12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

Թե՛ կրթության եւ գիտության նախարարությունը (ԿԳՆ) ու թե՛ Գնահատման եւ թեստավորման կենտրոնը (ԳԹԿ) չեն շտապում հայտարարել, որ այս ուսումնական տարվա վերջում 12-րդ դասարանցիների ավարտական քննությունները չեն անցկացվի կենտրոնացված տարբերակով: Մեր տեղեկություններով, սակայն, հենց այդպես էլ լինելու է: Այսինքն՝ բուհ չդիմած շրջանավարտների քննությունները կկազմակերպվեն նախկինի պես՝ իրենց դպրոցներում:

Կրթության եւ գիտության նախարար Արայիկ Հարությունյանը, հաշվի առնելով այն տնայնավարությունը, որով ավանդաբար անցկացվում են դպրոցների ավարտական քննությունները, հայտարարել էր, որ աշակերտներն այսուհետ տվյալ քննությունները կհանձնեն հատուկ այդ նպատակով առաձնացված քննական կենտրոններում՝ ԳԹԿ մասնագետների վերահսկողությամբ եւ նույն խստությամբ, ինչպես որ միասնական քննություններն են անցնում: Հետո, սակայն, պարզվեց, որ կենտրոնացված տարբարակով կլինեն ոչ բոլոր ավարտական քննությունները: Այժմ էլ, փաստորեն, 12-րդ դասարանի դեպքում չի լինի ոչ մեկը: Ըստ մեր ունեցած տեղեկությունների՝ ոլորտի պատասխանատուները հանգել են այն եզրակացության, որ դպրոցի ավարտական քննությունները կենտրոնացված տարբերակով անցկացնելու դեպքում առաջ են գալու բազմաթիվ խնդիրներ՝ ԳԹԿ-ն չի հասցնելու գրեթե միաժամանակ զբաղվել ավարտական քննություններով, վերաքննություններով, միասնական քննությունների նախապատրաստական ու կազմակերպչական աշխատանքներով, քննական կենտրոնները չեն բավականացնելու, հնարավոր է ժամկետների անհամապատասխանություն զորակոչի հետ եւ այլն:

Բայց 9-րդ դասարանում ավարտական քննությունը կենտրոնացված անցկացնելու գաղափարից ոլորտի պատասխանատուները չեն հրաժարվել: «Հստակ գիտենք, որ 9-րդ դասարանում կենտրոնացված քննություն անցկացնելու ենք: Հիմա մենք քննական կենտրոններն ընտրելու գործընթացի մեջ ենք: Մեր մասնագետներն արդեն ուսումնասիրություններ են կատարել Լոռու մարզում, Վայոց Ձորում անցած շաբաթ են ավարտել, վաղը-մյուս օրը գործուղման կգնան, եթե չեմ սխալվում, Գեղարքունիք, որպեսզի ճշգրտվեն, թե որոնք են լինելու տեղի քննական կենտրոնները»,- ասաց ԳԹԿ տնօրենի պաշտոնակատար Արմեն Փաշայանը:  

Այս տարի որոշվել է 9-րդ դասարանցիների հայոց լեզվի քննությունը դարձյալ անցկացնել ըստ էության թեստային տարբերակով՝ դրա մեջ նաեւ ազատ շարադրանքի մաս թողնելով: Ինչպես հայտնի է, 2016 թվականից՝ Կրթության եւ գիտության նախկին նախարար Լեւոն Մկրտչյանի պաշտոնավարման ժամանակ, հայոց լեզվի թեստային քննությունը դարձվեց փոխադրություն:

«Ի տարբերություն նախորդ թեստային քննությունների, լինելու է նաեւ ազատ շարադրանք, որը արդեն ենթադրում է ձեռքով ստուգման գործընթաց: Մենք այդ գործընթացի մեջ ուզում ենք ներգրավել հենց մարզի համապատասխան մասնագետներին: Դա է խնդիրը, որ նոյեմբերի 29-ից դեկտեմբերը 1-ը նախատեսում ենք անցկացնել քննարկումներ՝ ներգրավելով եւ մարզային կրթության վարչության կառույցներին, եւ դպրոցի տնօրեններին, եւ հայոց լեզվի մասնագետներին: Նպատակ ունենք թե իրազեկել եւ թե քննարկումներ անցկացնել: Թեստում գրավոր շարադրանք ունենալը եղել է Լեզվի կոմիտեի նախագահ Դավիթ Գյուրջինյանի առաջարկությունը, եւ ինքն էլ ակտիվ մասնակցություն է ունեցել: Մենք ուղղակի փորձել ենք դա թեստային տեսքի բերել»,- հավելեց ԳԹԿ տնօրենի պաշտոնակատարը:

Տպել
18150 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի