Հայաստանն այլեւս աղքատության երկիր չէ. Նիկոլ Փաշինյան

Վարչապետը, կառավարությունները, Ազգային ժողովներն անցողիկ են, մնայունը քաղաքացին է: Աշտարակում քաղաքացիների հետ հանդիպման ժամանակ ասաց ՀՀ վարչապետի պաշտոնակատար Նիկոլ Փաշինյանը։

«Ժողովուրդը քաղաքական առումով հաղթել է, բայց ժողովուրդը խնդիր ունի իրեն հաղթած զգալ նաև տնտեսական առումով, և մենք ասում ենք, որ քաղաքական այս հեղափոխությանը պետք է հաջորդի տնտեսական հեղափոխությունը»,- ասաց նա:

Նիկոլ Փաշինյանը նշեց, որ հեղափոխությունը ոչ թե այն ժամանակ տեղի ունեցավ, որ ինքը կամ իր թիմը քայլ արեցին, այլ եղավ, երբ քաղաքացիներից յուրաքանչյուրն իր քայլն արեց: «Հեղափոխությունը մենք չենք արել, այլ դուք եք արել, սա ձեր հաղթանակն է, մենք ընդամենը ուրախ ենք, որ պատիվ ենք ունեցել ծառայել ձեր հաղթանակին: Ես միշտ իմ քաղաքական առաքելությունը համարել եմ ծառայելը և ասում եմ, որ մեծագույն առաքելությունը հող դառնալն է մեր ժողովրդի ոտքերի տակ, որ նրանք ամուր կանգնեն մեզ վրա, ուղղեն իրենց մեջքը և պարզ ճակատով, հպարտ քայլեն դեպի հզոր պետություն: Ես եկել եմ ձեզ ասելու, որ այլևս չհավատաք նրանց, ովքեր փորձում են համոզել, որ մենք փոքր, անօգնական, խեղճ ժողովուրդ ենք»,- ասաց նա:

Նիկոլ Փաշինյանը նշեց, որ հայերը դեռևս փոքրաթիվ ժողովուրդ են, բայց մեծ ժողովուրդ են, քանի որ մեր հոգին հզոր ու անկոտրում է: «Մենք կարողացել ենք այնպես անել, որ այսօր աշխարհի ցանկացած անկյունում Հայաստան ասելիս հասկանում են հզոր, հպարտ ժողովուրդ, որ առանց մի զոհի կարողացել է անել մի բան, որ ուրիշ երկրներ արել են տասնյակ հազար զոհերով, իրար մորթելով, կոտորելով: Պետք չի, որ դուք հավատաք մեզ, մեր խնդիրն է, որ դուք հավատաք ձեզ, ձեր աշխատասիրությանը, ձեր հզորությանը, քանի որ դուք հզոր եք»,- ասաց վարչապետը և նշեց, որ ՀՀ քաղաքացու վիզը ծուռ չպետք է լինեի:

«Մենք ասում ենք, որ ՀՀ-ն այլևս աղքատության երկիր չէ, հարստության երկիր է, մենք հնարավորություն ենք ստեղծելու, որ ՀՀ քաղաքացին հարստանա և հարստացնի։ Մենք այլևս չենք ասելու՝ մենք քիչ ենք, սակայն մեզ հայ են ասում, մենք ասելու ենք՝ մենք շատ ենք և մեզ հայ են ասում, մենք հզոր ենք և մեզ հայ են ասում, մենք հաղթող ենք և հայի, Հայաստանի անունն ամեն օրվա, ամեն շաբաթվա, ամսվա, տարվա հետ ավելի ու ավելի բարձր է հնչելու ողջ աշխարհում, որովհետև մենք Նարեկացու, Մարշալ Բաղրամյանի, Տիգրան Մեծի, Հովհաննես Թումանյանի ժողովուրդն ենք: Մենք հոգնել ենք կորցնելուց, հայրենիք, երկիր կորցնելուց, իրար կորցնելուց, իրար սերը և հարգանքը կորցնելուց, մենք այլևս ձեռք ենք բերելու նոր նվաճումներ և դրա համար հարկավոր է, որ դուք, ձեզանից յուրաքանչյուրը գիտակցեք ձեր ուժը, հզորությունը»,- ասաց նա: Նիկոլ Փաշինյանի այցն Աշտարակ ավարտվեց։ Նա մեկնում է Ապարան։

Տպել
1198 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում