Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Դեկտեմբերի 12-ին մի շարք լրատվամիջոցներով լուրեր տարածվեցին, թե «Կոմիտասի» անվան պանթեոնից գողացել են ժողովրդական արտիստ Կիմ Երիցյանի ու նրա կնոջ գերեզմանաքարերը։

Լրատվամիջոցներն առանց ստուգելու, մեկը մյուսի ետեւից սկսեցին դեզինֆորմացիա տարածել, ինչի առթիվ էլ իր բողոքն ու զայրույթն է արտահայտում խնդիրն օրեր առաջ բարձրաձայնած «Կիմ Երիցյան» մշակութային հասարակական կազմակերպության հիմնադիր նախագահ Լեւոն Բարսեղյանը: 

Մշակութային հասարակական կազմակերպության նախագահը նշում է՝ խայտառակություն է, որ չիմանալով, թե իրականում որտեղ է հանգչում ժողովրդական արտիստի աճյունը եւ չպարզելով, թե կոնկրետ ինչ է գողացվել, լրատվամիջոցներն անխնա տարածել են pastinfo.am-ի տրամադրած ոչ ճիշտ տեղեկատվությունը:

Ի գիտություն նշեց, որ Կիմ Երիցյանի աճյունը հանգչում է ոչ թե Կոմիտասի անվան պանթեոնում, այլ Երեւանի քաղաքային պանթեոնում:

Նոյեմբերի 22-ին Կիմ Երիցյանի ծննդյան օրն է: Ինչի առթիվ էլ «Կիմ Երիցյան» մշակութային հասարակական կազմակերպությունն արտասահմանից հյուրեր է ունեցել, սակայն չեն կարողացել նրանց տանել պանթեոն՝ գերեզմանաքարի հետ կապված խնդրի պատճառով. «Նախապես գնացել էին եւ հայտնաբերել, չկարողացանք մարդկանց տանել, ամոթ էր, խայտառակություն»,- ասաց Բարսեղյանը:

Լեւոն Բարսեղյանը հայտնեց, որ գերեզմանի կողքի քարերից մի քանիսը պակասում են: Այսինքն՝ գողացվել կամ վնասվել է ոչ թե պատվանդանը, այլ կողքի քարերը, որը, սակայն, նույնպես գերեզմանի մաս է կազմում: «Մի ջարդված կտոր դրված էր Վլադիմիր Մսրյանի քարի վրա, երեւի պիտանի չի եղել, չեն տարել, իսկ մնացած երեքը տարել էին: Սա սրբապղծություն է, այդ վանդալիզմը մեր ժողովրդի կողմից պետք է վերանա»,-մտահոգություն հայտնեց Լեւոն Բարսեղյանը:

Վերջինս դժգոհություն հայտնեց մշակույթի նախարարության աշխատաոճից ու անտարբեր վերաբերմունքից: Հայտնեց, որ դիմել է մշակույթի նախարարության Մշակութային ժառանգության եւ ժողովրդական արհեստների վարչություն, սակայն ոչ մի արձագանք չի ստացել: Անգամ չցանկանալով խնդիրը լսել՝ հայտնել են, որ դա քաղաքապետարանի գործառույթների մեջ է:

«Ժառանգության բաժին արդեն այնքան էի զանգել, հոգնել էի: Թեժ գծով կապվեցի քաղաքապետարանի հետ: Նաեւ դեկտեմբերի 6-ին ՀՀ վարչապետ Նիկոլ Փաշինյանի անունից կառավարություն դիմում ներկայացրի, որից հետո նոր արձագանքեցին այս հարցին: Դիմումս ուղարկվել է նաեւ ոստիկանություն, հետաքննություն է սկսվել»,- ասաց Լեւոն Բարսեղյանը:

Վերջինս իր մտահոգությունը հայտնեց, որ սիրված ու ճանաչված արտիստի հանդեպ նման վերաբերմունք է դրսեւորվել: «Հեռուստացույցով, ռադիոյով սխալ ինֆորմացիա է գնացել: Սա լուրջ խնդիր է, ոչ մի գրագետ մոտեցում չկա: Եթե դեզինֆորմացիա տարածող այդ լրատվամիջոցներին ասեինք՝ նոյեմբերի 22-ին Կիմ Երիցյանի ծնունդն է, մշակութային միջոցառում ենք անում, ես խիստ կասկածում եմ, որ նրանցից որեւէ մեկը կգար: Եվ դրա մասին է վկայում նաեւ այն, որ մինչ օրս չգիտեն, թե որտեղ է թաղված ժողովրդական արտիստը»,- եզրափակեց Լեւոն Բարսեղյանը:

Տպել
2757 դիտում

ԵՄ-«Թումո» համատեղ նախաձեռնություն. կառուցվելու է ինժեներական և կիրառական գիտությունների համալիր

Լիմոնադ արտադրողները հանդիպել են կառավարության անդամներին և փոխվարչապետին. օրինագիծը կվերանայվի

Թեհրանի օդանավակայանում 50 ուղեւոր տեղափոխող ինքնաթիռ է հրդեհվել. հասցրել են էվակուացնել ուղեւորներին

Վարչապետ Փաշինյանը հեռախոսազրույց է ունեցել Նուրսուլթան Նազարբաևի հետ

27-ամյա երիտասարդի սպանության դեպքի առթիվ քրեական գործ է հարուցվել

Հեչ անհարմար չե՞ս զգում… Վահան Շիրխանյանի նամակը Ռոբերտ Քոչարյանին

Ճիշտ կլինի, որպեսզի հարգելի սեւազգեստ մայրերին ներկայացնեն իրենց փաստաբանները․ վարչապետ

Դուռը կբացենք, բայց համայնքապետը ներս չպիտի մտնի, ինքը հրաժարական պիտի տա

Երեւանի կենդանաբանական այգում կապիկ է ծնվել

Մահացել է Օլիմպիական խաղերի ամենահավատարիմ երկրպագուն

Ո՞նց կարող ա նման բան լինի. Սպիտակի մշակույթի տան տնօրենը պարզաբանում է ստեղծված իրավիճակը

«Ավան»-ի հոգեբուժարանում հիվանդին դուրս գրելը և անվճար դեղորայքի փաստաթուղթը 20000 դրամ են արժեցել. քրգործ է հարուցվել

Նոր իշխանությունները հին ծուղակում չեն հայտնվելու

Գորիսի ավտոճանապարհներին մառախուղ է, տեսանելիությունը՝ 30-50 մետր

Երևանի պատվիրակությունը տրանսպորտային բարեփոխումների հարցով մեկնել է Չեխիա

Սպանություն Երեւանում. երիտասարդը մահացել է՝ հիվանդանոցում գիտակցության չգալով (լուսանկարներ)

Հայտարարություն մրցույթի մասին

«Թուֆենկյան» հյուրանոցն ամենամեծն է լինելու Հայաստանում. վարչապետն ընդունել է Ջեյմս Թուֆենկյանին

ՀՀ հավաքականը վաստակել է բրոնզե մեդալ՝ հրաձգության Եվրոպայի առաջնությունից

Ես ասելիք ունեմ ադրբեջանցի ժողովրդին եւ ես շատ ուրախ կլինեի նման հնարավորության համար․ Նիկոլ Փաշինյան