Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Քրեական հեղինակություն «Շալիկո» մականունով հայտնի Շալո Մանուչարյանի սպանության նախապատրաստության համար մեղադրանք է առաջադրվել 43-ամյա տղամարդու։ Վերջինս Երեւանից է, պրոֆեսիոնալ մարզիկ:

ՀՀ քննչական կոմիտեի նախագահի խորհրդական Սոնա Տռուզյանը ՀԺ-ի զրույցում ասաց, որ տղամարդուն մեղադրանք է առաջադրվել սպանության նախապատրաստության համար (ՀՀ ՔՕ 35-104 հոդվածով) եւ որպես խափանման միջոց է ընտրվել կալանավորումը: ՀՀ Քննչական կոմիտեն, սակայն, չի հայտնում տղամարդու անունը: Նաեւ չի հստակեցվում, թե ինչ պատճառով են սպանել դիպուկահարին, որը Հայաստան էր եկել քրեական հեղինակության սպանությունը իրականացնելու համար: Տեղեկացանք միայն, որ դիպուկահարը սպանվել է ծեծի հետեւանքով:

«Քրեական գործով մի շարք հանգամանքներ պարզվել են, սակայն քննությանը չվնասելու համար այլ մանրամասներ հրապարակման ենթակա չեն», -հավելեց Տռուզյանը:

Ավելի վաղ հաղորդվել էր, որ 2017 թվականին մի խումբ անձանց կողմից նախապատրաստվել է Վանաձորի բնակիչ, քրեական հեղինակություն համարվող անձի սպանությունը, որն իրականացնելու համար Հայաստան է հրավիրվել նաեւ դիպուկահար, որը, լինելով ՀՀ քաղաքացի, վերջին տարիներին բնակվել է արտերկրում։ Վերջինս Հայաստան է ժամանել 2017 թվականի ապրիլի 19-ին եւ մի քանի օր նախ մնացել է օդանավակայանին հարակից հյուրատներից մեկում, ապա՝ հանցակցի հետ ապրիլի 24-ին տեղափոխվել Վանաձոր, որտեղ բնակվել են նախապես վարձակալված բնակարանում։

2017 թվականի ապրիլի 27-ի լույս 28-ի գիշերը վարձակալված բնակարանում հայտնաբերվել է դիպուկահարի դին՝ բազմաթիվ մարմնական վնասվածքներով: Քննությամբ բավարար ապացույցներ են ձեռք բերվել, որ սպանվածի դին Վանաձորից Երեւան է տեղափոխվել նրա հանցակցի կողմից՝ սպանության, ինչպես նաեւ քրեական հեղինակության սպանության նախապատրաստության հետքերը թաքցնելու նպատակով։

Մեծածավալ քննչական գործողությունների արդյունքում պարզվել է Հայաստան ժամանելու նպատակով դիպուկահարին գումար ուղարկած, ինքնաթիռի տոմս գնած, նրան օդանավակայանում դիմավորած եւ նշված հյուրատուն տեղափոխած անձի ինքնությունը, ով, ըստ քննության տվյալների, մի խումբ անձանց հետ միասին առաջարկել է նրան իրականացնել քրեական հեղինակության սպանությունը։ Բացի այդ, բավարար տվյալներ են ձեռք բերվել, որ սպանությունն իրականացնելու համար ձեռք է բերվել օպտիկական հրազեն։

Տվյալ անձը Երեւանի բնակիչ է, 43 տարեկան. նա նոյեմբերի 9-ին ձերբակալվել էր, ապա նաեւ՝ կալանավորվել։ Նշենք, որ Քրեական հեղինակություն Շալիկոյի սպանությունը նախապատրաստվել է 2017 թվականին եւ, ըստ Վանաձորում շրջանառվող տեղեկությունների, այս տարվա հոկտեմբերին Վանաձորում հնչած կրակոցները դրա պատասխանն են: Կրակոցների հետեւանքով երկու մոսկվաբնակ հեղինակություններ են տուժել:

Տպել
1363 դիտում

Երեւանում երիտասարդը փորձել է վրեժխնդիր լինել ավտոմեքենայով կատարած վրաերթի միջոցով. նրան մեղադրանք է առաջադրվել

Առաջին անգամ Հայաստանում կատարվել է լյարդի փոխպատվաստում երեխային կենդանի դոնորից. Արսեն Թորոսյան (տեսանյութ)

ԱԺ-ն ընդունեց կենդանիների նկատմամբ դաժան վերաբերմունքը քրեականացնող նախագիծը

ՀՀ ՊՆ պատվիրակությունը մեկնել է Մոսկվա՝ բանակցելու ռազմարդյունաբերական ձեռնարկությունների ներկայացուցիչների հետ

Գեւորգ Պետրոսյանը «գիշերօթիկներ»-ի հարցը խեղաթյուրում է. նախարարի խորհրդականի արձագանքը

Խորհրդարանն առաջին ընթերցմամբ ընդունեց ընդերքօգտագործման ոլորտի իրական սեփականատերերի բացահայտման վերաբերյալ օրինագիծը

Գագիկ Բեգլարյանի օրոք 15 միլիոն դրամով ձեռք բերված մեքենան օտարվում է

Սիրիայում ռազմական գործողությունները վերսկսելու կարիք այս պահին չկա. Թուրքիայի ՊՆ

Նախագահ Արմեն Սարգսյանը Տոկիոյում հանդիպել է Վրաստանի նախագահ Սալոմե Զուրաբիշվիլիի հետ

Հայաստանն ու Հնդկաստանը կխորացնեն համագործակցությունը տեխնոլոգիական ոլորտում

Մետաքսի ճանապարհ, 1,5 մլրդ դոլար ծրագրերի փաթեթ. Տիգրան Ավինյանը հանդիպել է Ասիական զարգացման բանկի փոխնախագահին

Մեսսիի ռեկորդը գերազանցված է. նոր ցուցանիշի հեղինակը Մբապեն է

Կառավարության սուբվենցիոն ծրագրով հիմնանորոգվում է Վանաձորի Ռուբեն Սեւակի անվան զբոսայգին, նաեւ հատվել են ծառեր

Աշխատանքային իրավունքների իրազեկման համար ՄԻՊ-ն ու Բուլղարիայի դեսպանատունը մեկնարկում են ծրագիր

Քննարկել են համատեղ ծրագրեր. ԿԲ նախագահն ու ՀՀ փոխվարչապետը հանդիպել են ԱՄՀ գործադիր տնօրեն Կրիստալինա Գեորգիեւայի հետ

Տիգրան Ավինյանը հանդիպել է Վրաստանի խորհրդարանի նախագահի հետ եւ խոսել վիրահայ համայնքի դերակատարության մասին

Խորհրդարանն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը

Խնջույքի ժամանակ որևէ վիրավորական արտահայտություն չի հնչել. ՔԿ

Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը հայտարարագրել են իրենց եկամուտները

Արմեն Սարգսյանը մասնակցել է Ճապոնիայի նոր կայսր Նարուհիթոյի գահակալության առիթով կազմակերպված ընդունելությանը