Գերմանիան Հայաստանին 13 միլիարդ դրամի դրամաշնորհ կտա. քննարկում կառավարությունում

Կառավարության հերթական նիստում հավանություն տրվեց Հայաստանի Հանրապետության եւ գերմանական Վերականգնման վարկերի բանկի միջեւ Հայաստանում կենսաբազմազանության եւ կայուն տեղական զարգացման ծրագրին 13 միլիարդ դրամ գումարի չափով թիվ 2018 67 001 դրամաշնորհային համաձայնագրի ստորագրման առաջարկությանը: Հարցը զեկուցեց բնապահպանության նախարարի պաշտոնակատար Էրիկ Գրիգորյանը:

Ըստ նախագծի՝ «Հայաստանում կենսաբազմազանության եւ կայուն տեղական զարգացման» ծրագրի իրականացումը, որի տեւողությունը նախատեսվում է 8 տարի, կապահովի կենսաբազմազանությամբ հարուստ տարածքներում բնական ռեսուրսների պահպանությունն ու կայուն օգտագործումը։ Դրամաշնորհային ծրագրի շրջանակներում նախատեսվում է իրականացնել՝ պահպանվող տարածքների, բնական ռեսուրսների եւ բնական հուշարձանների բարելավում ու կառավարում, անտառների կայուն կառավարում, անտառային լանդշաֆտը եւ անտառները վերականգնելու միջոցառումներ, ընտրված հարակից համայնքներում սոցիալ-տնտեսական զարգացման միջոցառումներ, էկոզբոսաշրջությունը խթանելու միջոցառումներ, խորհրդատվական ծառայություններ։

Դրամաշնորհային համաձայնագրի կնքումը հնարավորություն կտա Հայաստանի Հանրապետությունում շրջակա միջավայրի պահպանության ոլորտում իրականացնել հստակ արդյունքներին ուղղված լայնածավալ միջոցառումներ։ ՀՀ վարչապետի պաշտոնակատար Նիկոլ Փաշինյանը հետաքրքրվեց, թե արդյոք ճիշտ է հասկանում, որ այս դրամաշնորհն ուղղվելու է ոչ միայն անտառների վերականգնմանը, կենդանատեսակների պահպանմանը, այլ նաեւ որոշակի բնապահպանական ուղղվածությամբ՝ սոցիալ տնտեսական ծրագրերին: Նա ասաց, որ որոշակի տարածաշրջաններում քաղաքացիներին աջակցություն են տրամադրում, որ ձերբազատվեն անտառահատումից՝ որոշակի գործարար ձեռներեցությամբ զբաղվելով եւ այսպիսով երկու խնդիր ենք լուծում:

«Մեր կառավարության նպատակաուղղվածությունը եւ ռազմավարական ուղղվածությունը Հայաստանի կենսաբազմազանությունը պահպանելը եւ զարգացնելն է, եւ մենք առաջնորդվում ենք այդ տրամաբանությամբ, բնապահպանական հարցրեով լինելու ենք նախանձախնդիր»,- ասաց նա:

Նիկոլ Փաշինյանը նշեց, որ իրենք չեն ասում, թե հանքարդյունաբերություն Հայաստանում չպետք է լինի, այլ ասում են, որ պետք է այն իրականացվի միջազգային ամենաբարձր ստանդարտներով եւ հետեւողական քայլեր են ձեռնարկելու՝ այդպիսի ստանդարտներ հաստատելու համար: «Եթե, օրինակ, միջոցներ են ձեռնարկվում, որ սիգի որսը ձվադրման սեզոնում սահմանափակվի, կամ անտառների պաշտպանվածության մակարդակը բարձրանա, ո՞ւմ համար ենք անում, մե՞նք ենք գնալու որսանք, նույն տարածաշրջանի մարդիկ են որսալու: Ինչ-որ արվում է՝ առաջնահերթ այդ տարածաշրջանում ապրող մարդկանց շահերից է ելնում, մենք ուղիղ պետք է նայենք մեր հայրենակիցներին եւ երկխոսենք, որ այդ ընկալումը ունենան»,- ասաց նա եւ կարեւորեց այսպիսի դրամաշնորհային ծրագրերը:

Նա նշեց, որ պետք է քաղաքացներին ցույց տան, որ անտառ չկտրելով ավելի շատ կարող են օգուտ ստանան, քան կտրելով: Նա հայտնեց, որ 55 հազար խորանարդ մետր վառելափայտ է տրամադրվել ՝ առանց անտառին վնասելու:

Վարչապետի համոզմամբ՝ եթե ճիշտ կազմակերպենք մեր կենսաբազմազանությունը, տասնյակ ավելի օգուտներ կբերենք: Էրիկ Գրիգորյանը համաձայնեց, որ ժամանակակից բնապահպանական կառավարումը առանց սոցիալ տնտեսական բաղադրիչի ուղղակի չի կարող լինել:

Տպել
1011 դիտում

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար

Վնասել ու կոտրել են գեներալ Մանվել Գրիգորյանի մայրական տունը, տակնուվրա արել ամեն ինչ ներսում

Փոխնախարար Մանե Ադամյանն ընդունել է ֆրանսիական Airbus ընկերության ներկայացուցիչներին

Փրկարարներն ավտոմեքենան դուրս են բերել արգելափակումից

Վերակառուցման և զարգացման եվրոպական բանկի նախագահը կայցելի Հայաստան

ՔԿՀ-ում գտնվող Արթուր Վարդանյանին անհրաժեշտ է տեղափոխել քաղաքացիական հիվանդանոց. ՄԻՊ

Նազարբաեւը որոշել է լուծարել Ղազախստանի կառավարությունը

ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

Ավինյանն ընդունել է Ավստրիական զարգացման համագործակցության Հարավային Կովկասի գրասենյակի ղեկավարին

Որպես ի՞նչ է Սաշիկ Սարգսյանը 18,5 միլիոն դոլար «նվիրաբերում» պետությանը, որպես «չայեվո՞յ»

ՊԲ հրամանատարը հետևել է զորամասերից մեկի՝ «բարձր» մարտական պատրաստականության աստիճանի պարապմունքներին