360 հազար աշակերտ հնարավորություն կունենա անվճար այցելել երեք մշակութային հաստատություն

ԱԺ գիտության, կրթության, մշակույթի, երիտասարդության եւ սպորտի հարցերի ու ֆինանսավարկային եւ բյուջետային հարցերի մշտական հանձնաժողովներում քննարկվեց 2019 թվականի պետական բյուջեի նախագիծը։ ԿԳՆ-ին 2019-ի բյուջեից հատկացվող գումարները նախատեսված է նախորդ տարվա համեմատությամբ ավելացնել 8 միլիարդ 808.5 մլն դրամով։ Կրթության եւ գիտության ոլորտին կհատկացվի 138 մլրդ 126.4 մլն դրամ` 2018-ի 129 մլրդ 317.9 մլն դրամի փոխարեն:

Կրթության եւ գիտության նախարարի պաշտոնակատար Արայիկ Հարությունյանը տեղեկացրեց, որ մի շարք ուղղություններով հատկացվող գումարն ավելացել է, մասնավորապես՝ հանրակրթության ոլորտում։ Նախարարի պաշտոնակատարի խոսքով՝ 2019-ին նախատեսվում է հանրակրթության ոլորտին հատկացվող գումարն ավելացնել 4,3 միլիարդ դրամով։

«Քննարկել ենք նաեւ դպրոցաշինության խնդիրները, մեծ գումարներ են հատկացվելու, ՀԲ-ի աջակցությամբ կրթության բարելավում ծրագրի վրա 2,8 միլիարդ դրամ, ինչը ենթադրում է նաեւ դպրոցների հիմնանորոգումներ»,- ասաց Հարությունյանը։

Արայիկ Հարությունյանը նաեւ ընդգծեց՝ միջին մասնագիտական ոլորտում օպտիմալացման անհրաժեշտություն է տեսնում։ Նախարարի պաշտոնակատարը տեղեկացրեց, որ նոր ծրագրեր են նաեւ նախատեսում իրականացնել, ինչպես աբոնեմենտային համակարգը դպրոցականների համար, ըստ որի՝ 360 հազար աշակերտ հնարավորություն կունենա անվճար այցելել երեք մշակութային հաստատություն, ինչպես նաեւ արվեստի, մշակույթի գործիչները դասախոսություններով հանդես կգան դպրոցներում։

2019 թվականի բյուջեի նախագծից տեղեկանում ենք, որ նախատեսված հատկացումներն ուղղվելու են 8 ծրագրերի, որոնցից` «Նախնական (արհեստագործական) եւ միջին մասնագիտական կրթություն» ծրագրին ուղղվելու է 11 մլրդ 685.4 մլն դրամ՝ 2018 թվականի 10 մլրդ 265.4 մլն դրամի փոխարեն, ծախսերի աճը կազմել է 1 մլրդ 420 մլն դրամ կամ 13.8 տոկոս: Ուսանողների կրթաթոշակի եւ ուսանողական նպաստների տրամադրման գծով նախատեսվել է 10 մլրդ 157.3 մլն դրամ:

«Նախնական մասնագիտական (արհեստագործական) եւ միջին մասնագիտական ուսումնական հաստատությունների շենքային պայմանների բարելավում» միջոցառման իրականացման նպատակով նախատեսվել է 1 մլրդ 435.8 մլն դրամ` նախորդ տարվա 250 մլն դրամի փոխարեն, այսինքն` ծախսերի աճը կազմում է 1 մլրդ 185 մլն դրամ:

«Բարձրագույն եւ հետբուհական մասնագիտական կրթության ծրագրի» գծով նախատեսվել է 10 մլրդ 351 մլն դրամ՝ 2018 թվականի 10 մլրդ 371 մլն դրամի փոխարեն, ծախսերի նվազումը կազմել է 20.5 մլն դրամ կամ 0.2 տոկոս:

Ծրագրի շրջանակներում բարձրագույն եւ հետբուհական մասնագիտական կրթություն ստացող ուսանողների կրթաթոշակի եւ ուսանողական նպաստների տրամադրման գծով ծախսերը նվազել են 7.5 մլն դրամով:

«Հանրակրթության ծրագրի» գծով նախատեսվել է 87 մլրդ 259.8 մլն դրամ՝ 2018 թ. 84 մլրդ 486.7 մլն դրամի փոխարեն: Այս ծրագրի շրջանակներում` «Տարրական ընդհանուր հանրակրթություն», «Հիմնական ընդհանուր հանրակրթություն», «Միջնակարգ ընդհանուր հանրակրթություն» եւ «Նախադպրոցական կրթություն» միջոցառումների գծով նախատեսվել է 78 մլրդ 982.3 մլն դրամ՝ 2018 թվականի 73 մլրդ 833.7 մլն դրամի փոխարեն, «Ներառական կրթություն տարրական դպրոցում», «Ներառական կրթություն միջին դպրոցում» եւ «Ներառական կրթություն ավագ դպրոցում» միջոցառումների գծով նախատեսվել է 1 մլրդ 66.6 մլն դրամ՝ 2018 թվականի 3 մլրդ 196.1 մլն դրամի փոխարեն, ծախսերի նվազումը կազմում է 2 մլրդ 129.5 մլն դրամ կամ 66.6 տոկոս:

«Համընդհանուր ներառական կրթության համակարգի ներդրում» ծրագրի գծով նախատեսվել է 1 մլրդ 590.5 մլն դրամ՝ 2018 թվականի 887.8 մլն դրամի փոխարեն:

Տպել
2345 դիտում

19-ամյա 6 երիտասարդների տարկետում է տրվել, որպեսզի կարողանան ավարտել դպրոցը

Առաջարկում ենք այդ նախագծի քննարկումը հետաձգել. Քյարամյանի առաջարկով հետաձգվեց գումարի հատկացման վերաբերյալ նախագիծը

Կառավարության որոշմամբ բասկետբոլի ազգային հավաքականի 3 խաղացողներ ազատվեցին զինծառայությունից

Ինձ էս օրը քցողը, ոչնչացնողը պետք ա ստանա արժանի պատիժ, ընտանիքս ոչնչացել ա. Մարտի 1-ի գործով տուժող

Միջադեպ Վրաստանի խորհրդարանում. հայկական պատվիրակությունը լքել է նիստերի դահլիճը

The Sun-ը պատմում է բրիտանացու մասին, որը ՀՀ-ում հիմնել է «Դիլիջան» ֆուտբոլային թիմը

Կառավարությունը 50 մլն դրամ կհատկացնի՝ Մանսուրյանի 80-ամյա հոբելյանին նվիրված միջազգային փառատոնի իրականացման համար

Վերաքննիչ դատարանը ուժի մեջ է թողել Միհրան Պողոսյանին կալանավորելու որոշումը. բողոքը մերժվել է

Գյումրիում որդին սպանել է մորը. ոստիկանները հայտնաբերել են կասկածյալին

Մեղավորները պետք է պատժվեն. Զաքար Հովհաննիսյանի քույրը եկել է դատարան

Մեկնարկել է ՀՀ կառավարության հերթական նիստը. օրակարգում ներառված է 30 հարց

Վերնագրեր եմ կարդում, թվում է՝ պատուհանից դուրս նայեմ՝ դրսում տարբեր կողմերով փախնող տարերային խմբեր եմ տեսնելու

Թեղուտի հանքավայրը սկսում է շահագործումը․ մի քանի հարյուր մարդ նորից ընդունվել է աշխատանքի

Փորձել է ազդել դատախազի վրա. Սարկոզին կկանգնի դատարանի առաջ կոռուպցիոն մեղադրանքով

Ինչպե՞ս իրականացնել ստվերային տնտեսության դեմ պայքարի ՊԵԿ ռազմավարությունը. քննարկում

Խորհրդարանը հաստատեց 2018 թվականի պետական բյուջեի կատարողականը

Առանց դատավորների աշխատավարձերի բարձրացման՝ մենք չենք կարող իրապես անկախ դատական համակարգ ունենալ

Պահանջել է 800 հազար դրամ. լրագրողը ձերբակալվել է՝  խոշոր չափերի շորթում կատարելու կասկածանքով

Հայաստանը նոր դեսպան կունենա Ուզբեկստանում. նախագահը հրամանագիր է ստորագրել

Մի քանի օրից ՀՀ ֆուտբոլի ազգային հավաքականի կիսապաշտպան Հովսեփյանը կասի՝ որտեղ է խաղալու