Ես խորապես թքած ունեմ ցանկացած պաշտոնի եւ մանդատի վրա. Կոնջորյանը՝ ՔՊ-ի ցուցակում լինելու մասին

Միտքը եւ այն քայլը, որ ես արեցի երեկ, չէր առաջացել ոչ երեկ, ոչ էլ երեկ չէ առաջին օրը: Քիչ առաջ լրագրողներին ասաց ԵԼՔ խմբակցության պատգամավոր Հայկ Կոնջորյանը՝ անդրադառնալով «Լուսավոր Հայաստան» կուսակցությունից դուրս գալու եւ գործող իշխանությունների հետ առաջիկա ընտրություններին մասնակցելու հայտարարությանը։ Նա նշեց, որ մի քանի անգամ արտահայտել է կարծիք, որ ճիշտը հենց սկզբից հեղափոխությանը միանալն է, սակայն կուսակցության մեծամասնությունը այլ կարծիք ուներ:

«Ես սրտով մշտապես եղել եմ այնտեղ` հրապարակում, բայց ես, կուսակցական կարգապահությունը պահելով, չեմ եղել այնտեղ: Ես փողոցում կանգնած իմ ընկերներին խոստացել եմ մեկ բան, որ երբեք չեմ խանգարելու նրանց` փողոցում կանգնողներին, որեւէ մեկը չի կարող գտնել մի ստատուս, մի ելույթ, որտեղ ես վատ բան եմ ասել փողոցում կանգնած իմ ընկերներին»,- ասաց նա:

Հարցին՝ նրան կտեսնե՞նք ՔՊ-ի ցուցակում առաջիկա խորհրդարանական ընտրություններին կամ կանդամակցի արդյո՞ք ՔՊ-ին, նա ասաց. «Դեռ նման քննարկում չի եղել, որ ես անդամակցեմ ՔՊ-ին: Քննարկում ենք, որ միասին գնանք առաջիկա գործընթացների ժամանակ»:

Նա միեւնույն ժամանակ նշեց, որ իր քայլը պայմանավորված է իր գաղափարներով եւ հավատամքով: «Ես ասել եմ նաեւ ԼՀ իմ ընկերներին, ես հավատում եւ հավատացել եմ միշտ Նիկոլ Փաշինյանին եւ այն գործին, որը նա սկսել է: Ես չեմ կարող ընդդիմանալ մի բանի, ինչին հավատում եմ»,- հայտարարեց նա:

Դիտարկմանը` մշտապես քննադատվել է, որ ճամբարափոխությունը լավ բան չէ, նա էլ նոր է սկսել քաղաքական կարիերան, բայց արդեն թիմը լքում է, Կոնջորյանը պատասխանեց. «Շատ կարեւոր տարբերություններ կան ձեր նշած նախկին ճամբարափոխությունների եւ էն քայլի միջեւ, որը ես եմ արել: Ճամբարափոխությունը մի բան է, երբ դու բոլորովին այլ թիմից գնում ես բոլորովին այլ թիմ: Իմ քաղաքական գործունեության հիմնական մասը անցկացրել եմ ԵԼՔ դաշինքում: Մենք ունեցել ենք հուշագիր, որ դառնալու ենք մեկ թիմ, ուրեմն սա ճամբարափոխություն չէ: ԵԼՔ-ը մեծ տուն է եղել, եւ ես մի սենյակից անցել եմ մյուս սենյակը, ես ճամբարափոխություն չեմ արել, մի խառնեք»:

Դիտարկմանն էլ, որ հնարավոր է մանդատի համար է արել, արձագանքեց. «Ես խորապես թքած ունեմ ցանկացած պաշտոնի եւ մանդատի վրա: 4 ամիս պատգամավոր եմ եւ իմ մտածմունքներում ոչինչ չի փոխվել: Ես սովորական մարդ եմ, բոլորի նման գնում եմ աշխատանքի եւ ամսվա վերջում պետք է փակեմ վարկերս, երբեմն չի բավականացնում աշխատավարձը: Փոխվել է մի բան` ուղղակի որոշ տեղերում ինձ ավելի զգաստ են ընդունում, որոշ մարդիկ էլ քծնում են, ինչը ինձ դուր չի գալիս»,- եզրափակեց նա:

Տպել
1974 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ