Թեկնածուներին ցանկանում եմ հաջողություն, բայց հետագայի համար խորհուրդ եմ տալիս ավելի ազնիվ պայքարել. Դիանա Գասպարյան

Հոկտեմբերի 21-ին քաղաքապետի արտահերթ ընտրություններ են տեղի ունենալու նաեւ Էջմիածին քաղաքում: Մյուս քաղաքների համեմատ՝ այստեղ առաջադրվել են ամենաշատ թեկնածուները՝ թվով տասներկուսը: Նախընտրական քարոզարշավն ընթանում է բավականին ակտիվ: Քաղաքապետի առաջիկա ընտրությունների եւ «Իմ քայլը» դաշինքի թիմի դեմ տարվող հակաքարոզչության մասին զրուցել ենք «Քաղաքացիական պայմանագիր» կուսակցության՝ Էջմիածնի քաղաքապետի թեկնածու Դիանա Գասպարյանի հետ:

- Տիկին Գասպարյան, նախընտրական քարոզարշավի վերջին օրն է. ի՞նչ հասցրիք անել, ինչպե՞ս ընթացավ քարոզարշավը, եւ ինչպիսի՞ն էր բնակիչների արձագանքը Ձեր եւ թիմի հանդեպ:

- Մենք քարոզարշավի ընթացքում որդեգրել էինք «քայլելու» մարտավարությունը, այսինքն՝ բացառապես նախագծել ենք մեր երթուղին, քարոզարշավ ենք իրականացրել բակերում՝ զրուցելով բնակիչների հետ եւ այլն: Եղել են մարդիկ, ովքեր շնորհակալություն են հայտնել այս կամ այն խնդիրը լուծելու համար, որովհետեւ ես, ամեն դեպքում, քարոզարշավի ընթացքում եղել եմ քաղաքապետի պաշտոնակատար եւ արձագանքել եմ քաղաքացիների որոշակի խնդիրների: Շատ բնակիչներ իրենց մտահոգություններն էին բարձրաձայնում, եւ դա նորմալ է, երեք ամիսը բավարար չէր տարիների, անգամ տասնյակ տարիների խնդիրները լուծելու համար: Բայց մենք հետեւողական ենք լինելու, որպեսզի մեր ծրագրում ներառված յուրաքանչյուր ոլորտի խնդիր լուծում ստանա: Մեր ծրագիրը շատ իրատեսական է: Այն բարի ցանկությունների հավաքածու չէ, այլ այն քայլերն են, որոնք իրականում հնարավոր է անել: Մեր մեխը եղել է քաղաքացիների հետ հասարակ շփումը: Շատ ջերմ ընդունելության ենք արժանացել բոլոր բակերում, հասարակ մարդկանց տրամադրվածությունը, կարող եմ ասել, շատ լավ է եղել:

- Նախորդ երեք ամիսներին քաղաքապետի պաշտոնում աշխատելու ընթացքում Դուք ի՞նչ դժվարությունների հանդիպեցիք, եւ արդյոք դրանք ձեզ չվախեցրի՞ն շարունակել այդ ճանապարհը:

- Թերեւս միակ դժվարությունը կամ մարտահրավերը եղել է այն, որ հեղափոխությունից հետո մարդիկ շատ ակնկալիքներ ունեն կարճ ժամանակահատվածի համար: Բայց դա ամբողջ երկրում է խնդիր: Սակայն մենք բացատրում ենք բնակիչներին, որ պետք է համբերատար լինել, իրենք էլ հասկանում են, մտնում են մեր դրության մեջ, որ մենք ստացել ենք ժառանգություն մի քաղաք, որտեղ բոլոր ոլորտներում շատ խնդիրներ կան: Դրանք լուծելու համար ժամանակ է պետք, եւ ես կարծում եմ՝ բնակիչները գիտակից են, կհասկանան: Դա է եղել միակ դժվարությունը: Որեւէ այլ բան, ասենք՝ այլ ուժի կողմից ճնշում ինձ վրա չեմ զգացել, եւ վստահ եմ չի լինելու այդպիսի բան: Որովհետեւ մենք այլեւս իրավունքի եւ օրենքի երկիր ունենք. որեւէ ճնշում քաղաքային իշխանության վրա հնարավոր չէ:

- Տիկին Գասպարյան, ի՞նչ հարաբերություններ ունեք քաղաքապետի մյուս թեկնածուների հետ, եւ ձեր կարծիքով քարոզարշավի համար հավասա՞ր պայմաններ են:

- Այո, քարոզարշավը հավասար պայմաններում է ընթանում այն մասով, որ ես կարող եմ հավատացնել, որ ինքս որեւէ վարչական ռեսուրս չեմ օգտագործել, քաղաքապետարանի որեւէ աշխատողի՝ անգամ անուղղակի չեմ հրահանգել, այսպես ասած, աշխատել ինձ վրա: Հակառակը՝ մանկապարտեզների, դպրոցների տնօրեններին հատուկ խնդրել եմ ինձ համար տեղերում քարոզչություն չանել: Բոլորին թողել ենք իրենց խղճով անել ճիշտ ընտրություն, վստահաբար կարող եմ ասել, որ ուղղորդում բացարձակ չի եղել: Քարոզարշավի ընթացքում, թերեւս, տեսել ենք այլ թեկնածուներից անազնիվ քայլեր: Մենք սիրո եւ համերաշխության հեղափոխության ջատագովն ենք եւ չենք տրվում պրովոկացիոն, սադրիչ հնարքների: Մենք շարունակում ենք մեր ուղիղ գիծը, մեր շփումը հասարակ ժողովրդի հետ:

- Կարծես թե մյուս թեկնածուների կողմից ձեր թիմի դեմ որոշակի հակաքարոզչություն է ընթանում: Դուք մի հրապարակում էիք արել, որ թեկնածուներից մեկը քվեաթերթիկի օրինակ է տարածել, որտեղ մյուս թեկնածուների համարները սխալ են նշված. ի՞նչ կասեք սրա մասին:

 - Գիտե՞ք, նախ ծանուցում է տպված եղել քվեաթերթիկի այդ օրինակի վրա, որ համարները պատահականության սկզբունքով են ընտրված: Բայց այնքան իրական է ձեւաթուղթը, բոլոր մանրամասները նշված են իրական քվեաթերթիկի պես, եւ «պատահաբար» միայն թեկնածուների համարներն են սխալ տպել: Ես դա անազնիվ քայլ եմ գնահատում: Եթե թեկնածուի նպատակը իր համարը կամ անունը բնակչին հասցնելն էր, կարող էին մյուս թեկնածուների համարներն ուղղակի տպած չլինել, տպել առանց անունների: Կամ եթե պատահականության սկզբունքով էր, ապա ինչո՞ւ միայն իր համարը պետք է ճիշտ գրված լիներ: Եւ եւս երկու թեկնածուի համար է ճիշտ գրված եղել, մնացած բոլորինը՝ սխալ: Չնայած այդ երկու թեկնածուներն, ըստ էության, ինձ թույլ կտամ ասել՝ ֆավորիտ թեկնածուներ չեն համարվում: Ընդհանուր առմամբ՝ քարոզարշավն ընթանում է դրական մթնոլորտում, բայց սադրանքներ իսկապես եղել են: Հարցը ոչ թե բացահայտ հակաքարոզչության մասին է, այլ ընդհատակային, կուլիսային խոսակցությունների մասին, որոնք իմ նշանակման առաջին օրվանից են եղել: Փորձել են ինձ թուլացնել, տարատեսակ ապատեղեկատվություններ են տարածել փողոցում, բակերում, պատերի տակ: Բայց, կարծում եմ, բնակիչները հասկացել են հասարակ տրամաբանություն՝ եթե երեք ամսվա ընթացքում եւ քարոզարշավի ողջ ընթացքում բոլորը մեկ թեկնածուի դեմ են աշխատում, նշանակում է՝ այդ թեկնածուն ուժ է ներկայացնում, նշանակում է՝ այդ թեկնածուն շանսեր ունի եւ վայելում է ժողովրդի սերը:

- Հոկտեմբերի 21-ին նաեւ այլ քաղաքներում են քաղաքապետի արտահերթ ընտրություններ, բայց ամենաշատ թեկնածուները հենց Էջմիածնում են: Դուք մրցակիցներ առանձնացնո՞ւմ եք:

- Այո, առաջադրվել են շատ թեկնածուներ: Գիտեք, ես ինձ մրցակից չեմ համարում որեւէ մեկին: Իրականում շատ ուրախ եմ, որ Էջմիածին քաղաքը վերջապես քարոզարշավ տեսավ, Էջմիածնի փողոցներում բարձրախոսներով շրջող բազմաթիվ թեկնածուներ կան՝ իրենց համախոհներով: Դա շատ լավ է, շատ ողջունելի է, եւ ես շատ ուրախ եմ, որ ես քաղաքապետի այն պաշտոնակատարն եմ եղել, որի օրոք այսքան ազատ քարոզարշավ եւ ընտրություններ են անցկացվելու: Սա մեծ հնարավորություն է բոլորի համար, եւ էջմիածինցին իսկապես զարմանքով է տեսնում նման քարոզարշավ: Նման բան չի եղել այստեղ, որովհետեւ միշտ ուղղորդումներ են եղել: Կարծում եմ, որ մոնիտորինգներ կան, դիտարկումներ, որոնք ցույց են տալիս՝ երկրորդ տեղով գալիս է ավագանու անդամ թեկնածուն, բայց առաջինը, ես չգիտեմ, գուցե անհամեստ է հնչում, բայց կարծում եմ «Իմ քայլը» դաշինքն է եւ հեղափոխական թիմի թեկնածուն:

- Տիկին Գասպարյան, էջմիածինցին ինչո՞ւ հենց ձեզ պետք է ընտրի:

- էջմիածնում տարիներ շարունակ դժվար է եղել ապրել ու ինչ-որ բանի հասնել՝ առանց այս կամ այն անձի շահերի սպասարկող լինելու: Իմ առաջին առավելությունը ես համարում եմ այն, որ բացի իմ քաղաքական թիմից չունեմ որեւէ այլ հովանավորյալ, կապված չեմ որեւէ հեղինակության, որեւէ խմբի, որեւէ կլանի հետ եւ ենթարկվում եմ միայն օրենքին: Ես դրանով եմ լինելու ուժեղ: Հետո՝ ես վստահ եմ, որ Էջմիածնին պետք է երիտասարդ եւ կին թեկնածու: Որովհետեւ քաղաքը երեխայի պես է, քաղաքը հոգատարության կարիք ունի, իսկ մեր թիմը երիտասարդ է: Վերջապես նաեւ վստահ եմ եւ կարծում եմ, որ կա քաղաքական բաղադրիչ՝ այս ընտրությունը վստահության քվե է մեր քաղաքական թիմին, սա արտահերթ խորհրդարանական ընտրություններից առաջ վստահության քվե է «Քաղաքացիական պայմանագիր» կուսակցությանը եւ «Իմ քայլը» դաշինքին: Եւ ես ուզում եմ մաղթանք հնչեցնել. ես շատ ուրախ եմ, որ կայացավ թեկնածուների կողմից մարդկանց հետ շփվելու մշակույթը: Իմ հակառակորդներին ցանկանում եմ հաջողություն: Բայց հետագայի համար խորհուրդ կտայի ավելի ազնիվ, ավելի բաց մեթոդներով պայքարել, ավելի բաց քննարկել, լինել ավելի պարզ եւ չփորձել մարդկանց ապակողմնորոշել էժանագին մեթոդներով:

Տպել
3206 դիտում

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ

Վանաձորում եւս խոնարհումի տուրք են մատուցել 1988 թվականի աղետի զոհերի հիշատակին