Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

Եվրոպայի չեմպիոն, աշխարհի բրոնզե մեդալակիր Հռիփսիմե Խուրշուդյանն այլեւս ՀՀ կանանց ծանրամարտի հավաքականի անդամ չէ: Այս մասին այսօր՝ նոյեմբերի 14-ին, լրագրողների հետ հանդիպման ժամանակ ասաց ՀՀ ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանը: Խուրշուդյանը որակազրկվել էր Լոնդոն 2012-ում արգելված խթանիչներ օգտագործելու համար ու զրկվել էր օլիմպիական բրոնզից: Սկզբում նրա որակազրկումը 2 տարով էր, սակայն հետո դարձավ 4 տարի:

«Նա այլեւս չի մարզվի: Իր համար կարող է մարզվել, բայց մրցումների չի մասնակցի: Առաջին հերթին, 4 տարի չի կարող դիմանալ, որպեսզի նորից վերականգնվի: 2-րդ հերթին, վերջիվերջո տան կին է, գուցե 2-րդ, 3-րդ զավակն ունենա: Այլեւս չի համարվում ՀՀ ծանրամարտի ֆեդերացիայի հավաքականի անդամ»,- ասաց Ալավերդյանը:

Մասնագետը խոսեց նաեւ ամփոփեց աշխարհի 2018 թ. առաջնությունը: Նոյեմբերի 1-10 Թուրքմենստանի մայրաքաղաք Աշխաբադում կայացած մցրաշարում Հայաստանը 8 տարվա դադարից հետո աշխարհի չեմպիոն ունեցավ: Ոսկե մեդալ նվաճեց օլիմպիական արծաթե մեդալակիր, Եվրոպայի չեմպիոն Սիմոն Մարտիրոսյանը (109 կգ): Արծաթե մեդալակիր դարձավ օլիմպիական արծաթե մեդալակիր Գոռ Մինասյանը (+109 կգ): Հրում վարժությունում փոքր արծաթ նվաճեց Հակոբ Մկրտչյանը (89 կգ): Ըստ Ալավերդյանի՝ վերջինս էլ պետք է չեմպիոն դառնար:  

«Այնպիսի տակտիկական մարտավարություն կատարեցինք, որ նա պետք է անպայման աշխարհի չեմպիոն դառնար: Պատահականություն էր, որ չկարողացավ: Մարզիկը ոչ միայն մկաններով է պատրաստվում աշխարհի առաջնությանը, այլեւ ուղեղով: Առաջին հերթին պետք է կարողանա հավատալ ինքն իրեն, պատրաստ լինի դառնալու աշխարհի չեմպիոն»,- ասաց նա:

Մեդալի մեծ ակնկալիքներ կային Եվրոպայի մեծահասակների 2016 թ. չեմպիոն Անդրանիկ Կարապետյանից (81 կգ): Աշխարհի առաջնությունից ընդամենը մի քանի օր առաջ Եվրոպայի մինչեւ 23 տարեկանների 2018 թ. առաջնությունում չեմպիոն էր դարձել: Պոկում վարժությունում գրանցել էր 176 կգ, սակայն Աշխաբադում պոկում վարժության ժամանակ 3 անգամ չկարողացավ բարձրացնել 171 կգ, 0 ստացավ ու պայքարից դուրս եկավ: Ալավերդյանի կարծիքով՝ պատճառը կարող է եղած լինել արյան բարձր ճնշումը:

«Ինչու անհաջողություն տեղի ունեցավ՝ բոլորիս համար հանելու է: Ես որպես մարզիչ զգացի, որ նրա ճնշումը բարձրացավ, որովհետեւ քթից արյուն հոսեց նախավարժանքի ժամանակ: Չես կարող մարզիկին ասել՝ դե լավ, վեր կաց գնանք տուն: Իսկ պատվիրած քաշն էլ իջեցնել այլեւս անհնար էր, լավագույն դեպքում 1 կգ-ով կարող էինք իջեցնել, իսկ դա ոչինչ չէր տա»,- ասաց նա՝ ավելացնելով, որ Կարապետյանը դեկտեմբերի 19-21-ը կմասնակցի Քաթարում կայանալիք աշխարհի գավաթի խաղարկությանը, որտեղ կփորձի օլիմպիական վարկանիշային միավորներ վաստակել:

Հայաստանը մշտապես մեդալների համար է պայքարում նաեւ կանանց ծանրամարտում: Աշխարհի այս առաջնությունում, սակայն, այդպես չէր: Հայ մարզուհները ցածր տեղեր գրավեցին, ինչը, Ալավերդյանի խոսքով, սպասելի էր, քանի որ սերնդափոխություն է եղել: Իզաբելլա Յայլյանին (59 կգ), Լիանա Գյուրջյանին (71 կգ), Տաթեւ Հակոբյանին (81 կգ), Արփինե Դալալյանին (+87 կգ) աշխարհի առաջնություն էին տարել, որպեսզի նրանք աստիճանաբար սկսեն օլիմպիական վարկանիշային միավորներ վաստակել:

«Աղջիկների պարագայում այսօրվա դրությամբ բավականաչափ թույլ ենք, բայց ոչ թե ընդհանրապես աշխարհում. Եվրոպայի առաջնությունում տեսաք՝ մեդալներ ունեցանք: Մեզ մոտ սերնդափոխություն է կատարվել՝ անկախ մեր կամքից: Պետք է աշխատենք փառքով դուրս գալ: 4 մարզուհի տարել էինք, որ սկսեն վարկանիշային միավորներ հավաքել»,- ասաց նա՝ ավելացնելով, որ ներուժ ունեն:

Աշխարհի 2018 թ. առաջնությունում մեդալային պայքարում Հայաստանը զբաղեցրեց 8-րդ տեղը 2 ոսկով ու 5 արծաթով: Առաջինը Չինաստանն էր, որը մրցաշարում նվաճեց 20 ոսկի, 23 արծաթ ու 10 բրոնզ: 2-րդը Թաիլանդն էր 9 ոսկով, 2 արծաթով, 6 բրոնզով: Լավագույն եռյակը եզրաակեց Հյուսիսային Կորեան 5 ոսկով, 4 արծաթով, 3 բրոնզով:

Տպել
1279 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում