Դասական երաժշտության անվճար համերգներ կլինեն Երեւանի ավագ դպրոցների աշակերտների համար

ՀՀ կրթության եւ գիտության եւ մշակույթի նախարարությունների, ինչպես նաեւ Հայաստանի պետական սիմֆոնիկ նվագախմբի համագործակցությամբ մեկնարկում է մշակութային կրթության բարելավմանը միտված «ԴասA» ծրագիրը` ավագ դպրոցների աշակերտների համար: Նախագծի շրջանակում Երեւանի 35 ավագ դպրոցների 14-17 տարեկան 10-12-րդ դասարանների շուրջ 13 532 աշակերտներ կայցելեն սիմֆոնիկ երաժշտության համերգների` հնարավորություն ունենալով հետագայում համերգներին հրավիրել նաեւ իրենց ծնողներին։

ԿԳՆ տեղեկատվության եւ հասարակայնության հետ կապի եւ լրատվության վարչության փոխանցմամբ, ծրագրի շնորհանդեսը տեղի է ունեցել այսօր Բյուրո ակումբում` ԿԳ նախարարի պաշտոնակատար Արայիկ Հարությունյանի, Մշակույթի նախարարի պաշտոնակատար Լիլիթ Մակունցի եւ Սիմֆոնիկ նվագախմբի գեղարվեստական ղեկավար Սերգեյ Սմբատյանի մասնակցությամբ: Միջոցառմանը ներկա են եղել նաեւ Երեւանի ավագ դպրոցների տնօրենները: ԿԳ նախարարի պաշտոնակատար Արայիկ Հարությունյանի խոսքով` դեռեւա ամռանը, երբ քննարկվում էին դպրոցներում մշակութային կրթության զարգացման ծրագրերը, Սիմֆոնիկ նվագախմբի կողմից առաջարկություն էր ներկայացվել` դպրոցականներին հրավիրել դասական երաժշտության համերգների. «Իմ մտապատկերում այս ծրագրերը կային վաղուց, երբ դեռ իշխանության ներկայացուցիչ չէի: Դրանք միս-արյուն ստացան ամռանը, եւ հիմա արդեն մտնում ենք  իրագործման գործնական  փուլ: Ծրագիրը միտված է դպրոց բերել բարձր արժեքներ, մեր աշակերտներին սովորեցնել լսել դասական երաժշտություն: Դասական երաժշտությունը պետք է վերադարձնել դպրոց, պետք է աշակերտին բերել համերգասրահ»,- նշել է ԿԳ նախարարի պաշտոնակատարը եւ հույս հայտնել, որ սիմֆոնիկ նվագախմբի արհեստավարժ թիմի մշակած նորարական ծրագիրն իրական հետաքրքրություն կառաջացնի դպրոցականների շրջանում դասական արժեքների եւ բարձր արվեստի նկատմամբ: Արայիկ Հարությունյանը շնորհակալություն է հայտնել Մշակույթի նախարարի պաշտոնակատարին եւ Սիմֆոնիկ նվագախմբի գեղարվեստական ղեկավարին` ծրագրի նախաձեռնությանն աջակցելու համար: Արայիկ Հարությունյանը նաեւ նշել է, որ այժմ Կրթության եւ գիտության  նախարարությունը Մշակույթի նախարարության հետ համատեղ իրականացնում է մշակութային մեծ ծրագիր, որի շրջանակում Հայաստանի բոլոր դպրոցների 1-12-րդ դասարանների աշակարտները կարող են տարվա մեջ մեկ անգամ այցելել թատրոն, թանգարան կամ համերգասրահ:

Մշակույթի նախարարի պաշտոնակատար Լիլիթ Մակունցի խոսքով` մշակութային քաղաքականության առաջնային խնդիրներից մեկը մշակութային հաստատությունների զարգացումն է. «Մեր հիմնական նպատակն է աջակցել աշակերտների շրջանում հետաքրքրություն առաջացնել մշակույթի նկատմամբ:  Սա այդ ուղղությամբ մշակված նոր  ծրագիր է, որն ուղղված է դասական երաժշտության խրախուսմանը»,- նշել է  Լիլիթ Մակունցը` հավելելով, որ Սիմֆոնիկ երաժշտության «ԴասA» ծրագիրը իրագործվում է աբոնոմենտային ծրագրին զուգահեռ եւ առայժմ նախատեսված է միայն Երեւանի ավագ դպրոցների համար:

 Սիմֆոնիկ նվագախմբի գեղարվեստական ղեկավար Սերգեյ Սմբատյանի տեղեկացմամբ` ծրագիրը կանցկացվի երեք փուլով: Սիմֆոնիկ նվագախմբի անդամները՝ գեղարվեստական ղեկավար Սերգեյ Սմբատյանի գլխավորությամբ, դպրոցներում աշակերտների հետ կիրականացնեն նախապատրաստական աշխատանքներ` հատուկ մշակված ծրագրի եւ համապատասխան պատրաստում անցած մասնագետների միջոցով նրանց հաղորդելով  երաժշտական բազմաշերտ գիտելիքներ։ Այնուհետեւ աշակերտները «Արամ Խաչատրյան» համերգասրահում կունկնդրեն հատուկ իրենց համար նախատեսված համերգային ծրագրերը՝ Հայաստանի պետական սիմֆոնիկ նվագախմբի կատարմամբ, որոնք թվով 18-ն են լինելու։ Հատկանշական է, որ ծրագրում մեծամասամբ ներառված են հայ կոմպոզիտորների ստեղծագործություններ:

«Սա նոր մոտեցում է գեղագիտական կրթության բնագավառում, որի շնորհիվ պատանիների շրջանում կհանրայնացվի դասական, ազգային արվեստը, կսերմանվեն բարձր արժեքներ, որոնք հիմք կհանդիսանան հետագայում առավել կիրթ, առաջադեմ հասարակության ձեւավորման համար։ Այժմ ՀՀ դպրոցական ծրագրում երաժշտական կրթությունը ներառվում է մինչեւ 7-րդ դասարան։ Հիմնականում բացակայում է գործնական շփումը դասական արվեստի հետ։ Ծրագրի «ԴասA» անվանումը խորհրդանշական է. կազմված է «դասական» բառի «դաս» արմատից, իսկ A տառով նշում են վեցերորդ նոտան՝ Լյա (լատ.՝  la), որով սովորաբար լարում են բոլոր երաժշտական գործիքները: Այս նոտան դասական երաժշտության խորհրդանիշն է»,- ներկայացնելով ծրագիրը նշել է Սերգեյ Սմբատյանը:

Հետադարձ կապի միջոցով ուսումնասիրվելու է ծրագրի ազդեցությունն ու արդյունավետությունը։ Մոնիթորինգն իրականացվելու է «ԴասA» բջջային հավելվածի միջոցով, որը հասանելի կլինի առաջին համերգի օրը՝ նոյեմբերի 10-ին։ Նախատեսվում է, որ համերգ այցելած  աշակերտների նվազագույնը 20%-ը հետագայում կվերադառնա համերգասրահ, որպես ունկնդիր

Տպել
913 դիտում

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը

Լիոնել Մեսսին 6-րդ անգամ դարձավ «Ոսկե խաղակոշիկ»-ի դափնեկիր