Այս ընտրություններին արժե բոլոր բայղուշներին դուրս շպրտել քաղաքական դաշտից. Նիկոլ Փաշինյան

Մեղրիում «Իմ քայլը» դաշինքի առաջնորդ Նիկոլ Փաշինյանը ելույթն սկսեց երեկ ՏՏ ոլորտում համաշխարհային ներդրման համար ՀՀ պետական մրցանակի դափնեկիր, «Նեյշնլ Ինսթրումենթս» ընկերության համահիմնադիր Ջեյմս Թրուշարդի հետ զրույցից մանրամասներ ներկայացնելով: «Այդ մարդը միլիարդատեր է, ըստ որոշ գնահատականների նրա կապիտալը գնահատվել է 4.5 միլիարդ դոլար: Նա  իր գործունեությունը սկսել է երկու ընկերների հետ մի փոքրիկ ընկերություն սստեղծելով: Երեկ այդ մրցանակաբաշխությունից հետո պաշտոնական ընթրիք տեղի ունեցավ: Հարց ուղղեցի՝ որպես պաշտոնակատար ուզում եմ իմանալ ինչ ներդրում ունի ԱՄՆ կառավարությունը ձեր հաջողությունների մեջ:  Նա տվեց ինձ համար ամենակաեւոը պատասխանը, ասաց, որ միակ բանը, որ արել է՝ իմ կրթության համար պայմաններ ստեղծելն է, «չլիներ այն դպրոցը, որում ես սովորել եմ, ես կմնայի մեր ֆերմայում»»,- զրույցից մանրամասներ ներկայացրեց Փաշինյանը:

Ջեյմս Թրուշարդի պատասխանից Նիկոլ Փաշինյանը հասկացել է, որ ինքը եւ իր թիմը ճիշտ ուղու վրա են, ճիշտ ուղղությամբ ենք մտածում : Նրա խոսքով՝ «Իմ քայլ»-ի նախընտական ծրագրի կարեւոր դրույթներից մեկը քաղաքացիների համար պատշաճ կրթություն ապահովելն է, որպեսզի չորս տարեկանից սկսած երեխաները ընդգրկվեն կրթական համակարգում: Վարչապետի պաշտոնակատարը նշեց, որ Մեղրիում այդ ծրագիրն ավելի խորքային է իրականացվելու. «Խոսքը  Մեղրիի մանկապարտեզի կապիտալ վերանորոգման մասին է: Այդ ծրագիրը ընթանում է բնականոն հունով, ըստ էության ֆինանսավորումը կա, այդ ֆինանսավորումն իրականացնելու է «Իմ քայլը» հիմնադրամը, որին նվիրատվություն է արել մի գործարար: Ինչպես քաղաքապետն ասաց, այդ մանկապարտեզի կապիտալ նորոգումից հետո երեք տարեկանից սկսած երեխաները հնարավորություն կունենան հաճախել մանկապարտեզ»,- ասաց վարչապետի պաշտոնակատարը:

Վերջինս վստահեցրեց, որ կրթական համակարգում շատ կարեւոր բարեփոխումներ են սպասվում: «Ուզում եմ՝ մենք բոլորս մեր կրթական համակարգի նկատմամբ մեր վերաբերմունքը փոխենք, որովհետեւ ցավոք երբեմն կրթական համակարգի նկատմամբ մեր վերաբերմունքը ֆորմալ է, հաճախ նայում ենք մեր երեխայի օրագրին, թե ինչ գնահատականներ են էնտեղ, եթե բարձր գնահատականներ են մենք գոհ ենք, ցածր են՝ մենք դժգոհ ենք եւ երբեմն մենք դպորցների եւ ուսուցիչների հետ աշխատում ենք, որպեսզի գնահատականը բարձրանա: Սա թվում է, թե նորմալ է, բայց ֆորմալ է, որովհետեւ մենք հարց չենք տալիս՝ մեր երեխայի գնահատականը ինչքանով է համապատախանում նրա ստացած գիտելիքին, մենք ինչի՞ ենք պատրաստում նրան՝ ապրել կոռումպացված մի միջավայրում որտեղ ամեն ինչ խնամի-ծանոթո՞վ է, թե մենք նրան պատրաստում ենք անհատական հաղթանակների: Մեր հեղափոխությունը շատ կարեւորագույն անելիք ունի հենց կրթության ոլորտում: Որպես հանրություն պիտի չհանդուրժենք անորակ կրթությունը, անորակ մասնագետների ներկայությունը կրթական համակարգում, անորակ մասնագետները նաեւ կոտրում են որակյալ մասնագետներին: Պետք է մեր երեխաներին ապահովենք այնպիսի կրթությամբ, որ նա հետագա կյանքում հաղթելու հաղթանակներ տանելու տանելու հնարավորություն ունենան: Մեր հեղափոխության կարեւոր մասնակիցների մեկը եղել են դպրոցականները ...իհարկե մենք պետք է մեր ուսուցիչների վճարման մակարդակը բարձրացնենք»,- ասաց վարչապետի պաշտոնակատարը:

Նրա խոսքով՝ ՀՀ-ում տեղի է ունենում տնտեսության տրանսֆորմացիայի գործընթաց:

«Նախկին տնտեսական մեր աճերը կառուցված էին հետեւյալի վրա՝ հանքաարդունաբերություն, այսինքն՝ ընդերքը քանդում եւ արտահանում էինք, երկրորդը՝ խաղադրույքներ եւ երրորդը գյուղատնտեսություն։ Մենք ասել ենք, որ Հայաստանը ցանկանում ենք դարձնել տեխնոլոգիական-արդյունաբերական երկիր։ Շատերը մեզ ասում են՝ գյուղատնտեսության դեմ եք, մենք ոնց կարող ենք գյուղատնտեսությանը դեմ լինել, մենք ասում ենք՝ գյուղատնտեսությունը պետք է լինի առավել արդյունավետ։ Դրա համար ստեղծվել են շատ լավ նախապայմաններ: Այս տարի ՀՀ-ից արտահանվել է 80 միլիոն դոլարի բուսական ծագման մթերք, նախորդ ամբողջ տարի արտահանվել է 49 միլիոն դոլարի, այսինքն այս տարվա 10 ամիսների տվյալները գերազանցում են նախորդ տարվա տվյալները 61 տոկոսով։ Այս տարվա 10 ամիսներին մանածագործական իրերի արտահանումը կազմել է 200 մլն դոլար, նախորդ տարվա համեմատ աճը 75 տոկոս է: Այսինքն՝ տեքստիլ ոլորտի արտահանումն աճում է: Սա նշանակում է, որ տեքստիլ ոլորտում, այս տարի հարյուրավոր նոր աշխատատեղեր են բացվել:

«Եվ ես սա ասում եմ՝ ցույց տալու համար, որ բոլոր բայղուշություններին ուշադրություն չդարձնեք: Եվ ընդհանրապես այս ընտրություններին արժե բոլոր բայղուշներին դուրս շպրտել քաղաքական դաշտից, որպեսզի իրենք իրենց բայղուշությանը վերջ տան»,- հայտարարեց Փաշինյանը:

Նրա խոսքով՝ այս ընտրություններից սկսած այլեւս ոչ մի ձայն չի կեղծվելու, ոչ մի քվեաթերթիկ չի գողացվելու․«Ես նախկինում էլ միշտ փորձել եմ համոզել,  որ ձեր մեկ ձայնը ամենավճռորոշ գործոնն է, որ կարող է տեղի ունենալ։ Հասկանում եմ կար մի ժամանակ եւ ես գիտեմ, թե ինչու, որ դուք էդքան էլ վստահ չէիք դրանում, բայց ես հույս ունեմ, որ ինչքան էն ժամանակ վստահ չէիք, հիմա եռակի-քառակի վստահ եք, որ ամեն ինչ հենց այդպես էլ կա։ Մենք երբեք կառչած չենք մնալու իշխանությունից, երբեք ատամներով եւ եղունգներով չենք պահելու իշխանությունը։ Մենք հասկանում ենք, որ իշխանությունը մերը չէ, ձերն է»,- հայտարարեց Փաշինյանը:

Տպել
1935 դիտում

Հայաստան է այցելել ԱՄՆ Կանզաս նահանգի ազգային գվարդիայի պատվիրակությունը

Տիգրան Մանսուրյանի 80-ամյա հոբելյանին նվիրված «Մաեստրո Մանսուրյան» խորագրով համերգաշար կանցկացվի Երևանում

Դժվար է 37-ում շարունակել լինել ինքնուրույն ու մնալ միայնակ` չգնալով կոմպրոմիսի. Նազենի Հովհաննիսյան

Կոտայքում մեքենան ընկել է ձորը. հայտնաբերվել է ուղեւորներից մեկի՝ ՌԴ քաղաքացու մոխրացած դին

Ունենք ոստիկանություն, որը գործում է քաղաքական նպատակահարմարության սկզբունքից ելնելով․ Միքայել Նահապետյան

ԱԻ նախարարն արտահերթ նիստ է հրավիրել. հրդեհների թիվը կտրուկ աճել է

Արթուր Գրիգորյանն ու Հայկ Մարտիրոսյանը ֆեյսբուքյան գրառումների վերաբերյալ բացատրություն են տվել. դատախազություն

Երկու երիտասարդի դանակահարության դեպքը բացահայտվել է. 32-ամյա տղամարդը խոստովանել է

Սեբաստիայի Սբ. Գևորգ հայկական եկեղեցու վերակառուցման աշխատանքներ են նախատեսվում

Սյունիքում մոտ 10 հա բուսածածկույթ է հրդեհվել. տեղում աշխատում է 30 հրշեջ-փրկարար, 10 քաղաքացի

Իսահակյան փողոցի՝ Մաշտոց-Բաղրամյան պողոտաների միջև ընկած հատվածը վաղը փակ կլինի

Գեղարքունիքի Ծովակ գյուղում առանձնապես խոշոր չափերի յուրացման դեպք է բացահայտվել. վնասը՝ 18,4 մլն դրամ

Ադրբեջանում հայտնաբերվել է մոտ մեկ ամիս առաջ կործանված ՄիԳ-29-ի օդաչուի մարմինը

Ամեն օր սովորել և ինքնազարգանալ. «Քայլ դեպի տուն» ծրագրի հյուրն էր Մխիթար Հայրապետյանը

Հրշեջ-փրկարարները մարել են ավտոմեքենայում բռնկված հրդեհը

Ոչ շտապբուժօգնությանը վերաբերող կանչերը պետք է ուղղորդվեն դեպի պոլիկլինիկաներ. Արսեն Թորոսյան

Բակո Սահակյանը հանդիպել է ԵԱՀԿ գործող նախագահի անձնական ներկայացուցչի հետ

Գյումրիի բնակարաններից մեկում հայտնաբերվել է բնակչի դին

Հայաստանում Սիբիրյան խոցի դեպք է արձանագրվել. վարակվել է Գեղհովիտ համայնքի 2 բնակիչ

ՊԵԿ-ի դիմաց բողոքի ցույց իրականացրած քաղաքացու ապրանքը չի մաքսազերծվել, քրգործ է հարուցվել. ՊԵԿ