Քննարկում ՏԿՏՏ նախարարությունում. «Ղեկը աջ» նախաձեռնության անդամներն առաջարկեցին արգելքը կասեցնել մինչեւ 2020 թ.-ը

Այսօր ՀՀ տրանսպորտի, կապի եւ տեղեկատվական տեխնոլոգիաների նախարարությունում տեղի է ունեցել «Ղեկը աջ» նախաձեռնության անդամների հետ հերթական հանդիպումը: Պայմանավորվածության համաձայն՝ այս անգամ հանդիպմանը մասնակցել են նաեւ խնդրի հետ առնչություն ունեցող գերատեսչությունների ներկայացուցիչները:

Հանդիպման ժամանակ անդրադարձ է կատարվել նաեւ ՀՀ տրանսպորտի, կապի եւ ՏՏ նախարարի պաշտոնակատար Հակոբ Արշակյանի այն հայտարարությանը, թե լուծումը մեքենաներն ավտոմասերի բաժանելն ու այդպես ներկրելն է:

Քննարկման ժամանակ «Ղեկը աջ» նախաձեռնության անդամներից մեկը նշեց. «Պետք չէ մեզ պարտադրել զապչաստի համար: Դա հարցի լուծում չէ»: Տեսակետին, թե Հայաստանում երթեւեկությունը աջակողմյան է, ուստի աջ ղեկով մեքենաները վթարների, անհարմարությունների պատճառ են դառնում, նախաձեռնության անդամները հակադարձեցին. «Քաոս չի առաջանա: Եթե նայեք անցած տարվա վիճակագրությունը, կտեսնեք: Դրանք մեր երթեւեկության համար վտանգ չեն կարող ենթադրել: Մի մասը քանդվում է, որպես պահեստամաս է վաճառվում, մի մասը վաճառվում է ԵԱՏՄ երկրներ, իսկ հները դուրս են գալիս շահագործումից»:

Քննարկման ժամանակ ՀՀ տրանսպորտի, կապի եւ ՏՏ փոխնախարարի պաշտոնակատար Արմեն Փամբուխչյանն ասաց, որ իր անձնական ավտոմեքենան եւս աջ ղեկով է։ «Խնդիր է ե՛ւ վարելը, ե՛ւ ղեկը փոխելը: Իմ սեփական օրինակով եմ ասում»,- ասաց Փամբուխչյանը՝ հավելելով, որ ինքն անձամբ դեմ է աջ ղեկով մեքենայի ղեկը ձախ տեղափոխելուն: ՊԵԿ ներկայացուցիչն առաջարկեց սահմանին կուտակվող մեքենաների դեպքում վարվել հետեւյալ կերպ` դրանք ներկրել, բայց չշահագործել այնքան ժամանակ, քանի դեռ ղեկն աջից ձախ չի փոխվել:

«Ղեկը աջ» նախաձեռնության անդամ, փորձագետ Արթուր Միսակյանը ասաց. «Առաջարկում ենք օրենսդրական փոփոխություններ նախաձեռնվեն, որպեսզի աջ ղեկով մեքենաների արգելքը կասեցվի մինչեւ 2020 թվականը»: Ըստ փորձագետի` թյուր են այն կարծիքները, թե աջ ղեկով մեքենաներ ներկրում են հիմնականում բիզնեսով զբաղվելու նպատակով:

«Հայաստանում չկա մեկ ներկրող, որը կարող է իրեն թույլ տալ 100 եւ ավելի մեքենա ներկրել»,- ասաց Միսակյանը` հավելելով, որ մեքենաների 75 տոկոսը ներկրվում է անձնական օգտագործման համար եւ միայն 25 տոկոսն է ավտոներկրողների կողմից ձեռք բերվում:

Առարկություններ չեն եղել, ուստի պայմանավորվածություն է ձեռք բերվել քննարկումները շարունակել: ՀՀ տրանսպորտի, կապի եւ ՏՏ փոխնախարարն առաջարկել է «Ղեկը աջ» նախաձեռնության անդամներին հաջորդ հանդիպմանը ներկայացնել գոնե մեկ նախագիծ:

Տպել
1328 դիտում

Իրանում արձանագրվել է նոր կորոնավիրուսով վարակվելու 5 դեպք. «Մեղրի» անցակետում հսկողությունը կուժեղացվի

2-րդ զորամիավորման զորամասերը բերվել են մարտական պատրաստականության բարձր աստիճանի. ՊՆ (լուսանկարներ)

IDBank-ի մասնաճյուղերն այսուհետ ավելի երկար կաշխատեն

Բախվել են «BMW 3», «Porsche Cayenne» եւ «Lexus RX 300» մակնիշների ավտոմեքենաները. տուժածներ չկան

JTI ընկերությունը կրկին ճանաչվել է որպես Լավագույն գործատու Հայաստանում

2019թ. տարվա 10 լավագույն մարզիկները 5-ական մլն դրամ պարգեւավճար կստանան (տեսանյութ)

Արմեն Սարգսյանը ցավակցական ուղերձ է հղել Երվանդ Մանարյանի մահվան կապակցությամբ

Դիլիջանում ապօրինի փայտանյութը քողարկել էր թեփի պարկերով (տեսանյութ)

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Վրաստան

Ապօրինի ծառահատում «Սևան» ազգային պարկում. հարուցվել է քրեական գործ (տեսանյութ)

Գնդացիր, ինքնաձիգ, ատրճանակ, հրացաններ, նռնակներ ու փամփուշտներ. ոստիկանությունում զենքեր են հանձնել

Իրանի Քոմ քաղաքում փակվել են բոլոր դպրոցներն ու համալսարանները. պատճառը կորոնավիրուսն է

Դրանք այն ենթամշակույթի հետեւանքն են, որոնց դեմ մենք պայքարում ենք. նախարարը՝ դպրոցականների դանակահարությունների մասին

Երեւանում ամբողջությամբ այրվել է վագոն-տնակ. տուժածներ չկան

Հրդեհ Ռուբինյանց հասցեի բնակելի շենքում. առաջին հարկի բնակիչը տանը դույլի մեջ կրակ է արել (լուսանկարներ)

Հանդիպել են Արցախի նախագահ Բակո Սահակյանն ու ՀՀ գլխավոր դատախազ Արթուր Դավթյանը

ԵՊՀ-ում այսօր հրավիրված Հոգաբարձուների խորհրդի նիստը տեղի չի ունեցել

Մայիսի 29-ը ոչ աշխատանքային կլինի. Կառավարությունը որոշում ընդունեց

«Ոչինչ, ես միշտ 1000 դրամի եմ լցնում». վարչապետը հայտնի անեկդոտ հիշեց

Կյանքից հեռացել է ՀՀ ժողովրդական արտիստ, դիրիժոր, պրոֆեսոր Յուրի Դավթյանը