Այս ընտրությամբ արմավիրցիներն ընտրելու են հեղափոխության շարունակությունը. Դավիթ Խուդաթյան

Մի քանի օրից՝ հոկտեմբերի 21-ին, քաղաքապետի արտահերթ ընտրություններ են լինելու նաեւ Արմավիր քաղաքում: Այստեղ նախընտրական քարոզարշավն ընթանում է բնականոն հունով, եւ ինչպես մեր զրույցում ասաց «Քաղաքացիական պայմանագիր» կուսակցության անդամ, «Իմ քայլը» դաշինքի՝ Արմավիրի քաղաքապետի թեկնածու Դավիթ Խուդաթյանը՝ բոլոր թեկնածուների համար առկա են քարոզչության հավասար պայմաններ:

Խուդաթյանը մեր զրույցում ասաց, որ իրենք քարոզարշավի մեկնարկից ի վեր արդեն հասցրել են լինել քաղաքի մոտ 80 տոկոսում. «Ինչպես ի սկզբանե հայտարարել էինք՝ դուրս ենք եկել քայլարշավի եւ լինելու ենք քաղաքի բոլոր բակերում, թաղամասերում, շփվելու ենք մարդկանց հետ, ներկայացնելու ենք մեր ծրագիրը: Հիմա կարող ենք փաստել, որ քաղաքի մոտ 80 տոկոսում հասցրել ենք լինել, մյուս մասն առաջիկա օրերին կկազմակերպենք»:

Նա ասաց, որ, դատելով քաղաքացիների արձագանքներից, նրանց ժպիտներից՝ «Իմ քայլը» դաշինքի՝ Արմավիրի թիմի շուրջ դրական մթնոլորտ է. «Միայն նկատվում է ֆեյքերի ակտիվացում: Դա էլ երեւի կապված է նոր տեխնոլոգիաների հետ, բայց դա էլ քարոզարշավի բնական փուլ է»,- նշեց Խուդաթյանը:

Ինչ վերաբերում է ֆեյքերի գոյությանը, քաղաքապետի թեկնածուն կարծում է, որ դրանք էլ քարոզարշավի ընթացքում օգտագործվող գործիքներ են, սակայն իրենք երբեւէ չեն դիմելու այդ մեթոդին. «Մենք չենք սեւացնում ոչ մի թեկնածուի: Բայց իրենք էլ ունեն ընտրվելու խնդիր, եւ այդ ֆեյքերի միջոցով տարածում են, թե մենք շահարկում ենք հեղափոխությունը, ասում են՝ ես ու վարչապետը քավոր-սանիկական հարաբերությունների մեջ ենք: Բայց ես հստակ ուզում եմ ասել, որ մենք որեւէ տեղ չենք շահարկել հեղափոխության անունը: Սա մի պրոցես է, որը հեղափոխության տրամաբանական շարունակությունն է, եւ այն տրամաբանական ավարտին կարող են հասցնել մարդիկ, որոնց քաղաքական կենսագրությունը մաքուր է:

Այո՛, մենք ասում ենք, որ այս ընտրությամբ մարդիկ ընտրելու են հեղափոխության շարունակությունը: Եւ մենք վստահ ենք, որ ՀՀԿ-ի համար նախկինում աշխատածները չեն կարողանալու մեր քաղաքում իրագործել այդ հեղափոխությունը: «Իմ քայլը» հեղափոխական թիմ է, հետևաբար՝ թիմի թեկնածուն չի կարող հանդես գալ չհեղափոխական դիրքերից»,- ասաց Դավիթ Խուդաթյանը՝ հավելելով, որ իրենք վարչապետ Փաշինյանի հետ ընդհանրապես քավոր-սանիկական հարաբերություններ չունեն եւ իրենք ուղղակի թիմակիցներ, կուսակցության ակունքում կանգնած մարդիկ են,- «Մենք ժպիտով ենք պատասխանում ֆեյքերին, այս ամենին եւ հաշվի ենք նստում միայն ժողովրդի հետ»,- ասաց նա:

Վերջինս «Հայկական ժամանակ»-ի հետ զրույցում հայտնեց, որ Արմավիրի քաղաքապետի ժամանակավոր պաշտոնակատար եղած 3 ամիսների ընթացքում ինքը հասցրել է ծանոթանալ քաղաքի բոլոր խնդիրներին. «Եւ առաջին խնդիրը, որը հուզում է Արմավիրի բնակիչներին, խմելու ջրի հարցն է, ապա փողոցների լուսավորության հարցը, բազմաբնակարանների տանիքների հարցը: Դրանք 1970-80-ականների շենքեր են, որոնց տանիքները գրեթե չեն վերանորոգվել»,- ասաց Դավիթ Խուդաթյանը:

Խուդաթյանի կարծիքով՝ անլուծելի խնդիրներ ոչ մի բնագավառում չկան, այլ կան խնդիրներ, որոնց համար կարճ ժամանակ է հարկավոր եւ խնդիրներ, որ երկարաժամկետ լուծում են պահանջում. «Մենք մեր ծրագրում ներկայացրել ենք ամբողջը եւ փորձում ենք տեղ հասցնել մեր ասելիքը: Պետք է հստակ ֆիքսենք մի կարեւոր հանգամանք՝ անլուծելի խնդիրներ չկան»,- մեր զրույցում ասաց Արմավիրի քաղաքապետի թեկնածուն:

Խուդաթյանը նշում է, որ իրենք պարտավորություն են վերցրել քաղաքացիների առաջ, որ կստեղծեն այնպիսի միջավայր, որտեղ քաղաքացիները կորոշեն, թե ով է ընտրվելու. «Եթե որոշեն, որ ես պետք է ընտրվեմ, ապա կընտրվեմ ես, եթե որոշեն, որ այլ թեկնածու պետք է ընտրվի, ուրեմն կընտրվի այլ թեկնածու»:

«Իմ քայլ»-ի քաղաքապետի թեկնածուն ասաց, որ մյուս թեկնածուների հետ իրենց հարաբերությունները մինչ օրս ծավալվել են բացառապես քաղաքակիրթ դաշտում, եւ կոնֆլիկտային իրավիճակ չի ստեղծվել: Խուդաթյանն իր ընտրվելու եւ չընտրվելու դեպքում պատրաստ է համագործակցել մյուս թեկնածուների հետ, քանի որ իր համար առաջնայինը ոչ թե սեփական հաղթանակն է, այլ քաղաքացու. «Այն քաղաքական թիմը, որի անդամն եմ ես, Հայաստանում գործող իշխանությունն է: Ուրեմն, մենք չենք կարող չհամագործակցել մյուսների հետ: Ես այստեղ եմ ապրում, այստեղ են մանկապարտեզ ու դպրոց գնալու իմ նոր ծնված երեխաները, այնպես որ՝ մեր թիմը մշտապես համագործակցելու է, եւ մենք անմնացորդ ծառայելու ենք միայն քաղաքացու հաղթանակին. առաջնայինը ոչ թե իմ, այլ քաղաքացու հաղթանակն է»,- ասաց «Իմ քայլը» դաշինքի քաղաքապետի թեկնածու Դավիթ Խուդաթյանը:

Ինչ վերաբերում է այն հարցին, թե արմավիրցին ինչո՞ւ հենց Դավիթ Խուդաթյանին պետք է ընտրի, վերջինս պատասխանեց, որ իրենց թիմը քաղաքացիներին խոստանում է, որ նրանք Արմավիրում կզգան փոփոխությունների ալիքը. «Ես եւ իմ թիմը պետք է ցույց տանք, որ փոփոխությունների ալիքը տրված է Արմավիրում, եւ եթե քաղաքացին ուզի, այդ տրամաբանությամբ կընտրի մեզ: Կարծում եմ՝ արմավիրցիներն ընկալել են փոփոխությունները եւ հասկացել, որ մենք ունենք քաղաքական կամք՝ այդ փոփոխություններն իրականացնելու»,- «Հայկական ժամանակ»-ի հետ զրույցում ասաց Դավիթ Խուդաթյանը:

Հիշեցնենք, որ սույն թվականի հոկտեմբերի 21-ին Հայաստանի մի շարք համայնքներում տեղի են ունենալու ՏԻՄ եւ համայնքների ղեկավարների արտահերթ ընտրություններ:

Արմավիրի քաղաքապետի ընտրություններին մասնակցում է 4 թեկնածու՝ Օհան Հարությունյանը, Սեւակ Մինասյանը, Ժիրայր Աբրահամյանը եւ Դավիթ Խուդաթյանը:

Դավիթ Խուդաթյանն այս պահին Արմավիրի քաղաքապետի ժամանակավոր պաշտոնակատարն է, քաղաքապետի պարտականությունները ստանձնել է հունիսի 27-ին՝ ՀՀ վարչապետ Նիկոլ Փաշինյանի որոշմամբ: Ավելի վաղ՝ հունիսի 22-ին, Արմավիրի ՀՀԿ-ական քաղաքապետ Ռուբեն Խլղաթյանը հայտարարել էր, որ վաղաժամկետ դադարեցնում է Արմավիրի քաղաքապետի լիազորությունները:

Տպել
2944 դիտում

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը