ՀՀ ազատոճայինները վերջին հավաքն են անցկացնում աշխարհի առաջնությունից առաջ

Հայաստանի ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը գոհ է աշխարհի 2018 թ. առաջնության նախապատրաստական փուլի ընթացքից: Այս օրերին նրանք մրցաշարից առաջ վերջին հավաքն են անցկացնում «Օլիմպավանում»: Առաջնությունում Հայաստանը ներկայացնելու է 6 մարզիկ: Մարզիչը բոլորից էլ մեդալների ակնկալիքներ ունի: «Հայկական ժամանակ»-ի հետ զրույցում նա խոսեց ըմբիշների հնարավորությունների մասին:

«Սա սպորտ է, ամեն ինչ էլ կարող է լինել: 57 կգ քաշային կարգում Ջաբուրյանն է: Կարող է պայքարել մեդալի համար: 65-ում Ֆրանգուլյանն է, Եվրոպայի մեդալակիր է (խմբ. բրոնզե): Աշխարհի առաջնությունում հուսով եմ՝ կպայքարի մեդալի համար: Դավիթը Սաֆարյան (70 կգ) վերադարձել է: Շատ ուրախ ենք, որ այսօր թիմում է: Փորձառու մարզիկ է: Երիտասարդների համար շատ կարեւոր է նման մարզիկների դերը հավաքականում: 74-ում Մարգարյան է: Նա նոր է փոխել քաշային կարգը: Պետք է որ լավ մասնակցի: Միջազգային մրցաշարերի մասնակցել է բավականին հաջող, մրցանակային տեղեր է զբաղեցրել: 79-ում՝ Գրիգորյանն է: Նույնպես քաշային կարգը փոխել է: Եվրոպայի մրցանակակիր է (խմբ. բրոնզե).... եւ 97 կգ քաշային կարգում հանդես եկող Կետոեւը... նրանք նորմալ մարզավիճակում են»,- ասաց նա:

Մասնագետը բացատրեց՝ ինչու են քաշային կարգերը փոխել Վալտեր Մարգարյանն ու Գրիգոր Գրիգորյանը: Մարգարյանը նախկինում պայքարում էր 70, իսկ Գրիգորյանը՝ 74 կգ-ում: Կուրղինյանը նշեց, որ նոր մրցակարգի պայմաններում այս ըմբիշների համար բարդ կլիներ իրենց նախկին քաշային կարգերում:

«Անցած տարի աշխարհի առաջնության ժամանակ մարզիկները կշռվում էին երեկոյան 4-5-ին, եւ մրցումները սկսվում էին հաջորդ օրը՝ առավոտյան 10-11-ին: Այս տարվանից կշռվում են առավոտյան 8-ին, 10-ին մրցումները սկսվում են: Վերականգնվելու ժամանակ չի մնում. 4, 5, 6 կգ քաշ գցելուց հետո վերականգնվելը շատ դժվար է, նույնիսկ անհնար»,- ասաց նա:

Աշխարհի 2018 թ. առաջնությունում ՀՀ ազատ ոճի ըմբշամարտի հավաքականը ներկայանալու է հետեւյալ կազմով՝ Միհրան Ջաբուրյան (57 կգ), Վալոդյա Ֆրանգուլյան (65 կգ), Դավիթ Սաֆարյան (70 կգ) Վալտեր Մարգարյան (74 կգ), Գրիգոր Գրիգորյան (79 կգ), Գեորգի Կետոեւ (97 կգ): Ինչպես հայտնում է ֆեդերացիան, նախապես պլանավորված է եղել, որ 57 կգ քաշային կարգում հանդես գա Գարիկ Բարսեղյանը, սակայն վնասվածքի պատճառով փոխարինվել է: Մասնակիցները, Կուրղինյանի խոսքով, այս պահին վնասվածքներ չունեն: ՀՀ-ն կարող էր ներկայացուցիչ ունենալ 125 կգ քաշային կարգում, սակայն աշխարհի առաջնության բրոնզե մեդալակիր Լեւան Բերիանիձեն խնդիրներ ունի:

«Բերիանիձեն մեզ հետ հավաքների է մասնակցում, սակայն նա խնդիրներ ունի ու չի մասնակցի աշխարհի այս առաջնությանը: Մի քիչ առողջական խնդիրներ ունի, քաշի հետ կապված խնդիրներ: Մյուս տարի օլիմպիական վարկանիշային տարի է, հույս ունեմ, որ կմասնակցի»,- ասաց Կուրղինյանը:

Աշխարհի առաջնությունը կայանալու է Հունգարիայի մայրաքաղաք Բուդապեշտում: Սկսվելու է հոկտեմբերի 20-ին: Ավարտվելու է 28-ին: Ազատոճայինների հավաքը մեկնարկել է հոկտեմբերի 8-ին, կվերջանա 19-ին, որից հետո նրանք կմեկնեն մրցավայր:

Տպել
675 դիտում

2019 թվականի առաջին եռամսյակի համեմատ անշարժ գույքի գործարքներն աճել են 24.3 %-ով

ՀՀ սահմաններից դուրս գտնվող հայկական պետական միակ թատրոնն ինը տարի անց կգործի սեփական շենքում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ

Կիպրոսում «Մելքոնյան Վարժարանը» պետք է վերաբացվի. Եվրոպայի հայերի համագումար

Մոտ 12մլն դրամ. Արմավիրի մարզում ավարտված կոռուպցիոն գործերով 63 տոկոսով ավելի շատ վնաս է վերականգնվել, քան 2018թ-ին

Վրացական «Ռուսթավի 2» հեռուստաընկերությունը կվերադարձվի նախկին սեփանականտիրոջը. ՄԻԵԴ-ը խախտում չի արձանագրել

Սեպտեմբերի 1-ից Հայաստանի երիտասարդական հիմնադրամը կլուծարվի

Հայաստանը հուսով է ՄԱԶԾ-ից լրացուցիչ աջակցություն ստանալ. Տիգրան Ավինյանը՝ ՄԱԿ-ի զարգացման ծրագրի կառավարչին

Եվրո 2019. ՀՀ հավաքականը տեղավորվեց խմբի վերջին տեղում

Մեկնարկել է Երևան-Սևան-Իջևան-հայ-ադրբեջանական սահման ավտոճանապարհի նորոգումը

Չեմ կարծում, որ Իրանի դեմ կա մոտալուտ պատերազմի վտանգ. ԱՄՆ-ի պաշտպանության նախարարի թեկնածու

Տեսչական մարմինների ղեկավարների 16 տեղակալներ չեն ունենալու ծառայողական ավտոմեքենաներ

Ճանաչելիության բարձրացում և ենթակառուցվածքների զարգացում․ գործադիրը գումար հատկացրեց զբոսաշրջության զարգացմանը

Հանկարծ չստացվի, որ մենք չուզողություն ենք անում, ջուրն անվճար չենք տալիս. վարչապետ