Արեւիկի դպրոցի դեպքով նշանակվել է դատաբժշկական փորձաքննություն

Երեկ՝ նոյեմբերի 27-ին, Արեւիկի դպրոցում կատարված դեպքի մասին այսօր արդեն համայնքի վարչական ղեկավարն ու տնօրենն ավելի ազատ ու բաց են խոսում: Հիշեցնենք, որ երեկ ՀԺ-ն տեղեկացրել էր, որ Շիրակի մարզի Արևեւիկ գյուղի դպրոցի 7 տարեկան 2 աշակերտուհիներ՝ Մանե Նռանյանն ու Սյուզի Ավետիսյանն ընկել էին դպրոցի երկրորդ հարկից եւ տեղափոխվել Գյումրու Ավստրիական մանկական հիվանդանոց:  

Արեւիկի վարչական պատասխանատու Վարդգես Մելքոնյանն այսօր ՀԺ-ի հետ զրույցում մեկ անգամ եւս հավաստեց, որ դեպքն իսկապես տեղի է ունեցել դպրոցում. դասերից հետո երկու ընկերուհիները՝ Մանե Նռանյանն ու Սյուզի Ավետիսյանը դասղեկի հանձնարարությամբ դասերից հետո մնացել են, որ դասարանի ծաղիկները ջրեն:

«Էդ ընթացքում բանալին եղել է դռան վրա, դասվարի երեխեն հիվանդ է եղել, 1 տարեկան երեխա է, զանգել, կանչել են տնից, թույլտվություն վերցրել, շտապ տուն է գնացել, տնօրենն էլ տեղում չի եղել, հանձնաժողովի անդամ է եղել ընտրական: Երեխեքը ջրել են, մյուսները, մեծերը էլի եկել, ինչ-որ խանգարել են, իրանք էլ տեսել որ, բալնիքը սեղանի վրեն է, փակել են ներսից դուռը, ու էլ չեն կարողացել բացեն: Ու ըդպես մնացել են դասարանի մեջը: Տեսել են, որ էլ չեն կարող բացեն, խելոք սկսել են դաս կարդալ, գրավոր ենել, մինչեւ տեսնին, թե ով գուկա, որ բացե: Պահակն էլ եկել, նայել է, որ մարդ չկա դպրոցում, փակել դուռը գնացել է տուն: Երեխեքն ահագին ժամանակ, մի երկու ժամ սպասել են, հետո վախեցել են, երեւի մտածել են, թե մնալու են ներսում ու հասկացել, որ դուռը բացող չկա, իրենց լսող չկա, կախվել են պատուհանից ու ընկել են երկրորդ հարկից»,-պատմեց Արեւիկի վարչական ղեկավարը:

Նույնը պատմեց նաեւ դպրոցի տնօրեն Հակոբ Թորոյանը: Նաեւ ավելացրեց, որ երեխաները ոչ ձայն են հանել, ոչ աղմկել, դրա համար նույնիսկ պահակը չի իմացել, որ ներսում մարդ կա: «Եկել ստուգել է տարրական դասարանները, դուռը փակ է եղել, ձայն էլ չեն հանել: Հետո էլ երեխաները թռել են, բանալիներն էլ հետները վերցրել են»:

Երեխաները տուն չեն գնացել մինչեւ ժամը 15:00-ն: Ինչու՞ ծնողները չեն անհանգստացել, երբ երեխաները տուն չեն գնացել ժամանակին՝ ՀԺ-ի հարցին վարչական ղեկավարը պատասխանեց, թե բնական է, որ երեխաները կարող էին ուշ հասնել տուն: «Մեր դպրոցը շատ հեռվում է գտնվում, գյուղից համարյա 2 կմ հեռու է, երեխեքը դասերից հետո դուրս գուկան, իրար հետ խոսալով, խաղալով տուն գուկան: Ու ուշանալը ըդպես վտանգավոր չէ, էլի: Բայց ասեմ, որ նախքան լուսամուտից ընկնելը աղջիկները լուսամուտը բացել, գոռացել են, բայց դե տարածքում ոչ տուն կա, ոչ մարդ, որ իրանց լսեր»:

Վարդգես Մելքոնյանը նաեւ պատմեց, որ երբ աղջիկներն ընկել են պատուհանից, նրանց հենց այդպես ընկած ժամանակ պատահական դպրոցի մոտ գտնվող գյուղացիներից մեկն է տեսել: Արագ զանգել են դպրոցի տնօրենին, վերջինս էլ իր մեքենայով է երեխաներին տեղափոխել է հիվանդանոց:

ՇՄ Կրթության, մշակույթի եւ սպորտի վարչության պետ Հրայր Կարապետյանը ՀԺ-ին ասաց, որ դասղեկն ու փոխտնօրենը կստանան խիստ նկատողություն, տնօրենի հարցը կքննակվի առաջիկայում:

ՀՀ Ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանի փոխանցմամբ, դեպքի մասին ահազանգ ոստիկանությունը ստացել է նոյեմբերի 27-ին, ժամը 19:15-ին: Զանգը եղել է ավստրիական հիվանդանոցից այն մասին, որ իրենց մոտ է տեղափոխվել 2011 թվականին ծնված երեխա՝ կոտրվածքներով: Նշանակվել է դատաբժշկական փորձաքննություն: Քննություն է կատարվում՝ դեպքի մանրամասները ճշտելու ուղղությամբ:

Տպել
1435 դիտում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա