ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ԱՄՆ-ի Կոնգրեսի միջանկյալ ընտրություններից հետո, երկրի քաղաքական կուսակցություններն այժմ պատրաստվում են հաջորդ մարտահրավերին` 2020 թվականի նախագահական մրցապայքարին: Այս մասին գրում է Ամերիկայի ձայնը։ 

Թրամփի աջակցությամբ նրա Հանրապետական կուսակցությունը ներկայացնող կոնգրեսականները Սենատում ավելացրին իրենց աթոռները` ավելի մեծացնելով իրենց մեծամասնությունը վերին պալատում:

Սակայն Ներկայացուցիչների պալատում դեմոկրատների հաղթանակը նրանց տալիս է հույս, որ ընտրողների աջակցության նման պատկեր կլինի նաեւ եկող նախագահական ընտրություններում` 2020 թվականին:

Ինչպես դեմոկրատ սենատոր Չաք Շումերն է ասում, հանրապետականները կորցրել են կանանց, փոքրամասնությունների, արվարձանների բնակչության աջակցությունը: Եվ այնքան մեծ է կորուստը, որ հանրապետական յուրաքանչյուր թեկնածու ու Դոնալդ Թրամփը պիտի շատ անհանգստանան:
Ի դեպ, միջանկյալ ընտրություններում Թրամփի գործոնը մեծ էր: Ինչպես վերլուծաբան Ջոն Ֆորթիերն է ասում, նրան մեծ աջակցություն էին ցույց տալիս հիմնականում հանրապետական ուղղվածություն ունեցող նահանգներում ու գյուղերում: Իսկ դեմոկրատները հաջողությունների էին հասնում քաղաքների արվարձաններում, որտեղ հիմնականում ավելի բարձր կրթություն ունեցող սպիտակամորթ ամերիկացիները հանդես էին գալիս ընդդեմ Թրամփի կողմնակիցների:

Վիրջինիայի համալսարանից Լարրի Սաբաթոյի խոսքերով, դեմոկրատներն այժմ պիտի հավասարակշռեն նախագահի հետ աշխատանքը եւ նրա վարչակազմի նկատմամբ հետաքննությունները: «Դեմոկրատները պիտի հիշեն, որ ունեն միայն երկու տարի ժամանակ Ներկայացուցիչների պալատից Սպիտակ տուն թռիչքին պատրաստվելու համար»,- ասում է նա:


Մեկ այլ վերլուծաբան Ջիմ Քեսսլերի խոսքերով, այն հանգամանքը, որ դեմոկրատները նահանգապետերի ընտրությունների արդյունքում հաղթել են միջին-արեւմտյան նահանգներում, եւս խոսում է 2020-ի նախագահական ընտրություններում հաղթելու մեծ հավանականության մասին: Չէ որ, ասում է նա, 2016-ի նախագահական ընտրություններում այդ նահանգներն աջակցել էին Թրամփին: Այսինքն` աջակցության սլաքն այսօր թեքված է դեմոկրատների կողմը:

Բայց մինչեւ 2020 թվականը դեմոկրատներն ունեն մի մեծ խնդիր: Այն է, թե ով կլինի նախագահի պաշտոնի համար իրենց թեկնածուն: Չէ որ մարդիկ հաճախ քվեարկում են ոչ թե հանուն որեւէ կուսակցության, այլ ընդդեմ ինչ-որ թեկնածուի:

Տպել
680 դիտում

«Իմ քայլը» հիմնադրամի հաշվեհամարին իր գործունեության վեց ամսվա ընթացքում մուտք է եղել 859 մլն 55 հազար դրամ․ Ա․ Հակոբյան

ԵՊՀ-ում կատարած բացահայտումների ամբողջ ծավալը չէ, որ ներառված է հետաքննության այս փուլում. ՊՎԾ

Տեղեկատվությունը չի համապատասխանում իրականությանը. Աննա Նաղդալյան

ԵԱՀԿ ՄԽ համանախագահներն Ալիեւի հետ քննարկել են ԼՂ հակամարտության կարգավորման հեռանկարները

Պետք է հնարավոր պայմանները ստեղծենք, որ մեր դատավորները սրա-նրա ձեռքին նայելու անհրաժեշտություն չունենան․ վարչապետ

Գարեգին Բ-ն հանդիպում է ունեցել վերապատրաստման դասընթացներին մասնակցող եկեղեցականների հետ

Կառավարությունը որոշեց․ դատավորներն ու ԲԴԽ անդամները կներառվեն սոցփաթեթի շահառուների շրջանակում

ԱՆ-ը հրապարակել է չարորակ հիվանդությունների բուժումն անվճար իրականացնող բուժհաստատությունների ցանկը

«ՀԱՅԲԻԶՆԵՍԲԱՆԿ» ՓԲԸ խորհրդի նախագահ է նշանակվել Արսեն Միքայելյանը  

Վարչապետի որոշմամբ Արմինե Մարգարյանը նշանակվել է Անվտանգության խորհրդի գրասենյակի ղեկավար

Փակ է լինելու «Թումանյան» կայարանից Օձունի խաչմերուկ ճանապարհահատվածը․ պայթեցման աշխատանքներ են ընթանում

Գործադիրը հավանություն չտվեց ԲՀԿ-ական պատգամավորների՝ «Արհմիությունների մասին» օրենքում փոփոխություն կատարելու նախագծին

30 փամփուշտ, պարկուճներ, վնասված Lexus․ ինքնաձիգի գործադրմամբ սպանության փորձ՝ Տավուշում

Արամ Սիմոնյանն ասել է, որ եթե իր դեմ քրգործ հարուցվի, ԵՊՀ-ն պետք է պաշտպանվելու համար․ նախարար (տեսանյութ)

Գեղեցիկ ու դրամատիկ խաղեր Չեմպիոնների լիգայում. «Սիթիի» ու «Ատլետիկոյի» օրն էր (տեսանյութ)

Մասիսի պետական գյուղատնտեսական քոլեջում զարգացման երկու կենտրոն է բացվել

Վարչապետն ու նախարարները կառավարության նիստում գրքի տոնի առթիվ նվերներ ստացան

Մեկնարկել է ՀՀ կառավարության հերթական նիստը․ օրակարգում ընդգրկված է 32 հարց, որից 19-ը՝ չզեկուցվող

Արցախը մոտենում է նախագահական ընտրություններին․ Արայիկ Հարությունյանը հրաժարական տվեց

Հայաստանում օգտատերերի համակարգիչների գրեթե կեսը ենթարկվել է տեղային սպառնալիքների․ «Կասպերսկի Լաբորատորիա»