Գրպան բառը խորհուրդ եմ տալիս զգույշ օգտագործել. Նիկոլ Փաշինյանը՝ ՀՀԿ-ականներին

Այդ միջազգային չափորոշիչները խնդրում եմ ձեր կայքերում հրապարակեք, թող ձեւակերպված լինի, թե այդ չափորոշիչը որն է: Այսինքն, ՀՀ վարչապետի պաշտոնակատարը ի՞նչ պետք է անի, պետք է սենյակից դուրս չգա՞: «Հին Երեւանի» տարածքում շրջելուց հետո լրագրողների հետ ճեպազրույցում նման կերպ արձագանքեց ՀՀ վարչապետ Նիկոլ Փաշինյանը, երբ լրագրողները հարցրեցին՝ ինչո՞ւ է վարչական լծակներ կիրառում եւ մարզերում քարոզարշավ իրականացնում:

«ՀՀ որեւէ քաղաքացի սահմանափակվա՞ծ է որեւէ օր որեւէ երթ կազմակերպելու համար: Ամսի 17-ին, որ հանրահավաք էինք անում՝ խախտո՞ւմ էր, թե՞ ոչ»,- ասաց նա:

Լրագրողի դիտարկմանը, որ օգոստոսի 17-ին կառավարության 100 օրն էր ամփոփվում, վարչապետն ասաց. «Հիմա էլ հարյուրերորդ օրն աշխատում եմ, ի՞նչ կա: Առաջադրանք՝ բոլոր իրավաբաններին նաեւ՝ ՀՀԿ-ական, եթե որեւէ մեկը գիտի, որ որեւէ մեկը, այդ թվում նաեւ վարչապետը, որեւէ օր սահմանափակված է երթ կամ հանրահավաք անելու... դա իրենց Հայաստանում էր սահմանափակված»:

Անդրադառնալով նոյեմբերի 24-ին Երեւանում կայանալիք մեծ երթին՝ Նիկոլ Փաշինյանն ասաց. «Ես միշտ շփվել եմ ժողովրդի հետ եւ շփվելու եմ: Երթն ունի քայլելու բնույթ: Մենք երթ ենք անելու՝ կարող ենք ընտրական հարցեր քննարկել կամ չքննարկել: Հերիք է, որ ՀՀ-ում խոսեն առանց հիմնավորումների: Դուք ուզում եք ինձ արգելե՞լ: Ես ՀՀ բոլոր քաղաքացիներին հորդորում եմ քվեարկել «Իմ քայլը» դաշինքի օգտին, հիմա վարչական լծակ կիրառեցի՞»:

Նիկոլ Փաշինյանը երթի հետ կապված մանրամասներ չփոխանցեց, միայն ասաց, ոչ իրենք սովոր են երկար ճանապարհներ անցնելուն, դրա համար այդքան երկար են Երեւանում քայլելու:

Նիկոլ Փաշինյանը հայտարարեց, որ նոյեմբերի 26-ից արձակուրդ չի գնալու, քանի որ Ընտրական օրենսգիրքը նման պահանջ չի դնում: «Իմ նախընտրական քարոզչությունը սկսվել է 2007 թվականից եւ չի ավարտվելու այնքան ժամանակ, քանի դեռ ես զբաղվում եմ քաղաքական գործունեությամբ»:

Նիկոլ Փաշինյանն, անդրադառնալով «Հայաստան» համահայկական հիմնադրամի ամենամյա՝ 21-րդ հեռուստամարաթոնին, որի շրջանակներում նվիրաբերվել է 11 միլիոն 109 հազար 633 դոլար, իսկ նախորդ տարի մեկ միլիոն դոլարով շատ եւ պատասխանելով հարցին, թե ինչու է այս տարի նվիրատվությունը քիչ եղել, եթե իշխանություններին վստահել են, պատասխանեց «Նորմալ ցուցանիշ է, անցումային փուլ է: Պետք է հասկանաք «Հայաստան» համահայկական հիմնադրամի դերը, անելիքները, փոփոխությունները»:

Լրագրողներից մեկը հետաքրքրվեց՝ ՀՀԿ-ականներն ասում են, որ ՔՊ-ականների կողմից ուղղորդված արշավ է սկսվել, քաղաքացիները վախենում են ՀՀԿ գրասենյակներ մտնել: «ՀՀԿ-ն 20 տարի այնքան բան է արել, որ փողոցով անգամ չկարողանա քայլել»:

Նիկոլ Փաշինյանը նշեց, որ «Իմ քայլը» դաշինքից զատ բոլորը կարող են հավակնել ընդդիմության տեղի համար: ՀՀԿ-ականների այն հայտարարություններին էլ, որ բոլորը գրպանային ընդդիմություն են, բացի իրենցից, Փաշինյանն ասաց. «Գրպան բառը խորհուրդ եմ տալիս զգույշ օգտագործել»:

Նիկոլ Փաշինյանը հայտարարեց, որ քարոզարշավը սկսելու են Գյումրիից, իսկ ինչ վերաբերվում է «Նիկոլ վարչապետ» կարգախոսին, որը լինելու էր նաեւ դաշինքի կարգախոսը, բայց չեղավ, վարչապետը մեկնաբանեց. «Այս ընտրությունները վարչապետի ընտրություններ են եւ կարող են լինել վարչապետի թեկնածուների մասին կարգախոսներ»:

Տպել
2645 դիտում

Արցախում հակառակորդի ինքնաթիռ է խոցվել

Կեսօրից հետո լայնածավալ հարձակում է սկսվել նաև Մռավի ուղղությամբ. Արայիկ Հարությունյան

Ադրբեջանական զինուժը շարունակում է թիրախավորել Արցախի հայկական գյուղերն ու քաղաքները. վարչապետ

Էդգար Մանուչարյանը կմեկնի Արցախ

Մարտունիի բնակիչները մտադիր չեն հեռանալ Արցախից

Կոնգրեսական Բրեդ Շերմանն ԱՄՆ-ին կոչ է արել դադարեցնել ռազմական օգնության տրամադրումն Ադրբեջանին

46 զինծառայող հետմահու պարգևատրվել է «Մարտական ծառայություն» մեդալով

Զոհրաբ Մնացականյանը հանդիպել է Հայաստանում հավատարմագրված դիվանագիտական ներկայացուցչությունների ղեկավարների հետ

Հերթեր՝ Արցախին դեղորայք, սնունդ, հագուստ հասցնելու համար. մարդիկ նույն ցուցակը ձեռքներին մտնում են դեղատներ

Հակառակորդը նոր հարձակման ընթացքում կորցրել է 22 տանկ, 10 այլ զրահատեխնիկա, ավելի քան 370 զինվորական. Հովհաննիսյան

Ադրբեջանի քաղաքական էլիտան, ոչ ժողովուրդը, նենգաբար խախտեց զինադադարը, հրահրեց պատերազմ. Պարգև արքեպիսկոպոս Մարտիրոսյան

«Հայաստանի Արծիվների» փայլուն հաղթանակը Pro Chess League-ի մրցաշարի եզրափակչում

ՊՆ-ն հայատարարությունը՝ նվիրատվությունների գործընթացը կանոնակարգելու և տեղեկություններ ճշտելու վերաբերյալ

Կանխվել է քաղաքացու ինքնասպանության փորձը. ԱԻՆ

Ադրբեջանի գործողությունները Ժնևի կոնվենցիայի լուրջ խախտում են և համարվում են պատերազմական հանցագործություններ. ԱՀ ԱԳՆ

Սահման մեկնելու իրենց հերթին են սպասում 12 տարեկան տղաներից մինչև տարեցները, գյումրեցի ուսանողուհիներն ու կանայք

Այս պատերազմին խառնվել է Թուրքիան, և աշխատում է Ադրբեջան-Թուրքիա տանդեմը՝ առաջնագծի ամբողջ երկայնքով. ԱՀ ԱԺ նախագահ

Ֆուտբոլային հանդիպումները կսկսվեն լռության րոպեով, իսկ մասնակից թիմերի ֆուտբոլիստները կկրեն սև ժապավեններ. ՀՖՖ

«Մենք ենք, մեր սահմանները. բոլորս Արցախի համար» դրամահավաքի շրջանակներում հավաքագրվել է ավելի քան 1 մլն 400 հզ դոլար

Ցանկանում ենք գնալ մեր հայրենակիցներին օգնելու. Ջավախքում Արցախին օգնելու եւ ՀՀ սահմանը հատելու ուղիներ են քննարկվում