«Ինչո՞ւ եք այդքան ագրեսիվ»․ Քոչարյանին զվարճացրին լրագրողների հարցերը

Ռոբերտ Քոչարյանն այսօր մասնակցում էր «Լազարեւյան ակումբի»՝ Երեւանում կայացած առաջին լիագումար նիստին։

Քոչարյանն իր ելույթում հույս հայտնեց, որ քննարկումների այս հարթակը կդառնա ոչ միայն բարի ընկերների հանդիպման վայր, այլեւ նոր գաղափարների հավաքագրման ու արդյունավետ նախագծերի ստեղծման համար տարածք՝ ուղղված հայ-ռուսական հարաբերությունների եւ հայ ու ռուս ժողովուրդների բարեկամության ամրապնդմանը․

«Պետք է յուրահատուկ շնորհակալություն հայտնեմ Կոնստանտին Զատուլինին՝ Լազարեւյան ակումբի ստեղծման գործում նրա ջանքերի համար»,- ասաց Քոչարյանը։ Նա նաեւ նշեց, որ մի քանի ամիս առաջ իրենց հանդիպումներից մեկի ժամանակ քննարկել են իր այս գաղափարը, եւ ինքը պատրաստակամություն է հայտնել՝ օգնություն ցուցաբերել այս ակումբի կայացման համար:

Քոչարյանը, խոսելով հայ-ռուսական հարաբերություններից, ասաց, թե այս անհանգիստ ժամանակներում Հայաստանի եւ հայության համար ավանդական աշխարհաքաղաքական առաջնահերթությունները փոխելու ուղղակի կամ անուղղակի կոչերը, եթե նույնիսկ կյանքի չեն կոչվում, ամեն դեպքում զգալի սպառնալիք են հանդիսանում․

«Ցանկացած բարեկամություն ջանքեր է պահանջում, առնվազն մեր էներգիայի, ժամանակի եւ էմոցիաների կարիքն ունի: Հիշենք, թե բոլորս մեր կյանքում որքան ընկերներ ենք կորցրել միայն այն պատճառով, որ բավականաչափ ջանք չենք գործադրել նրանց պահպանելու համար: Ընկերությունը դադարում է, երբ կասկածներ են առաջանում անկեղծության եւ ընկերոջ մտադրությունների վերաբերյալ, եւ երբ կողմերից մեկը ձգտում է ստանալ ավելին, քան պատրաստ է տալ: Դժվար է ընկերություն անել միշտ խնդրողների եւ նվնվացողների հետ»,-նշեց Քոչարյանը՝ նկատի ունենալով նաեւ միջպետական հարաբերությունները: Վերջինս ասաց, որ պետությունների միջեւ բարեկամական հարաբերությունները միայն շահերի համընկնման հետ չեն կապված, դրանք պետական շահերի եւ մարդկային գործոնի սինթեզ են նաեւ։

Քոչարյանը ասաց, որ չի կարող գտնել այլ երկրների օրինակներ, որոնց մոտ այդքան ուժեղ համադրվում են այս գործոնները, ինչպես Հայաստանի եւ Ռուսաստանի մոտ է՝ հավելելով, որ այս հարաբերությունները մենք ժառանգել ենք եւ ամենօրյա ջանք պետք է ներդնենք՝ դրանք պահպանելու եւ զարգացնելու համար։

Վերջում Քոչարյանն իր գրքի օրինակներից մեկը նվիրեց ՌԴ Պետդումայի ԱՊՀ հարցերով, եվրասիական ինտեգրման եւ հայրենակիցների հետ կապերի հանձնաժողովի աոաջին փոխնախագահ, ԱՊՀ երկրների ինստիտուտի ղեկավար Կոնստանտին Զատուլինին։

Քոչարյանի այս ելույթը հատկապես դուր եկավ նիստին ներկա Արտաշես Գեղամյանին, որն ամբողջ ընթացքում դեմքի հիացական արտահայտությամբ ուշի ուշով լսում էր Քոչարյանի ելույթը եւ ըմբոշխնում նրա ասած յուրաքանչյուր բառը։

Նիստի վերջում, երբ Քոչարյանը դուրս էր գալիս դահլիճից, «Հայկական ժամանակ»-ը հարց ուղղեց վերջինիս․ «Դուք պարբերաբար խոսում եք արդարությունից, այդ դեպքում ինչպես է ստացվել, որ մարտիմեկյան դեպքերի ժամանակ զոհվածներին սպանողներից որեւէ մեկը մինչ օրս չի դատապարտվել, այնինչ հարյուրից ավելի անզեն ու խաղաղ ցուցարարներ պատասխանատվության են ենթարկվել»։ Քոչարյանը քմծիծաղ տվեց ու լրագրողների որեւէ հարցի չպատասխանելով, վերջիններիս հրմշտելով՝ թիկնապահների ուղեկցությամբ դուրս եկավ դահլիճից։ Քոչարյանը բարձր ծիծաղեց լրագրողների մի շարք հարցերից եւ դեմքի զվարճալի արտահայտությամբ վերելակի փակվող դռների հետեւից ասաց՝ «ինչու՞ եք այդքան ագրեսիվ»։

Տպել
8441 դիտում

2 մեդալով. Հունահռոմեական ոճի ըմբիշները վերադաձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը

Հույս ունեմ՝ վերջում չի պարզվի, որ նորից ՇՄԱԳ պետք է անենք, նոր մաքսատունը բացենք. վարչապետը կատակեց

Հայրենակիցներին կոչ եմ անում ակտիվ մասնակցել, քանի որ սա կարեւոր միջոցառում է. վարչապետ

Հայկական ԱԷԿ-ը կարող է հանգիստ աշխատել մինչև 2026 թվականը. Վլադիմիր Բրեդով

Վանաձորում քիչ առաջ կրակոցներ են հնչել. մեկ անձ վիրավորվել է

Համակարգի շնորհիվ կապահովվի երեխայի սահուն անցումը նախադպրոցական համակարգից դպրոցական համակարգ. Արայիկ Հարությունյան

Կառավարությունը 168 մլն դրամ հատկացրեց մարզերում ջրամատակարարման համակարգերի վերակառուցում իրականացնելու համար

Կառավարությունը գումար հատկացրեց Արարատի եւ Արմավիրի մարզերում 97 հորերի կոնսերվացման եւ 8 հորերի լուծարման նպատակով

2019-ի դրությամբ Հայաստանից ոչխարի մսի ու կենդանիների արտահանման ծավալների աճ է գրանցվել. փոխնախարար

Ռեջեփ Թայիբ Էրդողանը հոկտեմբերին կայցելի Ադրբեջան

ԱՄՆ-ի կոնգրեսականները Հայաստան այցի շրջանակներում որոշել են այցելել նաեւ Ղարաբաղ

Քիչ առաջ ձերբակալվել է Հրայր Թովմասյանի սանիկը՝ ԱԺ վարչատնտեսական վարչության բաժնի պետը

Եթովպիայում ամենամոտ ժամկետներում ՀՀ դեսպանություն կբացվի. Զոհրաբ Մնացականյան

Եվրոպայի չեմպիոն Արսեն Հարությունյանը հաղթանակով սկսեց ըմբշամարտի աշխարհի առաջնությունը

Վլադիմիր Գասպարյանի փաստաբանը միջնորդություն է ներկայացրել գլխավոր դատախազին քրեական հետապնդումը դադարեցնելու մասին

Կաշառք ստանալու և պաշտոնեական դիրքը չարաշահելու կասկածանքով ձերբակալվել է «Վանաձոր» ՔԿՀ նախկին պետը. ՀՔԾ

Իսրայելում ՀՀ դեսպանության ստեղծումը կնպաստի երկկողմ հարաբերությունների խորացմանը. ԱԳ նախարար

Հեղինակները դեռ չեն հայտնում՝ երբ Կարին Հովհաննիսյանի «Ես մենակ չեմ» ֆիլմը հասանելի կլինի ՀՀ հանդիսատեսին

Հոկտեմբերի 11-ին նախատեսված է Գյումրու ավտոմաքսատան բացումը. ՊԵԿ