Շինթույլտվության բարդությունները. քաղաքապետարանում տեղյակ են, բայց միջամտել չեն կարող՝ օրենքին դեմ է

Երեւան քաղաքի Վրացական փողոցի 9 հասցեում բնակվող Արեգնազան Սողոմոնյանը ցանկանում է շենքի վերջին՝ 7-րդ հարկի իր բնակարանի ձեղնահարկն ու կտուրը սեփականաշնորհել եւ շինարարություն իրականացնել, սակայն շինթույլտվություն ստանալ նրան ոչ մի կերպ չի հաջողվում:

Թիվ 9 շենքի 68 բնակարանի սեփականատեր Արեգնազան Սողոմոնյանը ՀԺ-ի հետ զրույցում հայտնեց, որ ապրելով շատ փոքրիկ՝ մեկ սենյականոց բնակարանում, ցանկացել է սեփականաշնորհել ձեղնահարկն ու կտուրը եւ դրա հաշվին փոքր-ինչ մեծացնել բնակարանը:

«Իմ հարեւաններից շատերն են այդպես արել, եւ դա Հայաստանում ընդունված ձեւ է, ինչը ցավոք սրտի, մի քանի տարի է՝ ինչ ինձ չի հաջողվում: Քաղաքապետարանի ճարտարապետության եւ քաղաքաշինության վարչության նախկին աշխատողը շատ կոպիտ ձեւով, անգամ ասելիքս չլսելով, ինձ ասաց, որ հարեւաններիցս գնամ ճշտեմ, թե ինչպես են թույլտվություն ստացել: Հարեւաններիցս մեկն էլ ասաց, որ ժամանակին 3 հազար դոլար է տվել, շինթույլտվություն ստանալու համար»,- պատմեց քաղաքացի Սողոմոնյանը:

Արեգնազան Սողոմոնյանը հայտնում է, որ կադաստրից համապատասխան փաստաթուղթ տրամադրելու համար բնակիչներից մոտ 70 հոգու համաձայնություն են իրենից պահանջել եւ ամեն բնակարանի դիմաց 1000 դրամ վճարում (ընդհանուր 70 հազար): Գումարն անտրտունջ վճարել է, սակայն շենքի բոլոր սեփականատերերի գրավոր համաձայնությունը ձեռք բերել վերջինս ոչ մի կերպ չի հաջողվում: Նրանց մի մասն այլեւս Հայաստանում չի ապրում եւ հնարավոր չի եղել կապ հաստատել: Թաղամասում բազմաթիվ են վաղուց փակված դռները:

Ասում է՝ պատրաստ է 70 հազար դրամը վճարել, սակայն համաձայնագրեր ձեռք բերել չի կարողանում: Օրինական շինթույլտվություն ստանալու համար Արեգնազան Սողոմոնյանը դիմել է Երեւանի քաղաքապետարան եւ կրկին մերժվել նույն պատճառաբանությամբ:

Քաղաքապետարանի ճարտարապետության եւ քաղաքաշինության վարչությունից Արեգնազան Սողոմոնյանին պատասխանել են, որ համաձայն ՀՀ կառավարության «Ինքնակամ կառույցների օրինականացման եւ տնօրինման կարգը հաստատելու մասին» 2006 թվականի մայիսի 18-ի  N912-Ն որոշման 28-րդ կետի՝ դիմումին հնարավոր կլինի ընթացք տալ շենքի բոլոր բնակարանների եւ ոչ բնակելի տարածքների սեփականատերերի ցանկն ունենալուց հետո:

Ըստ ճարտարապետության եւ քաղաքաշինության վարչության՝ փաստաթուղթը պետք է տրված լինի անշարժ գույքի կադաստրի պետական կոմիտեի Երեւանի տարածքային ստորաբաժանման կողմից եւ բնակիչների գրավոր համաձայնությունը՝ վավերացված լիազոր մարմնի կողմից: Արեգնազան Սողոմոնյանն այս խնդրով դիմել է նաեւ քաղաքապետ Հայկ Մարությանին, նամակի միջոցով խնդրել ուղղություն տալ, թե նման պարագայում ինչ կարելի է անել:

«Հայկական ժամանակ»-ը Երեւանի քաղաքապետարանից հետաքրքրվեց՝ արդյո՞ք քաղաքացին որեւէ այլընտրանք ունի օրինական կերպով շինարարություն սկսելու եւ առանց նշված 70 անձանց գրավոր համաձայնությունը ներկայացնելու:

Երեւանի քաղաքապետարանի լրատվական բաժնի պատասխանատու Հակոբ Կարապետյանը փոխանցեց, որ Արեգնազան Սողոմոնյանին տրված (վերը նշված) պատասխանին ավելացնելու ոչինչ չունեն: Նշեց, որ քաղաքապետարանի ճարտարապետության եւ քաղաքաշինության վարչությունն առաջնորդվել է օրենքով սահմանված կարգով: Ըստ Հակոբ Կարապետյանի՝ քաղաքացու բողոքն իսկապես արդարացված է, սակայն անգամ բացառության կարգով ոչինչ հնարավոր չէ անել, քանի որ դա կլինի օրենքի խախտում:

Տպել
918 դիտում

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ

Հանրապետության տարբեր հատվածներում ներգործության է ենթարկվել կարկտավտանգ 22 ամպ

Նիդերլանդների ներկայացուցիչը՝ «Եվրատեսիլ 2019»-ի հաղթող. երգիչը խոստովանել է, որ նույնասեռական է