Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

Աջ ղեկով ավտոմեքենաներ ներկրողները տեւական ժամանակ բողոքի ակցիաներ իրականացրին թե՛ տրանսպորտի նախարարության դիմաց, թե՛ կառավարության դիմաց եւ թե անգամ Բագրատաշենի անցակետում` պահանջելով չեղյալ հայտարարել աջ ղեկով ավտոմեքենաները Հայաստան ներկրելու արգելքը: Բողոքողները նշում էին, որ մի քանի հազարի հասնող աջ ղեկով ավտոմեքենաներ կան Վրաստանում, որոնք պետք է հոկտեմբերի 1-ից հետո մտնեին Հայաստան: Սակայն նրանք իրազեկված չեն եղել, որ անցյալում ընդունած արգելքն անժամկետ է եղել եւ գործողության հստակ ժամկետներ չեն սահմանել։ Այսինքն, ապրիլի 1-ից մինչեւ հոկտեմբերի 1-ը աջ ղեկով ավտոմեքենաների ներկրումը արգելելը չի նշանակում, որ հոկտեմբերի 1-ից հետո հնարավոր է աջ ղեկով մեքենա ներկրել:

ՀՀ տրանսպորտի, կապի եւ տեղեկատվական տեխնոլոգիաների նախարարությունում մի քանի անգամ հարցի վերաբերյալ քննարկումներ եղան եւ կարելի է ասել՝ կոնսենսուսային տարբերակ գտան հարցի լուծման համար:

Որոշվեց, որ ՀՀ ՏԿՏՏ նախարարությունը կառավարությանը առաջարկ կներկայացնի, որով այդ մեքենաները հնարավորություն կունենան Հայաստան ներկրել, սակայն շահագործել կկարողանան միայն ղեկը փոխելուց հետո: Չնայած այս տարբերակը որոշ ներկրողների մոտ դժգոհություններ էր առաջացրել:

«Կարող են սահմանից բերել դեպի իրենց բնակության վայր, որտեղ պետք է կատարեն վերասարքավորում: Մինչեւ վերասարքավորում կատարելը իրենք չեն կարող այդ մեքենան շահագործել»,- այս մասին ՀԺ-ի հետ զրույցում ասաց ՀՀ ՏԿՏՏ նախարարի առաջին տեղակալ Արմեն Փամբուխչյանը:

- Պարոն Փամբուխչյան, ՏԿՏՏ նախարարությունը ե՞րբ է աջ ղեկով մեքենաների ներկրման հարցով նախատեսված առաջարկով հանդել գալու:

- Մենք ուզում ենք հասցնել առաջիկա նիստին: Արդեն գրությունները ուղարկում ենք համապատասխան գերատեսչություններին` շրջանառում ենք, որ կարծիքներ ստանանք, եզրակացություններ: Չնայած կարծում եմ, որ մենք բավականին քննարկել ենք բոլոր շահագրգիռ գերատեսչությունների հետ, արդեն ունենք իրենց դիրքորոշումը, բայց սա ընթացակարգ է, որը չենք կարող չանել:

Ուղարկել ենք այն հույսով, որ կառավարության առաջիկա նիստին կկարողանանք ներկայացնել:

- Այդ առաջարկը կարծես թե որոշ ներկրողների դուր չէր եկել եւ որոշակի դժգոհություններ էին հայտնել այդ առիթով:

- Չի գոհացրել մի մասին ու ինչ-որ չափով դա օրինաչափ է, քանի որ մի մասը ուզում էին, որ ներկրեին հենց աջ ղեկով ավտոմեքենա, ինչը օրենքը արգելում է: Այսինքն, դա այսպես, թե այնպես չէր լինելու: Մենք առաջարկել ենք միջանկյալ լուծում ու մեր առաջարկած միջանկյալ լուծումով մենք բավարարում ենք մեծամասնության խնդրանքը: Ընդ որում, այն մարդկանց, որոնց հետ դեռ հունիս-հուլիս ամիսներին հանդիպում եմ ունեցել եւ իրենք են առաջարկել այս մեթոդի կիրառումը:

- Այս մեթոդով նրանք կկարողանան մեքենան ներկրել եւ 1 տարվա ընթացքում ղեկը փոխե՞լ:

- Այո:

- Իսկ վարել կարո՞ղ են:

- Վարել չի թույլատրվում մեքենան, քանի որ չի ունենում պետական գրանցում եւ մաքսազերծված չի լինում: Կարող են սահմանից բերել դեպի իրենց բնակության վայր, որտեղ պետք է կատարեն վերասարքավորում: Մինչեւ վերասարքավորում կատարելը իրենք չեն կարող այդ մեքենան շահագործել:

- Սա միայն կուտակվա՞ծ մեքենաներին է վերաբերում: Չի՞ թույլատրվում կուտակված մեքենաներից բացի աջ ղեկով այլ մեքենաներ եւս ներկրել:

- Ժամկետների մասով, ճիշտն ասած, մենք սահմանափակումներ չենք դրել: Բայց եւ այնպես կարծում ենք, որ ելնելով հետագա անախորժություններից եւ անվտանգության կանոնների պահպանման տեսանկյունից, կարծում ենք, որ ամեն դեպքում ժամկետներ պետք է դրվեն: Այնպիսի խելամիտ ժամկետներ, որ բոլոր այն մեքենաները որոնք կուտակված են, մուտք գործեն Հայաստան եւ դրանով եզրափակվի: Այսինքն, մենք ժամկետի երկարացման կողմնակիցն ենք:

Եթե մենք ժամկետներ չնշենք, ապա դա կդառնա անժամկետ եւ կկրի մշտական բնույթ: Բայց այստեղ կա խնդիր` վերասարքավորում կատարելու հետ կապված. ՏԿՏՏ նախարարությունը եւ մի շարք այլ մարմիններ տեսնում ենք խնդիր եւ նույնիսկ ներկրողները տեսնում են խնդիր` ղեկային համակարգի տեղափոխությունը ոչ պրոֆեսիոնալ կատարելու մեջ, ինչն էլ ենթադրում է, որ մենք պետք է ամեն դեպքում դնենք որոշակի սահմանափակումներ, որ այս մեքենաները ներկրվեն եւ մեկընդմիշտ այս հարցը փակվի:

Տպել
1208 դիտում

Նինոծմինդայի Մանկապարտեզների միավորման տնօրենը Հենզել Մկոյանին մեղադրում է սեռական ոտնձգության մեջ

Բակո Սահակյանը նոր նշանակումներ է կատարել․ հրամանագրեր

ԱԱԾ-ում քննվող քրգործերով պետությանը պատճառված վնասից վերականգնվել է 22.6 մլրդ դրամը․ վնասի չափը 46․6 մլրդ է

Օգոստոսից 5 զորամասում զինծառայողներին սնունդը կտրամադրվի նոր կարգով. Դավիթ Տոնոյան

Դատախազությունն առաջարկում է խստացնել ճանապարհատրանսպորտային հանցագործությունների համար պատիժը

Ունենք որոշ թերություններ, որոնք թույլ չեն տվել նախօրոք բացահայտել մեր զինծառայողի այդ հոգեվիճակը. Տոնոյան

Հեռու չէ այն օրը, երբ կհնչի «Տիկնայք եւ պարոնայք գեներալներ» արտահայտությունը․ Փաշինյանը՝ ԶՈւ-երում կանանց դերի մասին

Կարելի է անտառը չհատել, գալ հայրենիքին ծառայել. նախարարը՝ ՊՆ-ում առկա հաստիքների մասին

Ադրբեջանի կողմից Նախիջեւանի հատվածում արձակած կրակոցները թիրախավորված չեն եղել. Տոնոյան

Տիգրան Ավինյանը կոչ է արել սփյուռքին մասնակցել Հայաստանի տնտեսական զարգացմանը

Մենք պետք է երեխաներին սովորեցնենք ինքնուրույն կյանք վարելու հմտություններ. Արման Թաթոյան (տեսանյութ)

Մենք հավատացած ենք, որ ղարաբաղյան հակամարտությանը ռազմական լուծում չկա. Սվիտալսկի

Ռազմական անակնկալներ են լինելու. Տոնոյանը՝ նոր սպառազինություններ ձեռք բերելու մասին

Կրակոցներ Գյումրիում. դեպքով նախապատրաստվում են նյութեր

Որոշ մարդիկ կարծել են, որ օրենքից վեր են. ՀՀ-ում ԵՄ դեսպան

Հայաստան-Եվրամիություն համաձայնագիրը մտնում է իրականացման փուլ. ԵՄ դեսպան

Գերդիմակայություն ՀՀ-ում ընթացող Եվրո 2019-ում՝ Ֆրանսիա-Իսպանիա

ԵՄ-ն պատրաստ է չափելի ֆինանսական աջակցություն տրամադրել դատաիրավական բարեփոխումների գործընթացի համար. Սվիտալսկի

ՃՏՊ Տիչինայի փողոցում. կա տուժած

Հայրենյաց-Հայկասար-Տուֆաշեն-Պեմզաշեն ամբողջովին քայքայված 10.5 կմ երկարությամբ ճանապարհահատվածը վերականգնվում է