Միգուցե կան մարդիկ, որոնք լարում են իրավիճակը. փոխմարզպետը՝ Դաշտի դպրոցի մասին

Արմավիրի մարզի Դաշտ համայնքի միջնակարգ դպրոցում արդեն մի քանի օր է, ինչ դասապրոցեսը չի ընթանում բնականոն հունով: Այստեղ պարբերաբար անցկացվում են բողոքի ցույցեր ու դասադուլներ: Բանն այն է, որ նախկին տնօրեն Սուսաննա Նազարյանը ազատվել է զբաղեցրած պաշտոնից: Լրացել է նրա պաշտոնավարման հինգ տարին, եւ մարզպետի որոշմամբ տնօրենի պաշտոնակատար է նշանակվել Հրաչուհի Հայրապետյանը, որն, ի դեպ, չի ներկայացնում դպրոցի աշխատակազմը, նաեւ Դաշտ համայնքի բնակիչ չէ:

Ճիշտ է, Սուսաննա Նազարյանը եւս մեկ ժամկետ աշխատելու իրավունք ունի, եթե առաջադրվի ու հաղթի թափուր պաշտոնի մրցույթում: Բայց դա, քիչ հավանական է համարվում, քանի որ մարզպետարանում նախընտրել են մինչեւ թափուր պաշտոնի մրցույթը դպրոցի տնօրենի պաշտոնակատար նշանակել ոչ նրան: Այժմ, բողոքի ցույցի մասնակիցները, որոնք ծնողներ ու աշակերտներ են, պահանջում են, որ Սուսաննա Նազարյանը վերադառնա նախկին պաշտոնին:

Նկատենք, որ նրա վերաբերյալ մամուլում բացասական երանգավորմամբ հրապարակումներ կան: Նշվում է, նախկինում աշխատել է Էջմիածնի ավագ դպրոցներից մեկում, բայց խայտառակ կերպով հեռացվել է զբաղեցրած պաշտոնից, հետո նշանակվել Դաշտի դպրոցի տնօրեն, իսկ այստեղի որոշ մանկավարժներ դժգոհում են նրա վատ, նվաստացուցիչ վերաբերմունքից եւ այլն:

Այժմ բողոքի ձայն է բարձրացնում նաեւ Դաշտի միջնակարգ դպրոցի նախկին տնօրեն Գնել Ռոստոմյանը: Վերջինս կրթական այս հաստատությունը ղեկավարել է Սուսաննա Նազարյանից առաջ: Գնել Ռոստոմյանն օրերս այցելել էր մեր խմբագրություն եւ պնդում էր, որ Արմավիրի նախկին մարզպետն իրեն զբաղեցրած պաշտոնից ազատել է քաղաքական պատճառով՝ դժգոհ է եղել, թե Հանրապետական կուսակցության թեկնածուի օգտին չի աշխատել: Ասաց, որ իրեն աշխատանքից ազատելու հրամանը պատրաստվում է վիճարկել դատական կարգով: 

Արմավիրի գործող մարզպետի տեղակալ Ալեքսանդր Ղուկասյանը, մեզ հետ զրույցում անդրադառնալով Դաշտի դպրոցում այսօր ստեղծված իրավիճակին, հայտարարեց, որ անօրինական որեւէ բան տեղի չի ունեցել, եւ մարզպետը գործել է իրեն տրված լիազորությունների սահմաններում: «Միգուցե կան մարդիկ, որոնք լարում են իրավիճակը՝ ինչ-ինչ մոտիվներից ելնելով եւ իրենց անհամաձայնությունը այդպես են ուզում դրսեւորել: Եթե որեւէ անօրինական բան լիներ, դա ուրիշ խնդիր կլիներ»,- ասաց Ալեքսանդր Ղուկասյանը: Նրա խոսքով, մարզպետարանի ներկայացուցիչները, այդ թվում ինքը, նախորդ ուրբաթ այցելել են դպրոց, ներկայացրել տնօրենի պաշտոնակատարին, եւ ուսուցչական անձնակազմը նրան բարյացակամ է ընդունել:

Հարցին, թե որքան էլ ուսուցիչները դժգոհ չեն ու գուցե կան հրահրողներ, ամեն դեպքում դասապրոցեսը խաթարված է, ինչ լուծում է առաջարկում մարզպետարանը, Ալեքսանդր Ղուկասյանը պատասխանեց, որ մարզպետարանի մի խումբ ներկայացուցիչներ դարձյալ ուղեւորվել են դպրոց:

Տպել
1617 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ