«Ի աջակցություն» Փաշինյանի՝ փողով ակցիաների հեղինակները կապ ունեն ԲՀԿ-ի եւ Ռեֆորմիստների հետ

Մի քանի օր է՝ համացանցում տարածվում են մի քանի անձանց ֆեյսբուքյան նամակագրության հատվածներ, ըստ որոնց՝ ինչ-որ անձինք, մոտ 20 օր շարունակ կես ժամով պետք է փակեն մայրաքաղաքի որոշ փողոցներ, որի դիմաց կես ժամի համար կստանան 1000 դրամ վճար: «Ցուցարարներին» հավաքագրողը նշում է, որ ցույցերը ԲՀԿ-ն է կազմակերպում, բայց Նիկոլ Փաշինյանի անունից, սակայն իրականում առանց վերջինիս իմացության:

Այսպիսով՝ մի խումբ անձինք հոկտեմբերի 26-ին «Կեցցե Հայաստան» գրությամբ պաստառներով ակցիա են իրականացրել Օպերայի հրապարակին հարակից հատվածում՝ փակելով Մաշտոցի եւ Սայաթ-Նովայի պողոտաները: Ակցիան առաջնորդող կինը ոստիկանին ասում է՝ ի՞նչ կլինի, եթե 10 րոպեով փակվի փողոցը՝ շարունակելով. «Եթե ես իրավունքներ եմ խախտում, նույն հաջողությամբ իմ իրավունքներն էին խախտվում, երբ Նիկոլ Փաշինյանի գլխավորած ցույցերին ճանապարհներ էին փակվում: Ես դեմ եմ հակահեղափոխությանը, բայց ուզում եմ Նիկոլ Փաշինյանը կատարի խոստումները, ձեզ դո՞ւր է գալիս երկրի վիճակը, դո՞ւր է գալիս՝ ինչպես եք ապրում: Սա կառավարության դեմ բողոքի ակցիա չէ, պարզապես ֆլեշմոբ է»:

Բողոքի ակցիայի կամ «ֆլեշմոբի» մասնակից այս կինը «Ռեֆորմիստներ» կուսակցության անդամ Լիլիթ Խաչատրյանն է: Այս կուսակցության ղեկավարը նախկին ԲՀԿ-ական Վահան Բաբայանն է:

Տեսանյութում երեւում է, որ «ֆլեշմոբի» ժամանակ գլխարկով մի տղամարդ, որի դեմքը հազիվ է երեւում, ներկայանալով սովորական քաղաքացի, մոտենում է ակցիայի կազմակերպիչ Լիլիթ Խաչատրյանին եւ հարցնում՝ ինչո՞ւ եք փակել փողոցը, ի՞նչ եք ուզում ու արագ հեռանում: Այդ մարդն էլ, ըստ որոշ խոսակցությունների, «Ռեֆորմիստներ» կուսակցության  փոխնախագահ Կարեն Վարդանյանն է: Նրա հետեւում կանգնած աղջիկը «Ռեֆորմիստներ» կուսակցության անդամ Լիլիթ Մարիամ Պետրոսյանն է: Թեեւ Վահան Բաբայանը հայտարարում է, որ կուսակցությունը «Կեցցե Հայաստան» ակցիայի հետ առնչություն չունի:

Կարեն Վարդանյանը եւս մեր զրույցում պնդեց, որ «Ռեֆորմիստներ» կուսակցությունն ակցիայի հետ կապ չունի, իսկ կուսակցության որոշ անդամներ իրենց ցանկությամբ են մասնակցել ֆլեշմոբին: Նա նաեւ հերքեց, որ ինքն անձամբ ներկա է եղել ակցիային, ասելով, որ կուսակցության անդամ Լիլիթ Խաչատրյանի հետ խոսելու համար ինչ-որ ակցիաների գնալու կարիք չունի: Կարեն Վարդանյանը կտրականապես հրաժարվեց որեւէ այլ հարցի պատասխանել:

Նամակագրության՝ համացանցում տարածված հատվածներում մի քանի օգտատերերի անուններ են երեւում: Ակցիայի համար մարդկանց հավաքագրող անձանցից մեկը Արտո Մովսիսյան անունով օգտատերն է: Ըստ մեր ունեցած տվյալների՝ Արտո Մովսիսյանը ԲՀԿ եւ նույն կուսակցության երիտասարդական կազմակերպության՝ «Հայաստանի երիտասարդական կառավարության» անդամ է:

Նույն նամակագրություններից մեկում տեսնում ենք, որ «Գլոբ Պրոգրես» դերասանական ստուդիայի հիմնադիր տնօրեն Ինգա Սարուխանյանը եւս մարդականց է հավաքագրում նույն ակցիային մասնակցելու համար: Վերջինս մեր զրույցում ասաց, որ իրեն աշխատավարձով աշխատանք է հարկավոր եղել, իսկ «Ռեֆորմիստներ» կուսակցության փոխնախագահ Կարեն Վարդանյանը, որը նաեւ վերոնշյալ ստուդիայի անդամ է, իրեն առաջարկել է գումարի դիմաց այդ ակցիաներին մասնակցել: Վարդանյանը, սակայն, ինչպես մեր զրույցում հայտնեց Ինգա Սարուխանյանը, վերջինիս ստել է՝ ասելով, որ ակցիաները լինելու են ի պաշտպանություն Նիկոլ Փաշինյանի.

«Ինձ ասվել է հետեւյալը. Ինգա ջան, ես դուրս եմ գալիս «Ռեֆորմիստներ» կուսակցությունից, միանում եմ մեր վարչապետի կուսակցությանը, վարչապետը քաղաքացիական նոր շարժում է սկսում, էս ակցիան էլ անում ենք ի պաշտպանություն իրեն, որովհետեւ վարչապետը հրաժարական է տվել, իրեն աջակցություն է պետք: Անկեղծ ասած՝ քաղաքականությունից շատ բան չեմ հասկանում: Ինձ էլ աշխատանք էր պետք, Կարեն Վարդանյանը աշխատավարձով աշխատանք առաջարկեց, որովհետեւ ինքն իմ քասթինգ-ստուդիայից է, շատ լավ գիտի իմ կազմակերպչական հմտությունները: Ես էլ ասացի՝ լավ, ինչ եմ անում, ինչի դիմաց: Կարենն էլ ասաց՝ սենց-սենց, ոչ հակահեղափոխությանը թեմայով ակցիա է, որովհետեւ ՀՀԿ-ն ակտիվանում ա, ես էլ հոգնել եմ էս «Ռեֆորմիստների» կեղտոտ խաղերից, ես միանում եմ վարչապետի թիմին, բայց թող ոչ մեկը չիմանա, որ միանում եմ, որովհետեւ գաղտնի եմ սա անում, եւ այլն, եւ այլն: Ես էլ ասացի՝ լավ, Կարեն ջան: Ասացի՝ հաստա՞տ սա ի պաշտպանություն վարչապետի ա, ասաց՝ հա»,-ասաց Ինգա Սարուխանյանը՝ նշելով, որ ինքն ու իր ստուդիայի երիտասարդները գնացել են այդ ակցիային՝ կարծելով, թե վարչապետին աջակցություն են հայտնում: Սարուխանյանը նաւ ասաց, որ տարածված տեսանյութի վերջում իր ստուդիայի անդամ երիտասարներն են, որոնք էլ բացահայտ ու անկեղծորեն սատարում են Նիկոլ Փաշինյանին:

Նամակագրության սքրինշոթում երեւում է՝ Ինգա Սարուխանյանը մյուսներին էլ է հայտնում, որ ակցիան «ոչ հակահեղափոխությանը» թեմայով է:

Քասթինգ-ստուդիայի տնօրենը «Հայկական ժամանակ»-ին ասաց, որ իր համար քաղաքական կուսակցությունները, ըստ էության, նշանակություն չունեն, եւ իր համար կարեւոր է, որ քաղաքացիներին լավ լինի. «Հիմա հեղափոխությունից հետո ես տեսնում եմ փոփոխությունները եւ աջակցում Փաշինյանի թիմին: Մտածեցի՝ էս ակցիաներն էլ առիթ են նորից ժողովրդի կողքին լինելու»,-ասաց նա:

Վերջինս նշեց, որ ինքը նամակագրության սքրինշոթերում երեւացող մյուս անձանց չի ճանաչում, ակցիաների մասին իրեն հայտնել է Կարեն Վարդանյանը, ինչը Վարդանյանը հերքեց: Սարուխանյանը պնդեց, որ նույն տեսանյութում գլխարկով տղամարդը հենց Կարեն Վարդանյանն է: Սարուխանյանը պատրաստվում է դիմել իրավապահներին:

Տպել
15030 դիտում

Նիկոլ Փաշինյանը «TikTok»-ում նոր շարք է սկսել

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ