«Լույս» հիմնադրամը վստահեցնում է՝ գործելու է ի նպաստ հայրենիքի. արձագանք մեր հրապարակմանը

16/11/2018 schedule11:46

«Լույս» հիմնադրամն արձագանքել է մեր՝ ««Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են»  հրապարակմանը՝ վստահեցնելով, որ գործելու է ի շահ հայրենիքի: Պատասխան տեքստն ամբողջությամբ ներկայացնում ենք ստորեւ:

«Սիրելի՛ խմբագրություն

Զարմանքով ու ցավով ենք ծանոթացել «Հայկական ժամանակ» օրաթերթի նոյեմբերի 13-ի էլեկտրոնային էջերում ««Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են» ապակողմնորոշող վերնագրով ու մտահոգիչ բովանդակությամբ հոդվածին։

Մեջբերելով Լույսի համայնքին հասցեագրված եւ հիմնադրամի կայքում նոյեմբերի 9-ին հրապարակված տեղեկատվության առանձին, կոնտեքստից կտրված, կտորներ հերթական անգամ փորձ է արվել անառողջ աղմուկ ստեղծել Հայաստանի զարգացման գործում հսկայական ավանդ ներդրած հիմնադրամի շուրջ։ Նման գործելաոճը պարզապես անընդունելի է։

Նպատակ հետապնդելով կասեցնել մեր համայնքը արատավորելու` առանձին անհատների փորձերը, ինչպես նաեւ բացառել հասարակական ընկալումներում մեր հիմնադրամի մասին հերյուրանքների տարածումը, ակնկալում ենք սույն նամակի ամբողջական հրապարակումը ձեր կայքում եւ թերթում։

«Լույս» հիմնադրամը երբեք չի դադարեցրել իր գործունեությունը։

Աշխարհի լավագույն 10 համալսարաններում ուսանելու նպատակով կրթաթոշակների տրամադրումը մեր գործունեության կարեւոր, բայց միայն մի մասն է։ Բավական է նշել, որ հիմնադրամը նախորդ ինը տարիներին ֆինանսավորել է Հայաստանում բազմաթիվ մշակութային, գիտական եւ կրթական նախաձեռնություններ ու ծրագրեր, որոնք պատիվ են բերում մեր ազգին։

Ընդ որում Հիմնադրամը այժմ էլ շարունակում է շուրջ 70 կրթաթոշակառուների ֆինանսավորումը աշխարհի առաջատար համալսարաններում եւ այդ պարտավորությունը կատարելու է մինչեւ վերջիններիս ուսումնական ծրագրերի ավարտը։

Մենք մեր կրթական ծրագիրը համարում ենք կայացած այնքանով, որ Լույսի շրջանավարտները իրենց դրսեւորել են Հայաստանում եւ նրա սահմաններից դուրս՝ արժանապատիվ աշխատավարձով պատասխանատու աշխատանքների անցնելով թե՛ մասնավոր, թե՛ հասարակական ոլորտներում, ինչպես նաեւ առանձնահատուկ հպարտությամբ արձանագրում ենք, որ ինչպես նախկինում, այնպես էլ հիմա պետական կառավարման համակարգում ներգրավված են Լույսի բազմաթիվ շրջանավարտներ այնպիսի առանցքային պաշտոններում ինչպիսիք են օրինակ` ՀՀ վարչապետի խորհրդականը, փոխնախարարներ եւ այլն:

Միաժամանակ հայտնում ենք նաեւ, որ Հայաստանի համար կարեւոր այս փուլում Հիմնադրամի խորհրդի կողմից որոշում է կայացվել Հիմնադրամի ներքո ստեղծել գիտահետազոտական վերլուծական կենտրոն, որի մասին շուտով պաշտոնապես կհայտարարվի։ Ունենալով հսկայական մարդկային ներուժ, Հայաստանի համար այս բախտորոշ ժամանակաշրջանում` երբ մեկը մյուսի հետեւից դադարեցվում է ուղեղային կենտրոնների գործունեությունը, աններելի կլիներ մեր շրջանավարտների սկզբունքային ու ստեղծարար կարողությունները հայրենիքի զարգացմանը ի սպաս չբերելը։

Նոր հարթակում ուղղակի կամ անուղղակի ներգրավված կլինեն ոչ միայն մեր շրջանավարտները, այլ նաեւ վերլուծական եւ գիտահետազոտական ոլորտի լավագույն մասնագետները թե՛ Հայաստանից եւ թե՛ Սփյուռքից, որոնք հնարավորություն կունենան արժանապատվորեն ծառայել մեր պետությանը՝ իրենց մասնագիտական եւ հետազոտական գործունեության շրջանակներում։

Հարկ ենք համարում հիշեցնել, որ «Լույս» հիմնադրամը իր կրթական ծրագրի շրջանավարտների ռեսուրսը երբեք չի ծառայեցրել քաղաքական, կուսակցական կամ այլ խմբային շահերի։ Անկախ Հոգաբարձուների խորհրդի անդամների կուսակցական պատկանելությունից, ոչ միայն համայնքի ներկայացուցիչների մասնակցությամբ երբեւէ տեղի չի ունեցել քարոզչական ուղղվածության հանդիպում, այլ նաեւ չի եղել ոչ մի շրջանավարտի կամ համայնքի այլ ներկայացուցչի քաղաքական ուղղորդման որեւէ դեպք:

Ցավում ենք երկրում ստեղծված բարձր հուզական մթնոլորտում «Լույս» հիմնադրամի դեմ որոշ անհատների կողմից սկսված արշավի համար եւ հուսով ենք, որ իրենց հնարավոր գործատուները դա եւս հաշվի կառնեն մասնագիտական որակների հետ զուգահեռ։

Եզրափակելով, հուսով ենք, որ հիմնադրամի գործունեության վերաբերյալ տեղեկատվություն հրապարակելիս այսուհետ կձեռնարկվեն անհրաժեշտ լրագրողական ջանքեր` բոլոր հարցերին համակողմանի անդրադարձ ապահովելու նպատակով։

Միաժամանակ հայտնում ենք, որ Հիմնադրամի հետ մշտապես կարող եք կապվել [email protected] պաշտոնական էլ. փոստի միջոցով: 

Հարգանքով,

«Լույս» հիմնադրամ»:

Տպել
3454 դիտում

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)