12 տարի առաջ Նալբանդյանի գյուղապետի սպանությունը քաղաքական դրդապատճառ չուներ. որդին նոր բացահայտումներ է ներկայացնում

2006 թվականի դեկտեմբերի 19-ի՝ լույս 20-ի գիշերը Արմավիրի մարզի Նալբանդյանի գյուղապետ Ռոլանդ Մկրտչյանի սպանության գործը վերաբացելու դիմում է ներկայացվել Գլխավոր դատախազություն:

Դիմումը դատախազություն ներկայացվել է թավշյա հեղափոխությունից հետո: Չնայած նրան, որ այս տարիների ընթացքում Մկրտչյանի հարազատները պարբերաբար դիմումներ են գրել՝ խնդրելով բացահայտել սպանության գործը:

Ռոլանդ Մկրտչյանը սպանվել է դեկտեմբերի 19-ի՝ լույս 20-ի գիշերը, ժամը 03:00-ի սահմաններում. ինչ-որ անհայտ անձ տան բակից նրան ձայն է տվել եւ կանչել դուրս: Մկրտչանը դուրս է եկել եւ անծանոթ մեքենայի միջից կրակել են գյուղապետի վրա: Հարազատները չեն հասցրել ֆիքսել ո՛չ մեքենայի մակնիշը, ո՛չ էլ պետհամարանիշը:

Նալբանդյանի գյուղապետի անունը այդ ժամանակ հանրությանը հայտնի դարձավ դեպքից մի քանի ամիս առաջ, երբ նա Նալբանդյանի գյուղապետի ընտրություններում, հանդես գալով որպես «Բարգավաճ Հայաստան» կուսակցության թեկնածու, հաղթել էր Հայաստանի հանրապետական կուսակցությունը ներկայացնող իր հակառակորդին: Գյուղապետի սպանությունը շատերը համարում էին պատվիրված եւ դրդապատճառը համարում քաղաքական: Շատերը խոսում էին, որ այս սպանության ետեւում կանգնած են հենց ՀՀԿ-ականները. բանն այն է, որ Մկրտչյանը սպանվել էր գյուղապետ ընտրվելուց մի քանի ամիս անց:

Այժմ, սակայն, 12 տարվա լռությունից հետո նրա սպանության գործով նոր հանգամանքներ են ի հայտ եկել: Մասնավորապես նրա որդին՝ Նալբանդյանի ներկայիս գյուղապետ Գրիգոր Մկրտչյանը, մեր զրույցում սենսացիոն հայտարարություն արեց. նա նշեց, որ սպանությունը ոչ թե քաղաքական, այլ՝ ֆինանսական հողի վրա է եղել: Ավելին՝ Մկրտչյանին հաջողվել է պարզել թե՛ սպանողին, թե՛ պատվիրատուին եւ թե՛ այն մեքենան, որի միջից հնչել են մահացու կրակոցները: Այս բոլոր փաստերը թավշյա հեղափոխությունից հետո Նալբանդյանի ներկայիս գյուղապետը ներկայացրել է դատախազության աշխատակցին: Մինչ այդ նա դիմում էր գրել թե՛ ՀՀ վարչապետ Նիկոլ Փաշինյանին եւ թե՛ ՀՀ գլխավոր դատախազ Արթուր Դավթյանին: Դատախազին ուղղված դիմում նա, մասնավորապես, նշել է, որ ինքն ամենայն մանրամասնությամբ հետեւել, ուսումնասիրել եւ կուտակել է բավականին փաստեր այն մասին, որ սպանությունը կատարվել է զուտ տնտեսական եւ ֆինանսական հողի վրա: Նա խնդրել է իր հանձնարարականը՝ գործի քննությունն իրականացնելու համար:

Գրիգոր Մկրտչյանի հետ մեր զրույցը ստորեւ.

- Պարոն Մկրտչյան, ձեր դիմումին դատախազությունը պատասխանե՞լ է:

- Պատասխանել են, որ գործն ուղարկել են ՀԿԳ քննության գլխավոր վարչություն, որ զբաղվեն: Տեղեկություն չունենք՝ իրականում զբաղվում են, թե՝ ոչ: Գլխավոր դատախազությունից ինձ կանչեցին բացատրություն վերցնելու. ես իմ բացատրության մեջ հստակ նշել եմ, որ իմ հոր սպանությունը կազմակերպել է այսինչ մարդը, սպանությունը կատարել է այսինչ մեքենայով: Դատախազի օգնականը հարցրեց՝ դուք պնդո՞ւմ եք, որ սպանությունը իրենք են կազմակերպել, ասացի՝ միանշանակ: Դրանից հետո էլ չզանգեցին: Ես համոզված եմ, որ հին կլաններից էլի մնացել են գործի մեջ, որ չեն բացահայտում սպանությունը: Ճիշտ է, ինքը չբացահայտված սպանություն է, բայց եթե մտնեք մեր գյուղ, Նալբանդյանը Մարալիկից էլ մեծ է, դպրոցական երեխաներից մինչեւ ծերերին հարցրեք, բոլորը միանշանակ կասեն, թե ով է սպանել, ամբողջ գյուղը գիտի այդ մասին, մենակ ոստիկանության ականջները չի լսում, թե ով է սպանել: Ոստիկանության բոլոր աշխատակիցներն էլ գիտեն, թե ով է սպանել, ուղղակի Արմավիրից գործը շատ արագ վերցրեցին, որ իբր թե Արմավիրի ոստիկանությունը շատ թույլ է, չի կարող բացահայտել: Տարան միանգամից ծածկադմբոց արեցին պրոֆեսիոնալ ձեւով: Առաջին օրվանից ոստիկաններն իմացել են՝ ով է սպանել, ինչ մեքենայով է եղել եւ այլն:

- Դուք ասացիք, որ հստակ գրել եք՝ ով է սպանել, ինչ մեքենայով, կարո՞ղ եք մանրամասնել, եթե դա չի խոչընդոտի գործի քննությանը:

- Ինձ չի թվում, որ ճիշտ կլինի բացահայտ ասել, հնարավոր է՝ գործին ավելի խանգարի: Ես սպանություն անողների ճակատին ասել եմ, որ դուք եք սպանել ու դրա համար պատասխան եք տալու: Նաեւ ասացի՝ քանի էս երկրում մնացել է ձեր Աղվան հովսեփյանական կլանը, որը բարեկամական կապերի մեջ է ձեր հետ, ուրեմն էս սպանությունը չի բացվի: Դրանից հետո Աղվանին հանին, մյուսն եկավ (խոսքը Գեւորգ Կոստանյանի մասին է,-հեղ.) դա էլ հարսանիքի քավոր էր, էլ էդտեղ անելու բան ես չունեի:

- Պարոն Մկրտչյան, այսինքն՝ սպանություն կատարող անձի թիկունքնում բարձրաստիճան պաշտոնյանե՞ր են կանգնած:

- Միանշանակ, Կոստանյան Գեւորգի հարսանիքի քավորը հենց էդ սպանություն անողի որդին է:

- Սպանությունից հետո գյուղացիները պնդում էին, որ այն պատվիրված է եւ քաղաքական դրդապատճառ ունի եւ նշում էին, որ դրա ետեւում կանգնած է ՀՀԿ-ն: Այնուամենայնիվ, ո՞ւմ կողմից էր պատվիրված սպանությունը, ՀՀԿ-ն առնչություն ունե՞ր, թե՝ ոչ:

- Այլ դրդապատճառ կար սպանության: Հենց այդ ժամանակ սպանություն անողի մյուս որդին (հիմա Գորիսում դատախազ է) եկել էր մեզ մոտ, ներկայանում էր, որ ինքն իբր քննիչ է եւ գործով մարդկանց կանչում էր, սուտ գրավոր ցուցմունքներ էր վերցնում, որ հորը ուղղություն տար, թե որտեղ են ամենա թույլ տեղերը, որ էդ թույլ տեղերի վրա տոչկան դնեին: Սպանություն անողը եկել, մեր կողքը կանգնել էր ու մեզ ասում էր՝ գնացեք Երվանդյան Արմիկի տները հրդեհեք, որը մեր ՀՀԿ-ական նախկին գյուղապետն էր: Մեր կողքը կանգնում էր, ասում էր հանրապետականն է ձեր հորը սպանել: Անձնական հարց են ունեցել՝ չկա մարդը, չկա պրոբլեմը:

- Այսինքն՝ ձեր հայրն ու սպանողը գումարային խնդիրնե՞ր են ունեցել:

- Հողի ու գումարի. Սահակյանշին կազմակերպության հողի առուվաճառք ավազահանքի համար, էդտեղ փողեր էր լվացվել:

- Այսինքն՝ ձեր հայրը դեմ էր, ի՞նչ դերակատարություն ուներ:

- Ես այդ ժամանակ գտնվել եմ Ուկրաինայում, ու ավելի շատ մանրամասն չեմ կարող ասել: Գումարը չեն տվել՝ մարդուն սպանել են, որ չտան գումարը, չկա մարդը՝ չկա պրոբլեմը:

- Սպանողը անկուսակցակա՞ն է:

- Ոչ, Հանրապետական:

- Դուք նույնպես ՀՀԿ-ից եք:

- Թավշյա հեղափոխությունից հետո մտել եմ, դիմում գրել: Ես հասկացել եմ, որ ոչ թե իմ հորը սպանել են հանրապետականները, այլ սպանել է տվյալ մարդը, ես հասկանում եմ, որ կուսակցությունը չի թողել բացահայտել սպանությունը, բայց կարող էր երկրի նախագահը չպատկերացնել, թե ինչ է տեղի ունեցել, չնայած ես նրանց նամակներ ուղարկել եմ, որ հորս սպանել է էսինչ-էսինչ մարդը: Ինձ պատասխանել են, որ դիմումն ուղարկել ենք դատախազություն: Բայց այդտեղ էլ գործը կոծկվեց:

- Պարոն Մկրտչյան, դուք դեպքից որոշ ժամանակ ա՞նց եք բացահայտել սպանության դրդապատճառն ու կատարողին:

- Մոտավորապես մեկ տարի մենք չենք իմացել:

- Տեղեկություններ ունե՞ք՝ սպանություն կատարող անձը Հայաստանո՞ւմ է:

- Այո, աշխատում է բանկերից մեկում:

- Ակնկալիքներ ունե՞ք, որ այսքան տարի անց ձեր հոր սպանության մեղավորները կպատժվեն:

- Մենք Նիկոլ Փաշինյանին հավատում ենք մեր ընտանիքով:

Սույն գործի վերաբերյալ պարզաբանում ենք խնդրել նաեւ դատախազությունից: Մեզ խոստացան հարցին պատասխանել այսօր:

Տպել
7279 դիտում

Թոշակի անցած երկարամյա զինվորականներին մինչև 2022 թ. դեկտեմբերի 1-ը կտրամադրվեն բնակարանի գնման վկայագրեր

Մատուցվող ծառայությունները սոցիալական ապահովության ոլորտում պետք է լինեն մաքսիմալ արժանապատիվ ու որակյալ. վարչապետ

Հայաստանի ամենախոշոր հարկատուն Վարդանյանների ընտանիքին պատկանող «Գրանդ Տոբակո»-ն է․ ՊԵԿ-ը հրապարակել է ցանկը

Մանվել Գրիգորյանի գերազմանը չեն քանդել. պաշտպան

Լոռու մարզում գյուղատնտեսության ոլորտում դեռ խնդիր է ոռոգման ցանցի ու հակակարկտային կայանների բացակայությունը

Բացահայտվել են Երևանում կատարված բնակարանային գողության, գողության փորձի և գողության կատարմանն օժանդակելու դեպքերը. ՔԿ

Սեպտեմբերի վերջին շաբաթ օրը կնշվի որպես ազգային փոքրամասնությունների օր․ ԱԺ-ն առաջին ընթերցմամբ ընդունեց նախագիծը

Հաստատվել են դպրոցի զարգացման ծրագրի մշակման պահանջները և ձևաչափը

Հաշմանդամային սպորտին հատկացվող գումարն ավելի քան եռապատկվել է

Արցախը Հայաստանին կապող միջպետական ավտոճանապարհները դժվարանցանելի են

Արցախում պետությունը գործատուներին կփոխհատուցի վարձու աշխատողների եկամտահարկը

Հայաստանում հաստատվել է կորոնավիրուսի 309 նոր դեպք, առողջացել է 357 քաղաքացի

24-ամյա երիտասարդին մեղադրանք է առաջադրվել առանց տրանսպորտային միջոց վարելու իրավունքի ավտոմեքենա վարելու համար

Հրապարակվել է Դոնալդ Թրամփի հրաժեշտի ելույթը. նա, ի վերջո, ընդունել է Բայդենի հաղթանակը (տեսանյութ)

ԱԺ նիստն ընդմիջվեց. որոշ պատգամավորներ խցանումների պատճառով դեռ ճանապարհին են

Ինչ է պետք տնտեսական ակտիվության միջավայրի վերականգնման համար

Երևան-Մեղրի հատվածում արգելափակվել է 100, իրար բախվել՝ 12 ավտոմեքենա, «ԿամԱԶ»-ը սահել է ձորը

Նոյեմբերյան-Ջուջևան ավտոճանապարհն ու Դիլիջանի ոլորանները փակ են բեռնատարների համար. իրավիճակը ՀՀ ճանապարհներին

Երեւանում եւ 3 մարզի մի շարք հասցեներում մի քանի ժամ լույս չի լինի

Ստեփանծմինդա-Լարս ճանապարհը փակ է մնում բոլոր մեքենաների համար. ռուսական կողմում 730 բեռնատար է սպասում

Թուրքիան վավերացրել է Ադրբեջանի հետ կնքած արտոնյալ առևտրային համաձայնագիրը

Ձյան մեջ մեքենաների արգելափակման 15 ահազանգ է եղել. փրկարարները օգնել են 6 մարդու

ՀՀ տարածքում կան փակ ավտոճանապարհներ․ Սիսիան-«Զանգեր» կոչվող հատվածում կան կուտակված ավտոմեքենաներ

Սարի թաղում ավտոմեքենա է կողաշրջվել

Մեկնարկել են տնօրենի հավաստագրման քննությունները. դիմել է 505 հավակնորդ

Վերին Պտղնի համայնքում ավարտին են մոտեցել համայնքային մանկապարտեզի կառուցման աշխատանքները

Լարսը փակ է. ռուսական կողմում 730 բեռնատար է կուտակվել

Ինչ ծրագրեր կան Երեւանի ամենահին թաղամասերից մեկի՝ Կոնդի հետ կապված․ փոխվարչապետի եւ քաղշինկոմի նախաձեռնությունը

Փրկարարները Ձորագլխի մոտակա սարից 3 մարդու են իջեցրել. 17-ամյա քաղաքացու վիճակը գնահատվում է ծանր

Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Անբարեխիղճ արցախցիները չեն օգտվի կոմունալ ծառայությունների փոխհատուցման աջակցության միջոցառումից

Առաջարկում եմ պարոն Անանյանին հեռացնել իր էջից ստատուսը․ Սերգեյ Բագրատյանն էլ Դավիթ Անանյանի գրառմանն է անդրադարձել

Գյումրիում ցրտահարությունից 70-ամյա կին է մահացել

Մեսրոպ Առաքելյանը ԵՄ դեսպան Անդրեա Վիկտորինի հետ քննարկել է իրականացվող ծրագրերն ու դրանց ընթացքը

Ահա թե ինչ է լինում, երբ... Բագրատյանի հանձնաժողովը խիստ քննադատվեց, նա մեղքը գցեց Անանյանի վրա, Անանյանն էլ, թե՝ սուտ է

Արցախի խորհրդարանի 2021 թվականի ծախսը 2020թ-ի համեմատ աճել է 25 մլն 871 հազ դրամով

Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին

Կրեմլը մեկնաբանել է Նավալնիի հետ կապված իրավիճակը

2021 թվականին սպասվող կարևոր սպորտային իրադարձությունները

ՀՀ պաշտպանության նախարարն ընդունել է ԵԿՄ վարչության անդամներին