435 կոնգրեսական ու 33 սենատոր․ ԱՄՆ-ում այսօր միջանկյալ ընտրություններ են

06/11/2018 schedule11:12

Միացյալ Նահանգներում այսօր Կոնգրեսի միջանկյալ ընտրություններ են, որոնց արդյունքում կընտրվեն Ներկայացուցիչների տան 435 անդամներն ու Սենատի մոտ մեկ երրորդը՝ 33 պատվիրակներ:

Օրենսդիր մարմնի ապագա կազմը որոշելուց բացի, այս քվեարկությունը նաև կհուշի՝ որքանով է արդյունավետ աշխատելու նախագահ Դոնալդ Թրամփի վարչակազմը պաշտոնավարման վերջին երկու տարիների ընթացքում:

Փաստացի, եթե հանրապետականները կորցնեն մեծամասնությունը Կոնգրեսում, դեմոկրատներն առիթը բաց չեն թողնի՝ ակտիվացնելու նախագահ Թրամփի ու նրա աջակիցների դեմ շարունակվող հետաքննությունը՝ նախագահական վերջին ընտրություններում ռուսների հետ համագործակցելու գործով: Ընդդիմության հաղթանակի դեպքում Թրամփի համար նաև դժվար կլինի առաջ տանել իր շատ հաճախ անկանխատեսելի ու վիճահարույց փոփոխությունները՝ հարկերի, առողջապահության ու միգրացիայի հարցերում:

Հնարավոր մյուս սցենարով Ներկայացուցիչների տունը կարող է անցնել դեմոկրատներին, Սենատը՝ մնալ հանրապետականների ձեռքում, սակայն այդ դեպքում էլ Սպիտակ տան ղեկավարին լարված ու բարդ օրեր են սպասվում:

«Թեև իմ անունը քվեաթերթիկների վրա չկա, սակայն ես էլ եմ ինչ-որ չափով մասնակցում քվեարկությանը»,- նախօրեին հայտարարում էր Թրամփը, ընդգծելով՝ այս քվեարկությունը յուրօրինակ վստահության հանրաքվե է՝ իր քաղաքականությանը:

«Շատ քիչ է մնացել մեր կյանքի ամենակարևոր ընտրություններից մեկին, սա շատ կարևոր քվեարկություն է: Հանրապետականների ղեկավարության տակ Ամերիկան կրկին հարգված է, Ամերիկան կրկին հաղթում է, քանի որ մենք վերջապես Ամերիկան դասում ենք ամեն ինչից վեր, այդպես չէ՞»,- ասում է ԱՄՆ նախագահը:

Նախընտրական արշավի մեկնարկից մինչև երեկ՝ քարոզարշավի վերջին օրը, նախագահ Թրամփը հետևողականորեն նույն միտքն էր շրջանառում՝ Ամերիկան, թերևս երբեք այդքան հզոր չի եղել տնտեսապես:

Ընդդիմադիր դեմոկրատներն էլ, իրենց հերթին, պնդում են՝ չնայած տնտեսական աճի բարձր ցուցանիշներին, Թրամփի վարկանիշը ավելի ցածր է, քան ասենք, նրա նախորդինը՝ Բարաք Օբամայինը՝ պաշտոնավարումից երկու տարի անց:

«Մենք այս քվեարկությամբ պայքարում ենք հանուն Ամերիկայի ոգու», - հայտարարում էր դեմոկրատ, Միացյալ Նահանգների նախկին փոխնախագահ Ջո Բայդենը: Այս ընտրությունները մեր պետության դիմագիծն են ցույց տալու և կանխորոշելու՝ ինչպիսին ենք մենք լինելու որպես ժողովուրդ: Հիմա այն պահն է, երբ մենք պետք է պայքարի դուրս գանք հանուն ամերիկյան գաղափարների»:

Հարցումները փաստում են, որ առնվազն 30 նահանգում պայքարը ծայրահեղ թեժ է, մրցակիցները միմյանցից առաջ են անցնում մեկ կամ երկու տոկոսով՝գրեթե անհնարին դարձնելով վերջնական արդյունքների կանխատեսումը: Մեկ բան, սակայն այսօր հստակ է՝ առաջիկա քվեարկությունից անմիջապես հետո Ամերիկան մտնելու է շատ ավելի կարևոր ու վճռորոշ ընտրական փուլ՝ պատրաստվելով արդեն 2020-ին կայանալիք նախագահական ընտրություններին:

Տպել
1313 դիտում

Թբիլիսիից 10 արհեստական շնչառության սարք է գնվել, դրանք ուղարկվել են Հայաստան

Միմյանցից դժգոհելն ամենահեշտն է

Հոսպիտալացման խնդրի պատճառով այսօր ունեցել ենք մահվան առաջին դեպքը. մենք արդեն քայլում ենք դժոխքի եզրով. վարչապետ

ՊԲ հրամանատար Ջալալ Հարությունյանի նախագահությամբ անց է կացվել ՌԽ հեռավար նիստ

72 ժամով կասեցվել է ռեստորանային համալիրի գործունեությունը. մոտ 50 հանրային սննդի օբյեկտի աշխատանքը՝ 24 ժամով

Վարչապետը շնորհավորական ուղերձ է հղել Շվեդիայի վարչապետին՝ երկրի ազգային տոնի առթիվ

Գավառի արյունալի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից

«Սուրբ Հովհաննես» մատուռ բարձրանալիս քաղաքացին ընկել և վնասել է ոտքը. օգնել են փրկարարները

Քաղաքացիների ահազանգերը՝ տնտեսավարողների կասեցման հիմք․ ԱԱՏՄ-ն շարունակում է անակնկալ ստուգայցերը և կասեցումները

Ձորագյուղի մուտքի ու ելքի սահմանափակումները կգործեն այսօր, ժամը 18:00-ից սկսած՝ 2 շաբաթ շարունակ

Փոխվարչապետ Տիգրան Ավինյանը աշխատակազմին է ներկայացրել ՊԵԿ նորանշանակ նախագահին

Մնացել են փեսայի կեղծ մատնագրերի հույսին

Արցախի 10 համայնքների համար կիրառվող սահմանափակումները շարունակում են գործել, դրանք հանվել են մի շարք համայնքներում

Եսայան եղբայրները հերքում են ԱԱԾ հրավիրվելու մասին լուրը

Վանաձորի տներից մեկի բակում ականանետային արկ է հայտնաբերվել (լուսանկարներ)

Արմեն Սարգսյանը շնորհավորական ուղերձ է հղել Շվեդիայի թագավոր Կարլ Գուստավ Տասնվեցերորդին` երկրի ազգային տոնի առթիվ

Պարետի որոշմամբ կարգելափակվեն Ձորագյուղի ելքերն ու մուտքերը. 1 անձը վարակել է թաղման մի քանի տասնյակ մասնակցի. վարչապետ

Կմեկնարկի Արցախը մայր հայրենիքին կապող նոր մայրուղու շինարարությունը. պաշտոնյաները հարավային թեւում են

Կոլորադոյի Ներկայացուցիչների պալատը միաձայն ընդունել է դպրոցներում Հայոց ցեղասպանության ուսուցման մասին օրինագիծ

Այսօր ուժեղ կարկտահարություն է եղել Գորիսում (տեսանյութ)