Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Դեկտեմբերի 6-ի կառավարության նիստում հաստատվեց այն որոշումը, որով աջ ղեկով ավտոմեքենաները Հայաստան կարող են ներկրվել մինչեւ 2019թ-ի մարտի 1-ը։

Նախագծի համաձայն` ավտոմեքենա ներմուծողը առավելագույնը մինչեւ 6-ամսյա ժամկետում պարտավոր է աջակողմյան ղեկային համակարգը փոխարինել ձախակողմյանով։ Դրանից հետո միայն նա մաքսազերծելու, ՀՀ ոստիկանությունում հաշվառելու եւ շահագործելու հնարավորություն կստանա:

Իսկ ահա 2020 թվականի հունվարի 1-ից ԵԱՏՄ բոլոր երկրների համար արգելք է գործում աջ ղեկով ավտոմեքենաների ներկրման համար։ «Անվավոր տրանսպորտային միջոցների անվտանգության մասին» Մաքսային միության տեխնիկական կանոնակարգի համաձայն`մինչեւ 2020 թվականը ԵԱՏՄ բոլոր երկրներում աջ ղեկով ավտոմեքենաների ներկրումը պետք է արգելվի:

Սակայն այս որոշումը ամենեւին էլ աջ ղեկով մեքենա ներկրողների «սրտով» չէ: «Ղեկը աջ» նախաձեռնության անդամները պատրաստվում են վերսկսել բողոքի ցույցերը, եթե Հայաստանի իշխանությունը բոլորի համար ընդունելի որոշում չկայացնի։

Այս նախաձեռնության ավելի քան 100 անդամները կտրականապես դեմ են ՀՀ կառավարության` դեկտեմբերի 6–ին ընդունած որոշմանը: Նրանք մեքենաների ղեկը փոխելն անհեթեթություն են համարում, որովհետեւ դրանից հետո այդ մեքենաները վտանգավոր են դառնում՝ իրենց խոսքով:

Նախաձեռնության ներկայացուցիչները նշում են, որ եթե իշխանությունը չվերանայի որոշումը, իրենք նորից բողոքի ակցիա կանցկացնեն ու կփակեն «Բագրատաշեն» անցակետը:

«Կոնսենսուս կարող էր լինել հենց այս տարբերակի պարագայում` ներկրել եւ մեքենայի ղեկը տեղափոխելու, բայց ինչպես տեսնում եք՝ չեղավ»,- այս մասին ՀԺ-ի հետ զրույցում ասաց ՀՀ տրանսպորտի, կապի եւ տեղեկատվական տեխնոլոգիաների փոխնախարար Արմեն Փամբուխչյանը:

- Պարոն Փամբուխչյան, տեղյա՞կ եք, որ «Ղեկը աջ» նախաձեռնության անդամները դարձյալ բողոքի ակցիաներ են պատրաստվում իրականացնել:

- Այո:

- Ստացվում է, որ կառավարության դեկտեմբերի 6-ին ընդունած որոշումն իրենց չի գոհացրել: Ի՞նչ  քայլեր է պատրաստվում տրանսպորտի նախարարությունը ձեռնարկել:

- Տրանսպորտի նախարարությունը ձեռնարկել է այն՝ ինչ կարողացել է ձեռնարկել: Այսինքն` կառավարության որոշման փոփոխությունը ներկայացրել է: «Ղեկը աջ» նախաձեռնության անդամները նաեւ 1600 VIN կոդերի համար են հանձնել վարչապետի օգնականին: Ներկայացնելով, որ դա է ամբողջ ցանկը, այսինքն այդ մեքենաներն են, որ պետք է ուղիղ ներկրվեն: Հիմա մենք սպասում ենք նաեւ օգնականը ներկայացնի, որ մենք հասկանանք՝ ինչ ենք անում:

Մենք մեր մասով ամբողջը արել ենք եւ ներկայացրել ենք «Ղեկը աջ» նախաձեռնությանը, որ իրենց ասած տարբերակով` ուղիղ ճանապարհով ներկրումը ուղղակի անհնար է, այսինքն, որ մեքենան ներկրվի եւ ստանա աջ ղեկով պետական գրանցում:

- «Ղեկը աջ» նախաձեռնության անդամները անընդհատ այն հարցն են առաջ քաշում, որ աջ ղեկից ձախ վերասարքավորումը շատ ավելի վտանգավոր է լինելու մեքենայի համար, քան հենց աջ ղեկով վարելը:

- Ես ուզում եմ ասել, որ մինչ այս  ապրիլի 1-ից հետո նույն նախաձեռնության անդամների կողմից Հայաստան մեքենաներ են ներկրվել: Մինչ ներկրվելը` Վրաստանի տարածքում ղեկային համակարգ է փոխվել աջից՝ ձախ: Այո, այդ վտանգավորությունը կա, բայց այդ վտանգավորությունը ինչ-որ տեղ կիրառվել է ապրիլի 1-ից հետո, երբ աջ ղեկ մեքենաները արգելվել են: Այսինքն, պրակտիկորեն այդ նախաձեռնության անդամները դրանք արդեն կիրառել են:

- Կառավարությունը կարծես թե առաջարկեց այն հնարավոր տարբերակները, որը հարցը հնարավորինս մեղմում էր, սակայն նախաձեռնության անդամներին դա չի բավարարում: Ո՞րն է լինելու այստեղ կոնսենսուսային տարբերակը:

- Կոնսենսուս կարող էր լինել հենց այս տարբերակի պարագայում` ներկրել եւ մեքենայի ղեկը տեղափոխել, բայց ինչպես տեսնում եք՝ չեղավ:

- Ի՞նչ եք կարծում, արդյո՞ք նախաձեռնության անդամները փորձում են բողոքների միջոցով հարցը տանել նրան, որ կառավարությունը հանրային որոշակի ճնշման տակ օրենքը չեղարկի:

- Անկեղծ չեմ ուզի քաղաքական գնահատական տալ այս պրոցեսներին, որովհետեւ այս ամենին մոտենում եմ որպես գործադիրի անդամ: Ես զերծ կմնամ այդ հարցին պատասխանելուց: Ուղղակի մի բան կարող եմ ասել, եթե կա արգելող օրենք ես կարծում եմ, որ այդ օրենքի արգելքի դեմ ցանկացած գործողություն մի փոքր անհասկանալի է լինում: Ընդ որում, որ այդ օրենքը կա, գործում է: Այլ է հարցը, որ այդ մարդիկ քննարկեն այդ օրենքի ճիշտ եւ սխալ լինելը` հետագայի համար, կամ հետագայում փոխելու համար: Բայց գիտեք, որ հետագայում այլեւս իմաստ չունի փոխել, որովհետեւ 2020 թվականի հունվարի 1-ից գործելու է ԵԱՏՄ կանոնակարգի մասին օրենքը: Այսինքն, օրենքն էլ նպատակահարմար չի փոխել եւ այդ գործող օրենքի շրջանակներում, իմանալով, որ արգելվում է գնալ, մեքենաներ բերել, այստեղ արդեն ես ինչ-որ խնդիր տեսնում եմ:

- Հնարավո՞ր է, որ կառավարությունը զիջման գնա նաեւ այս պարագայում եւ թույլ տա, որ այդ 1000-ից ավելի ավտոմեքենաները հենց աջ ղեկով էլ ներկրվեն եւ վարեն:

- Դա քննարկվում է ամեն դեպքում, ես ոչ դրական եմ պատասխանում, ոչ բացասական:

- Այսինքն, դա հնարավոր տարբերա՞կ է:

- Ինչպես նշեցի՝ Նոյեմբերյանում իրենք ներկայացրին վարչապետի օգնականին, հիմա այդ 1600 մեքենայի հարցը քննարկվում է, դեռ ոչինչ պարզ չէ, բայց ամեն դեպքում քննարկումներ գնում են:

- Ունե՞ք վիճակագրական տվյալներ այն մասին, թե վերջին 2-3 տարիների ընթացքում աջ ղեկով ավտոմեքենայի մասնակցությամբ վթարները քանի տոկոս են կազմում:

- Եթե չեմ սխալվում՝ 9 տոկոս է: Մեր վերջին քննարկումների ժամանակ ոստիկանությունն է ներկայացրել:

Տպել
1159 դիտում

Այս բուկլետը նաեւ լավ հուշանվեր է, սիրով կնվիրեմ. վարչապետ

Հայ~ղրղզական միջխորհրդարանական բարեկամական խմբի շրջանակում հանդիպում է տեղի ունեցել

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան