Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ։ Այս մասին ՀԺ-ի հետ զրույցում ասաց ՀՀ տրանսպորտի, կապի եւ տեղեկատվական տեխնոլոգիաների նախարարի առաջին տեղակալ Արմեն Փամբուխչյանը։

- Պարոն Փամբուխչյան, Լարսի ավտոճանապարհը այս պահին ամբողջությամբ բա՞ց է։

- Այո։

- Ո՞րն էր պատճառը, որ փակ էր, արդյո՞ք ցորենի ներկրման շրջանի հետ կապված է։

- Սկզբում եղան մի փոքր խցանումներ՝ ցորենակիր մեքենաների շատ լինելու հետ էր կապված, հետո արդեն եղանակային պայմաններն էին։ Ձյուն էր եկել, այնտեղ ձնաբուք էր, նաեւ ձնահոսքի վտանգ կար եւ տեխնիկան չէր կարողանում մաքրել։

- Հնարավո՞ր է նորից նման խնդիր առաջանա մոտ օրերս։

- Դա անկանխատեսելի է։ Եղանակային պայմաններից է կախված։ Եթե եղանակները դեպի վատը գնացին՝ ձյուն, ձնամրրիկ, ձնաբուք, այդ պարագայում մեծ հավանականություն կա, որ կփակվի։ Եթե եղանակային պայմանները լավը եղան, այն իր բնականոն հունով կաշխատի, ինչպես մինչ այդ աշխատել է։

- Մեր վարորդները դժգոհություններ ունեի՞ն այս ամենի հետ կապված։

- Դե վարորդները, բնականաբար, դժգոհություն ունեն, քանի որ գնում եւ մնում են խցանման մեջ ու իրենց համար անհարմարություն է՝ ճանապարհի մեջտեղում ասենք մի քանի օր մնալը։ Բնականաբար, չի կարող դա մարդուն հաճելի լինել, այդ մասով դժգոհություն կա։

- Իսկ նախարարությունից դժգոհություններ ունե՞ն։

- Նախարարության հետ կապված միգուցե մեկ-երկու հարցադրումներ եղել են, բայց այդ հարցադրումներից առաջ էլ մենք զբաղվել ենք այդ հարցերով։

- Այսինքն, յուրաքանչյուր բարձրացված խնդրին արձագանքե՞լ եք։

- Այո, կամ մինչ այդ արդեն զբաղվել ենք այդ հարցով, մարդը չի իմացել, հարցադրում է արել, այդ հարցադրման պատասխանը ստացել է, կամ հարցադրումը անելուց հետո մենք անմիջապես արձագանքել ենք։

- Դուք գրել էիք, որ հերթի մեջ սպասող քաղաքացիներին ջուր եւ սնունդ է հասցվել, ո՞ւմ միջոցով։

- Օսեթիայի առողջապահության նախարարն է այնտեղ եղել։ Այդ մասին ես նաեւ գրառում էի արել։ Քաղաքացիներ էին այնտեղ գտնվում, իրենք էլ հաստատեցին, որ կա նման բան եւ շնորհակալություն հայտնեցին։

Նշենք, որ շուրջ 3-4 օր Լարսի անցակետում խցանումներ էին, ինչի պատճառով մեծ կուտակումներ էին առաջացել։

Տպել
1457 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)