Երևան
22 °C
Տպագրվել է «Հայկական Ժամանակ» օրաթերթի՝ 2005 թվականի նոյեմբերի 3-ի համարում
Հայաստանում կոռուպցիայի դեմ պայքարելը պարապ գործ է: Ինչպե՞ս կարելի է պայքարել մի երեւույթի դեմ, որը այդպես էլ չի հայտնաբերվում: Օրինակ, կա՞ արդյոք կոռուպցիա մեր իշխանության ամենաբարձր մակարդակներում` ՀՀ նախագահի աշխատակազմում, կառավարությունում, Ազգային ժողովում, դատական համակարգում եւ այլուր: Դատելով նրանից, որ որեւէ բարձրաստիճան պաշտոնյա, պատգամավոր կամ դատավոր վերջին տարիներին չի ենթարկվել պատասխանատվության կաշառք վերցնելու կամ, ինչպես ասում են, պաշտոնական դիրքը չարաշահելու համար, կարող ենք պնդել, որ կոռուպցիա չկա: Եթե լիներ, ապա մեր իշխանությունների մի քանի տարի առաջ սկսած անխնա պայքարը ինչ-որ արդյունքներ կտար ու գոնե մի նախարար կամ փոխնախարար կենթարկվեր պատասխանատվության:
Չի ենթարկվել, ուրեմն կոռուպցիա չկա: Սա մի տարբերակ: Մյուս տարբերակն այն է, որ կոռուպցիայի դեմ ոչ մի պայքար էլ չի մղվում: Դուրս գանք փողոց ու մեր քաղաքացիներին հարցնենք, որ տարբերակն է իրենց կարծիքով իրական: Կասեն` երկրորդը: Եւ իրոք, ինչպե՞ս կարող է մինչեւ ուղն ու ծուծը կոռումպացված իշխանությունը պայքարել ինքն իր դեմ: Այնպես որ, կոռուպցիայի դեմ պայքարի ուղղությամբ իշխանության կատարած գործողություններին պետք է նայել հումորով: Երեկ ՀՀ նախագահի` կոռուպցիայի հարցերով խորհրդական Բագրատ Եսայանը անց էր կացնում Հակակոռուպցիոն ռազմավարության իրականացման մոնիտորինգի հանձնաժողովի նիստ: Ընդհանրապես պետք է արժանին մատուցել կոռուպցիայի դեմ պայքարի մեր ռահվիրաներին:
Վերջիններս կարողանում են իրենց շուրջ այնպիսի մթնոլորտ ստեղծել, որ բոլորին թվա, թե ինչ-որ աշխատանք կա: Օրինակ, որոշել են ամփոփել Հայաստանում կոռուպցիոն հանցագործությունների վիճակագրությունը: Ամփոփեցին: Պարզվեց, որ այս տարվա առաջին կիսամյակի ընթացքում Հայաստանում արձանագրվել է կաշառք վերցնելու երկու դեպք, ապօրինի ճանապարհով ստացված եկամուտների օրինականացման մեկ դեպք, պաշտոնական լիազորություններն անցնելու 2 դեպք եւ այլն: Ընդհանրապես քրեական օրենսգրքով 3 տասնյակին հասնող կոռուպցիոն հանցագործություններ են սահմանված: Այդպիսի հանցագործություններով այս տարվա առաջին կիսամյակում դատապարտվել են 106 անձ, իսկ գործով անցել են 227 մարդ: Եւ սա այն դեպքում, երբ Հայաստանում այդ նույն ժամանակահատվածում գրանցվել է 4 հազար 389 հանցագործություն:
Պետք է նկատել, որ անցած տարվա համեմատ կոռուպցիոն հանցագործությունների որոշակի աճ կա: Եսայանը սա դրական միտում է գնահատում, ասում է, թե բացահայտումներն են ավելացել: Բայց եթե հաշվի ենք առնում, որ արձանագրված այս հանցագործությունների մեջ չկա մեկը, որտեղ ներքաշված լինի որեւէ բարձրաստիճան պաշտոնյա, ապա կարելի է պնդել, որ գործ ունենք մի այլ խիստ բացասական երեւույթի հետ: Խնդիրն այն է, որ կոռուպցիայի դեմ պայքարին մի ինչ-որ թվային տեսք տալու համար մեր իրավապահները արդեն պլան են կատարելու` ամեն տարի մի քանի դեպքով ավելացնել կոռուպցիոն հանցագործությունների արձանագրումը: Այսինքն՝ խոսքը կրկին անգամ գնում է քանակի եւ ոչ թե որակի մասին: Միջազգային կառույցներին էլ զեկուցում են թվերի ավելացումը, ու արձանագրվում է կոռուպցիայի դեմ պայքարի պատրանք:
Մեկ այլ վիճակագրություն էլ հրապարակվեց երեկ: Քաղաքացիական ծառայության համակարգում, ԱԱԾ-ում, Հարկայինում, Մաքսայինում, դատախազությունում, ոստիկանությունում իրականացվել է 554 ծառայողական քննություն: Անցած տարի դրանց թիվը եղել է 559: Ի՞նչ է տալիս այս վիճակագրությունը: Սա կոռուպցիայի դեմ մեզանում տարվող պայքարի տարրերից մեկն է: Որքան անիմաստ է պայքարը, նույնքան անիմաստ` այս վիճակագրությունը: Բայց մի հետաքրքիր փաստ: Վիճակագրություն է տարվել, թե մեր քաղաքացիները որ պետական մարմիններից են բողոքում: Անցած տարի եղել է 292 դիմում-բողոք: «Ցավոք սրտի, բավականին ցածր է բնակչության ակտիվությունը: Այս տարի այդ թիվը (դիմում-բողոքների-խմբ) ավելի է նվազել»,- ասում է պրն Եսայանը: Այս տարի քաղաքացիներից ստացվել է 288 դիմում:
Ինչո՞ւ մեր քաղաքացիները չեն բողոքում իրենց նկատմամբ որեւէ անօրինական գործողության առնչությամբ: Պատասխանը չափազանց պարզ է: Եւ ահա թե ինչու: «Շատ է խոսվում Մաքսային ծառայությունում չարաշահումների մասին, սակայն քաղաքացիների կողմից որեւէ դիմում-բողոք այս ծառայության աշխատակիցների գործունեության վերաբերյալ չկա»,- երեկ հայտարարեց պրն Եսայանը: «Ռոյալ-Արմենիա» ընկերության ղեկավարները բողոքեցին Մաքսայինի դեմ եւ սկսեցին ենթարկվել քրեական հետապնդման: Արդյոք այս դեպքը չի՞ խոսում այն մասին, թե ինչու են մեր քաղաքացիները խուսափում բողոքելուց:
«Ոչ, չի խոսում այդ մասին»,- մեր հարցին ի պատասխան միանշանակ հայտարարեց պրն Եսայանը: Բա ի՞նչն է խոսում: Եթե մեր քաղաքացիները չեն բողոքում կոռուպցիայի դեմ, հատուկենտ բողոքողներն էլ անտեղի են բողոքում, նշանակում է ամեն ինչ Հայաստանում կարգին է` կոռուպցիա չկա: Իսկ եթե չկա, ինչո՞ւ է մշակվել հակակոռուպցիոն ռազմավարություն, ինչո՞ւ է ՀՀ նախագահը կոռուպցիայի դեմ պայքարի գծով խորհրդականի պաշտոն սահմանել, ինչո՞ւ է այդ խորհրդականը նիստեր անցկացնում: Եւ ընդհանրապես, արդեն երկու տարի է, ինչ Եսայանը պայքարում է կոռուպցիայի դեմ: Այս ընթացքում կոռուպցիան աճե՞լ է, թե՞ նվազել: «Կոռուպցիան երեւույթ է, որը չափել հնարավոր չէ, ինչպես հնարավոր չէ չափել սերը»,- մեր հարցին այսպիսի ռոմանտիկ պատասխան տվեց պրն Եսայանը: Այսինքն՝ կոռուպցիան սեր է: Իսկ սիրո դեմ պայքարելը անիմաստ է:
Հայկ Գեւորգյան
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
© 2024 Հայկական ժամանակ