսչական մարմինը հնարավո՞ր է համարում, որ խնդիրը մինչեւ դեկտեմբերի 25-ը հնարավոր կլինի կարգավորել:

- Այդ առումով, ինչպես գիտեք, տեսչական մարմնի նախաձեռնությամբ եւ առաջարկով հանրային լսումներ էին կազմակերպվել Ալավերդի քաղաքում, որպեսզի խնդիրը ներկայացվի հանրությանը, եւ փորձ արվի ընկերությանը ներկայացնել իրենց դիտարկումները, որովհետեւ բացի այն, որ կա իրավախախտում, կա բնությանը հասցված վնաս, որը մեր վերահսկողության տիրույթում է գտնվում, կան նաեւ ժողովրդի դժգոհությունները` նաեւ առողջապահական թեմաներով, որը արդեն մեր վերահսկողության տիրույթում չի: Այդ նպատակով այդ հանրային լսումները կազմակերպվել են, որպեսզի բոլոր կողմերին լսելի լինի, հարցը բարձրացվի եւ լուծումների հանգեն:

Մենք ընդամենը իրականացրել ենք օրենքով սահմանված մեր լիազորությունները: Վեր ենք հանել այն իրավախախտումները, որոնք կան եւ օրենքով սահմանված կարգով հանձնարական է տրվել, որպեսզի իրենք աշխատանքներ տանեն դրանց վերացման ուղղությամբ եւ ներկայացնեն: Եթե չեն կարողանա, դա արդեն այլ հարց է, երբ այդ հանձնարարականի ժամկետը կլրանա, այդ ժամանակ արդեն նորովի կարելի է հարցին մոտենալ:

Քանի որ հարցի հետ կապված որոշ թյուրընկալումներ կան, թե տեսչական մարմինը փակում է ընկերության գործունեությունը, ես ուզում եմ ֆիքսենք, որ տեսչական մարմինը գործարանի դադարեցման որոշում չի կայացրել:

Տպել
1493 դիտում

Մենք ի զորու ենք նոր որակ հաղորդել. Փաշինյանը շնորհավորել է Զելիսնկիին՝ Ուկրաինայի Անկախության օրվա առթիվ

Շուտով կառավարության օրակարգում կլինի հանրաքվեի ինստիտուտը, որով հնարավոր կլինի 50+1 քվեարկությամբ ազատել համայնքապետին

Ջրամբարի մոտ մետաղ սղոցելելու ժամանակ արձակված կայծից հրդեհ է բռնկվել. այրվել է 8 հա տարածք

Սառնարանների պահեստում օգոստոսի 19-ին բռնկված հրդեհն այսօր մարվել է (տեսանյութ)

Ժամանակավորապես կդադարեցվի Վանաձորի մի շարք թաղամասերի գազամատակարարումը

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան