Ես դիմում եմ տվել, որ կոռուպցիան բացահայտվի, այսօր նստած եմ տանը. N42 դպրոցի փոխտնօրեն

Երեւանի Տ. Շեւչենկոյի անվան համար 42 ավագ դպրոցում վերջին ամիսներին սկիզբ առած լարվածությունը նոր դրսեւորումներ է ստանում: Դպրոցի փոխտնօրեն Շողիկ Բաղրամյանը, որն ընդդեմ տնօրենի հոկտեմբերին կազմակերպված դասադուլի ավելի քան տասնյակ մասնակիցներից մեկն է, նոյեմբերի 13-ին ազատվել է աշխատանքից:

Մինչեւ դասադուլը, փոխտնօրենը բողոքի դիմում էր գրել կրթության եւ գիտության նախարարություն՝ ներկայացնելով տնօրեն Էլեոնորա Թումանյանի խախտումներն ու չարաշահումները: «Կոռուպցիայի դեմ պայքարող դիմումատուն ազատվել է աշխատանքից: Ես դիմում եմ տվել, որ իր կոռուպցիան բացահայտվի, այսօր նստած եմ տանը»,- արձանագրում է Շողիկ Բաղրամյանը: Նա համոզված է, որ իրեն աշխատանքից ազատելու մասին տնօրենի հրամանին նախորդած կարգապահական տույժերը կեղծ հիմքեր ունեն, իսկ այն գործառույթները, որոնք չկատարելու համար մեղադրվել է, կամ դուրս են եղել իր լիազորությունների շրջանակից, կամ տնօրենը խոչընդոտել է դրանք կատարել: Փոխտնօրենի պաշտոնից ազատվելուց առաջ Շողիկ Բաղրամյանը նաեւ զրկվել է միակ դասարանում ունեցած դասաժամերից: Աշակերտները մի օր էլ հայտարարել են, թե չեն ուզում, որ Բաղրամյանն իրենց դասավանդի:

«Ինքը հայտարարում է՝ ովքեր մասնակցել են գործադուլին, հերթով ստեղծելու եմ իրավիճակ, որ աշխատանքից դուրս գան, ուսմասվարի բախտին բոլորը պիտի արժանանան: 10-12 ուսուցիչները հալածանքի են ենթարկվում, աշակերտների միջոցով էլ ձեռ են առնում»,- ասում է նա:

Աշխատանքից ազատված փոխտնօրենը պատրաստվում է համապատասխան հրամանը վիճարկել դատական կարգով: Նա նաեւ դժգոհում է, որ կրթության եւ գիտության նախարարություն ուղարկված հերթական դիմումի ընթացքը կասեցվել է: Պատճառաբանել են, որ նախորդ դիմումի հիմքով հարուցված քրեական գործով զբաղվում են իրավապահները: Շողիկ Բաղրամյանը նկատում է, որ կան նաեւ վարչական իրավախախտումներ, որոնց վերաբերյալ պետք է համապատասխան գնահատական տա նախարարությունը, ինչը չի անում:

Կրթական տեսչական մարմինը Շեւչենկոյի անվան դպրոցում կատարած ուսումնասիրության արդյունքում օրինակ հայտնաբերել է, որ աշակերտներից մեկի (արդարադատության նախարար Դավիթ Հարությունյանի որդու) տեղափոխության դեպքում չեն պահպանվել իրավական բոլոր նորմերը, իրավական խախտումներ են եղել որոշ ուսուցիչների աշխատանքի ընդունելու դեպքում եւ այլն:

N42 դպրոցի հայոց լեզու եւ գրականություն առարկաների ուսուցչուհի Մայա Հովհաննիսյանը չի բացառում, որ աշխատանքից հաջորդ ազատվողը ինքն է լինելու: Նա նույնպես դասադուլի մասնակիցներից է: Օրեր առաջ 11-րդ ընդհանուր 1 դասարանի աշակերտներից գրեթե բոլորի ծնողները ժողով են անցկացրել եւ արձանագրություն կազմել, ըստ որի՝ պահանջում են, որ Մայա Հովհաննիսյանն այդ դասարան այլես չմտնի: Պատճառաբանել են, որ նա հակամանկավարժական պահվածք ունի, վիրավորում ու հարվածում է երեխաներին: Նշել են նաեւ, թե երեխաներին ներգրավում է դպրոցի լարված իրավիճակների մեջ:

Ուսուցչուհին պնդում է, որ աշակերտներից մեկին, որը համացանցում վիրավորական բառերով անդրադարձել էր դասադուլ անող ուսուցիչներին, ինքն ընդամենը ասել է, թե պետք չէ խառնվել այդ ամենին, քանի որ դա մանկավարժների լուծելիք խնդիրն է: «Եթե այդպես լիներ, մյուս դասարաններում էլ կխոսեի»,- նկատեց Մայա Հովհաննիսյանը՝ ավելացնելով, որ այդ բողոքը կազմակերպող ծնողը տնօրենի ընտանիքի բժիշկն է: Ուսուցչուհին նաեւ հաղորդում է տվել ոստիկանություն՝ նշելով զրպարտության մասին:

Տնօրեն Էլեոնորա Թումանյանն, ըստ Մայա Հովհաննիսյանի, արձագանքելով ծնողների բողոքին, որոշել է իրեն տեղափոխել մեկ այլ դասարան: «Դու չմտածես, որ քո նկատմամբ վատ եմ տրամադրված»,- ըստ նրա՝ ասել է տնօրենը: Բայց նա չի շտապում այդպես չմտածել: «Ես վստահ չեմ, որ վաղը մյուս օրը հերթական մի բան չի սարքվի այս դասարանում ու ասվի՝ տես, այս դասարանում էլ դու չկարողացար աշխատել: Տնօրենը մեր ուսուցչուհիներից մեկին ասել է՝ բոլոր գործադուլ անողների համար հերթով կստեղծվի իրավիճակ, նրանց շուրջ կստեղծվեն տարբեր պատմություններ, որ գան եւ աշխատանքից ազատման դիմում գրեն»,- փոխանցեց Հովհաննիսյանը:

Դպրոցի տնօրեն Էլեոնորա Թումանյանը հայտարարում է, որ ամեն ինչ արել է օրենքի սահմաններում, իսկ բողոքողները թող դիմեն դատարան: «Յուրաքանչյուր քայլ, որը արված է, արված է օրենքի սահմանում, եւ եթե դրա հետ համաձայն չէ անձը, թող դիմի դատարան: Մայա Հովհաննիսյանի վերաբերյալ էլ նույն պատասխանն եմ տալիս՝ ինչը որ արված է, արված է օրենքի սահմանում: Արվել է այն, ինչը որ պարտավոր է տնօրենը անել տվյալ պարագայում: Ով համաձայն չէ, թող դիմի դատարան»,- ասաց նա:

Թումանյանի խոսքով, գործադուլի մասնակցելը կապ չունի աշխատակիցների թույլ տված թերացումների, սխալների ու պարտականությունները չկատարելու հետ: Դիտարկմանը, թե այդ ամենը համընկա՞վ գործադուլի հետ, մինչեւ այդ թերացումներ չկայի՞ն, Էլեոնորա Թումանյանը պատասխանեց. «Ինչպես ուզում եք՝ մեկնաբանեք: Ուրեմն համընկան»:

Լրատվամիջոցներին նա նաեւ հորդորեց այլեւս չխառնվել դպրոցի գործերին: «Հորդորում եմ մեր ներդպրոցական խնդիրներին այլեւս չխառնվել, որովհետեւ դա նույնպես խանգարում է այդ հարցերի կարգավորմանը: Դպրոցում վիճակը կարգավորվում է, բնական է, անցումային շրջանից հետո մի փոքր ժամանակ է պետք»,- ասաց Էլեոնորա Թումանյանը:

Տպել
1945 դիտում

ԱՄՆ պետքարտուղարության պաշտոնյան մեկնել է Իսրայել, շարունակվող հրթիռակոծությանը զուգահեռ, սահմանին բողոքի ցույցեր էին

ՄԻՊ-ն առաջարկում է առաջ տանել Սյունիքի և Գեղարքունիքի շուրջ անվտանգության գոտի ստեղծելու հայեցակարգը

Ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել. Նիկոլ Փաշինյան

ԱՄՆ պետդեպարտամենտը սադրանք է համարում Հայաստանի սահմանին Ադրբեջանի գործողությունները

Պիկասոյի «Պատուհանի մոտ նստած կինը» կտավը վաճառվել է 103 մլն դոլարով (լուսանկար)

ԱՍՀ նախարարությունում կայացել է միջգերատեսչական հանձնաժողովի նիստ

Արտաքին ագրեսիվ գործողության դեպքում ներքին քաղաքականությունը պետք է մեռնի, առաջարկում եմ ձևավորել կոնսենսուս. Ռուբինյան

Հայ-ադրբեջանական սահմանի իրավիճակի հարցով ՀԱՊԿ-ում առաջիկա օրերին քննարկումներ կլինեն

Ազգային ժողովն Ադրբեջանի գործողությունները դատապարտող հայտարարություն ընդունեց

ԱԻՆ փրկարարները ձեռք են բերել զինվորական հմտություններ. ռազմական համալսարանում նրանց հավաստագրեր են հանձնվել

Քաղաքացիական հասարակության կազմակերպությունների հայտարարությունը Հայաստանի տարածքային ամբողջականության խախտման մասին

Զինծառայողը երեկ ինքնակամ թողել էր զորամասի տարածքը և վերադարձել տուն, հաջորդ օրը ավտոտնակում հայտնաբերել են նրա դին. ՔԿ

Կարեն Գիլոյանը Լոռու մարզպետի ուղեկցությամբ ծանոթանում է մարզական ոլորտի խնդիրներին և զարգացման հնարավորություններին

Փոխանակ թշնամու ուղղությամբ լինեն ձեր կրակոցները,իշխանության ուղղությամբ են կրակոցները լինում. Սիմոնյանը՝ ընդդիմությանը

Ավելի քան վստահ եմ, որ Ամերիաբանկի առաջնային հրապարակային տեղաբաշխումը մեծ հաջողություն կունենա. Սաբինե Գաբեր

Այսօր թուրքը եկել, հասել է Սյունիք, հելել իրար ենք քննադատում. Սասուն Միքայելյան

Մհեր Գրիգորյանը և Քուբադ Թալաբանին քննարկել են տարբեր ոլորտներում փոխգործակցության զարգացման հնարավորությունները

Կախված իրավիճակից հնարավոր է ՀԱՊԿ խորհրդի նիստ կայանա. Արմեն Գրիգորյան

Կան տեղեր, որտեղ ադրբեջանական ԶՈՒ-ն լքել է հայկական տարածքները. Փաշինյանը բացատրեց՝ ինչու երեկ չի դիմել Պուտինին

Բունդեսթագի «Դաշինք 90/Կանաչներ» խմբակցությունը դատապարտել է Հայաստանի սահմանին Ադրբեջանի ապօրինի գործողությունները

Տիկին Զոհրաբյան, Զանգեզուրը իշխանությունները չեն հանձնել, չեն էլ հանձնելու. Անդրանիկ Քոչարյանը՝ Նաիրա Զոհրաբյանին

Նախընտրական քարոզչության հետ ասոցացվող ճանաչված պաստառները ենթակա են վերացման․ ԿԸՀ

Այսօր բանակցություններին միացել է Ռուսաստանի 102-րդ ռազմաբազայի ներկայացուցիչը իրենց աշխատանքային քարտեզներով. Փաշինյան

ՀԱՊԿ խորհրդի գործող նախագահ Էմոմալի Ռահմոնի կողմից արդեն իսկ տրվել են համապատասխան կարգադրություններ

Բուհերի վերաբերյալ Կառավարության նոր որոշումը Մանկավարժական համալսարանի ռեկտորը փիլիսոփայական է համարում

Հայկ Չոբանյանը ընդունել է Իրաքյան Քուրդիստանի փոխվարչապետին

Եթե ռուսները կանգնած չլինեին սահմանին, ինչքա՞ն ադրբեջանցիները կգային առաջ. Արման Աբովյան

Նիկոլ Փաշինյանն Ազգային ժողովում Սյունիքի հարցով արտահերթ ելույթ է ունենում

ՀՀ ոստիկանության պետն ընդունել է Հայաստանում Ճապոնիայի արտակարգ և լիազոր դեսպանին (տեսանյութ)

Զինված ուժերի մի շարք զորամասերում իրականացվել է մարտական հերթապահության հերթափոխ

Ինչո՞ւ կարևոր գերատեսչությունները, որոնց հարցեր ունենք, չեն մասնակցում նիստին. Թագուհի Թովմասյան

Հայտնաբերվել է ժամկետային զինծառայողի դի՝ կախված վիճակում

Ֆիլիպ Ռիքերն ու Ջեյհուն Բայրամովն անդրադարձել են հայ-ադրբեջանական սահմանին առկա իրավիճակին. «Արմենպրես»

Սիսիանում հայտնաբերվել է աղիքային վարակի ախտանշաններով ևս 32 բնակիչ․ ընդհանուր 402 դեպքից 373-ը մինչև 18 տարեկան են

ԱԺ արտահերթ նիստը մեկնարկեց. Արման Աբովյանը ներկայացրեց ԱԺ հայտարարության նախագիծը

Շիրակը մեծ ներուժ ունի, այն բացահայտել և օգտագործել է պետք. Շիրակի մարզպետն ընդունել է Ջոն Պատրիկ Գալագերին

Հաղթելու շանսերը հավասար են․ հետաքրքիր փաստեր՝ Հայաստանի գավաթի եզրափակչին ընդառաջ

Արտահերթ ընտրությունների չեղարկման հարցը դեռեւս չի քննարկվում. Ալեն Սիմոնյան

Հետաքրքրություն ներկայացնող համարանիշերը գրեթե սպառվել են. առաջարկվում է թույլատրել բոլոր տառերի օգտագործումը

ՊՆ նախարարը Ստանիսլավ Զասին ներկայացրել է Սյունիքում ստեղծված իրադրությունը և հայկական կողմի ձեռնարկած գործողությունները