N42 դպրոցի փոխտնօրենը խոստանում է նստացույց ու հացադուլ նախաձեռնել, եթե ԿԳՆ-ից աջակցություն չլինի

Երեւանի Տ. Շեւչենկոյի անվան համար 42 ավագ դպրոցում մթնոլորտի նախկին լարվածությունը չկա, բայց այն հանդարտված էլ չես անվանի:

Աշխատակազմն արդեն տեւական ժամանակ երկփեղկված է: Մի կողմում տնօրեն Էլեոնորա Թումանյանն ու նրա կողմնակիցներն են, մյուս կողմում՝ փոխտնօրեն Շողիկ Բաղրամյանն ու ուսուցչական կազմի մյուս մասը՝ մոտավորապես կեսը: Վերջիններս այս ամսվա սկզբին գործադուլ էին հայտարարել եւ դասապրոցեսը վերսկսեցին կրթության փոխնախարար Լուսինե Առաքելյանի եւ ԿԳՆ հանրակրթության վարչության պետ Աշոտ Արշակյանի հորդոր-պահանջներից հետո միայն: ԿԳՆ պաշտոնյաները նաեւ ժամանակ խնդրեցին՝ ստեղծված իրավիճակը համակողմանի ուսումնասիրելու եւ եզրակացություն կազմելու համար:

Մինչ այդ, տնօրենի չարաշահումների վերաբերյալ դիմում-բողոքներ էին հասցեագրվել ու վերահասցեագրվել կրթության տեսչությանն ու իրավապահ մարմիններին: Վերջիններիս իրավասությունների տիրույթում հայտնված գործի հետ նախարարությունն այլեւս առնչություն չունի, իսկ տեսչության ստուգումների արդյունքներն ուսումնասիրելուց հետո, ինչպես տեղեկացանք Աշոտ Արշակյանից, հանգել են այն եզրակացության, որ պետք է կարգապահական տույժ կիրառվի ինչպես դպրոցի տնօրենի, այնպես էլ փոխտնօրենի նկատմամբ: Տնօրենի նկատմամբ՝ այն բանի համար, որ թերացել է դպրոցում բարոյահոգեբանական առողջ մթնոլորտի ապահովման առումով, իսկ փոխտնօրենի նկատմամբ՝ քանի որ չի կատարել պաշտոնային մի շարք պարտականություններ:

Շողիկ Բաղրամյանը կրթության ոլորտի պատասխանատուներին ուղղված հերթական գրությունն էր պատրաստում՝ տեղեկացնելու, որ տույժի հիմքերն իրական չեն եւ այն, ինչում թերանալու համար մեղադրում են իրեն, չի մտել իր պատականությունների մեջ, քանի որ տնօրենի համապատասխան հրամանով դա դուրս է իր գործառույթների շրջանակից: «Դրանք իմ գործառույթները չեն: Ինքը (տնօրենը-խմբ.) անցյալ տարվա սեպտեմբերի մեկից ինձ համար հատուկ գործառույթներ էր սահմանել, այդ հրամանը ինձ մոտ է՝ ինչ պիտի ես անեմ ամբողջ տարվա կտրվածքով»,- մեզ հետ զրույցում ասաց փոխտնօրեն Շողիկ Բաղրամյանը: Վստահեցրեց նաեւ, որ իր նկատմամբ հալածանքները շարունակվում են: Մաթեմատիկա դասավանդող փոխտնօրենը 12-րդ դասարանի աշակերտներից մեկին հեռացրել է դասից՝ իրեն վիրավորելու համար եւ ծնող կանչել: Բայց մինչեւ ծնողը կգար, տնօրենը նրան ետ է տարել դասարան:

«Երեկ ամբողջ դասարանը լարել է իմ դեմ, երեխաները իմ դասը լքել ու դուրս են եկել: Ինքն այդ աշակերտի թեւից բռնած մտավ դասարան, եւ ամենավերջին բառերով աշակերտների մոտ ինձ վիրավորեց՝ ասելով՝ աշակերտները գիտեն՝ ես ով եմ, դուք ով եք: Ասում եմ՝ գնանք կաբինետում խոսենք, այս հարցը քննարկենք, ինքը չի լսում, երեք չորս անգամ ես խնդրեցի, որ աշակերտների մոտ պետք չէ: Ինքը փոխանակ աշակերտին դիտողություն անի, որ պատասխանել է եւ շատ կոպիտ ձեւով է պատասխանել, ասում է՝  լավ է արել, ասել է, դու ես հասցրել, արտասահմանում լիներ, պետք է ձեր դեմ դատական գործ հարուցեին: Ինքը ամենավերջին խոսքով ինձ ստորացրեց աշակերտների մոտ եւ թողեց դուրս եկավ: Երեխաներին էլ թե ոնց հասկացրեց, բոլորը թողեցին, դուրս եկան դասարանից: Այսօր էլ հարցրին՝ մեր ընկերը հիմա դասարան չի՞ մտնելու: Ասացի ծնողի հետ կխոսենք, հետո, հերթով նորից թողեցին դուրս եկան: Դա հալածանք չէ՞, ուսուցչին հալածել աշակերտների ներկայությամբ, հեղինակազրկել: Դա ո՞ր մի տնօրենին է վայել: Ոչ մեկին»,- հայտարարեց N42 դպրոցի փոխտնօրենը:

Հետո Բաղրամյանը խոսել է տղայի ծնողի հետ եւ եկել հետեւյալ եզրակացության. «Ապացուցվել է, որ ես իրեն չեմ վիրավորել, ուղղակի այդ տհաճ բարոյահոգեբանական մթնոլոտի ազդեցությունից երեխան երեւի լարվել է իմ դեմ եւ չի իմացել իր բողոքն ինչպես արտահայտի»: Շեւչենկոյի անվան դպրոցի փոխտնօրենը կարծում է, որ տնօրենի դեմ պայքարում ինքն ու գործընկերները մենակ են մնացել, եւ չկա մեկը, որ կանգնի իրենց թիկունքին: Ու եթե ԿԳՆ-ից նույնպես աջակցություն չստացվի, մտածում է այլ քայլեր ձեռնարկելու ուղղությամբ: «Ես վարչապետի նստավայրի կամ կառավարության շենքի մոտ մի քանի հոգով նստացույց կամ հացադուլ եմ կազմակերպելու»,- ասաց Շողիկ Բաղրամյանը:

Ուսումնական հաստատության տնօրեն Էլեոնորա Թումանյանը մեզ հետ զրույցում բավարար գնահատեց դպրոցում հաստատված աշխատանքային մթնոլորտը: Անդրադառնալով փոխտնօրենի հետ ունեցած վերջին կոնֆլիկտին, ընդգծեց, որ ոչ ոք իրավունք չունի աշակերտին դուրս հանել դասարանից, որովհետեւ իրենք պատասխանատվություն են կրում նաեւ նրա անվտանգության համար:

«Դպրոցի բուֆետում (դասի ժամին-խմբ.) հայտնաբերում եմ աշակերտի, եւ բուֆետի աշխատողն ինձ ասում է՝ այս երեխան արդեն երկու շաբաթ կլինի ամեն օր այստեղ նստած է առաջին եւ երկրորդ ժամին (Բաղրամյանի դասաժամերն են-խմբ.): Ես այդ երեխայի հետ զրուցում եմ, պարզվում է, որ տեղի է ունեցել կոնֆլիկտ, որից հետո երեխան ամեն օր մտնում է դասարան, ասում է՝ կարելի՞ է նստեմ, ինքը ասում է՝ ոչ, չես նստելու: Երեխային հեռացնում է դասարանից եւ մատյանում նշանակում է բացակա, ինչն օրինական չէ, այն էլ այն ուսուցչի պարագայում, որը հանդիսանում է դպրոցի տնօրենի՝ ուսումնական աշխատանքների գծով տեղակալ: Դա անօրինական բան է»,- ասաց տնօրեն Թումանյանը:

«Ես գնացել եմ, որ պարզաբանեմ, աշակերտին տարել եմ դասարան, էլի ասում է՝ չի նստելու, ասել եմ՝ ուրեմն այդ կոնֆլիկտի, ձեր գործողությունների վերաբերյալ մի հատ բացատրություն գրեք: Բացատրություն պահանջել եմ նաեւ այդ դասարանի դասղեկից: Իսկ եթե այդ տղան, որը 12-րդ դասարանի աշակերտ է, հանգիստ չնստեր, դպրոցից դուրս գար, մի բան պատահեր... Ո՞վ պետք է հետամուտ լինի նրա անվտանգության հարցերին»,- շարունակեց Էլեոնորա Թումանյանը: Ինչ վերաբերում է իր տեղակալի դիտարկմանը, թե աշակերտների ներկայությամբ իրեն նվաստացրել է՝ չընդունելով խնդիրն առանձին քննարկելու առաջարկները, տնօրենը չցանկացավ մեկնաբանել: Նրան հայտնի չէր նաեւ նախարարության որոշումը՝ իրեն եւս կարգապահական տույժի ենթարկելու վերաբերյալ: «Ես տեղյակ չեմ ու չեմ հասկանում՝ ինչի հիման վրա պետք է կիրառվի, բայց եթե կիրառվի, իրենք կբացատրեն: Կկիրառեն-կկիրառեն»,- նկատեց տնօրենը:

Տպել
4680 դիտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը