«Սպայկա»-ն գումարը չի տվել, վարկ եմ վերցրել, որ գյուղացիների պարտքը տամ. քաղաքացուն «գցե՞լ» են

Այսօր «Հայկական Ժամանակ»-ի խմբագրություն է այցելել Արարատի մարզի Ջրաշեն համայնքի բնակիչ Ժիրայր Մարտիրոսյանը: Նրա խնդիրն ունի արդեն 5 տարվա պատմություն:

Բանն այն է, որ 2013 թվականի ամառը «Սպայկա» ընկերության տնօրինության ներկայացուցիչներն այցելել է Ջրաշեն համայնք, որպեսզի այդտեղից ծիրան մթերեն: Քանի որ այդ տարի ծիրանը շատ առատ է եղել, իսկ ընկերությանն էլ շատ բերք էր հարկավոր, ընկերությունն ու գյուղացիները պայմանավորվել են, որ բերքը տրամադրելու են միայն Սպայկային՝ 1 կիլոգրամը՝ 500 դրամով եւ կանխիկ գումարով: Ընկերության եւ գյուղացիների միջեւ կապող օղակ  էր դարձել մեզ դիմած Ժիրայր Մարտիրոսյանը, այլ կերպ ասած՝ նա միջնորդի դեր էր ստանձնել եւ յուրաքանչյուր մեկ կիլոգրամ ծիրանի դիմաց մատակարարը տրամադրել է 50 դրամ:

Մատակարարումը տեւել է մոտ 6 օր: Մարտիրոսյանի խոսքով՝ առաջին իսկ օրվանից «Սպայկա» ընկերությունն իրեն տվել է գումարի մի մասը, որպեսզի գյուղացիներին տա, իսկ մյուս մասը պետք է տային վերջում` վերջնահաշվարկ անելուց հետո:

Վերջին անգամ Ջրաշեն գյուղից 2013 թվականի հունիսի 22-ին ընկերությունը մթերել է 70 տոննա եւ այլեւս չի մթերել: Մարտիրոսյանը պատմեց, որ դրանից հետո ինչքան զանգահարել է, որպեսզի վերջնահաշվարկ կատարեն, իրեն պատասխանել են, թե քաղաքում չեն: «Ամբողջ գործընթացի ժամանակ աշխատել եմ ընկերության մատակարարման բաժնի պետ Երվանդ Ալեքսանյանի հետ»,- նշեց Մարտիրոսյանը:

Մարտիրոսյանը կանխազգացել է, որ գումարը չեն ցանկանում տալ եւ գնացել է ընկերության հաշվապահ Հովհաննես Աղեկյանի հետ հանդիպելու: Աղեկյանը նրան տրամադրել է ակտ, որտեղ նշված էին մթերման տվյալները: «Նկատեցի, որ աշխատանքի 3-րդ օրվա տված 6 մլն-ը 8 մլն են գրել: Ասացի, որ սխալ է, սակայն Աղեկյանն ինձ ասաց, որ իրեն այդ տվյալներն են տվել»,- ասաց Մարտիրոսյանը:

Ժիրայր Մարտիրոսյանը դրանից հետո զանգել է «Սպայկա» ընկերության տնօրեն Դավիթ Ղազարյանին, սակայն Ղազարյանն ասել է, որ ինքը գործ չունի այդ ամենի հետ՝ նշելով. «Երվանդի հետ եք աշխատել, նրա հետ լուծեք ձեր խնդիրը»:

Մարտիրոսյանը նշեց, որ մի քանի օր անց հաջողվել է հանդիպել նաեւ Երվանդ Ալեքսանյանի հետ: «Երվանդը աշխատակիցների հետ ինձ սպառնացել է, ասել է՝ 1 մլն 168 հազար դրամ ենք պարտք: Ընթացքում 1 մլն-ը տվել է, իսկ մնացածը՝ չէ»,- ասաց Մարտիրոսյանը:

Նա նշեց, որ դրանից հետո զանգել է Երվանդ Ալեքսանյանին, իսկ նա հեգնանքով խորհուրդ է տվել դատարան դիմել կամ «գողականների»:

«Հետո Երվանդի հետ լուրջ մարդիկ հանդիպեցին, ինձ էլ կանչեցին: Երվանդը արդարանում էր, ասում էր՝ ես բան չեմ կարող անել, քանի որ ընկերությունը պատկանում է Ռոբերտ Քոչարյանի ընտանիքին»,- պատմեց Մարտիրոսյանը:

Մարտիրոսյանը նշեց, որ այն ժամանակ հանդիպել է նաեւ ներկայիս վարչապետ, այդ ժամանակ ԱԺ պատգամավոր Նիկոլ Փաշինյանի հետ: «Փաշինյանը եկել է մեր գյուղ, ծանոթացել է խնդրին, ասել է, որ իր պատգամավորական լիազորությունները թույլ չեն տալիս ինչ-որ բան անել, սակայն խորհուրդ է տվել խնդիրը բարձրաձայնել մամուլով»,- ասաց Մարտիրոսյանը:

Մարտիրոսյանը մեզ ներկայացրեց փաստաթղթեր, որտեղ երեւում էր, որ նա ոստիկանությունում բողոք է գրել խնդրի հետ կապված, սակայն բողոքը մերժվել է, քանի որ հիմնավոր փաստաթղթեր չեն եղել: Նա նշեց, որ պայմանավորվածությունները հիմնականում բանավոր են եղել, այդ իսկ պատճառով փաստաթղթեր չի ունեցել:

«Մինչեւ հիմա խնդիրը լուծված չի: Վարկ եմ վերցրել, գյուղացիների պարտքը տվել եմ, մնացել է մեկինը: Հիմա ֆինանսական լուրջ խնդիրներ ունեմ, տունս գրավի տակ է»,- ասաց Ժիրայր Մարտիրոսյանը:

Նա նշում է, որ ըստ պայմանավորվածության, իրենց պետք է տային 3 մլն 600 հազար դրամ: Հայաստանում իրավիճակի փոփոխությամբ պայմանավորված՝ Մարտիրոսյանը պահանջում է, որ գործը քննվի եւ իր գումարը հետ վերադարվի՝ հավելելով, որ քննության ժամանակ կարող է իր ասածներն ապացուցել:

Տպել
1179 դիտում

Վանաձոր-Ալավերդի-Բագրատաշեն ճանապարհահատվածը բեռնատարների և ավտոբուսների համար փակ է

Դատական բարեփոխումները չպետք է խաթարեն համակարգի բնականոն աշխատանքը. դատավորների միություն

Երևանում 50-ամյա որդին ծանր մարմնական վնասվածքներ էր հասցրել 76-ամյա հորը

Երևանում ծառից էլեկտրալարով կախվել է 62-ամյա տղամարդ. մահից առաջ երկտող է թողել

ԿԳ նախարարի եւ ԵԹԿՊԻ ուսանողների հանդիպումն ավարտվել է. նրանք էլի կհանդիպեն

Տավուշի սահմանամերձ Սարիգյուղ եւ Ծաղկավան համայնքների համար ձեռք կբերվի կոմբայն. Սիփան Փաշինյան

Կառավարությունը 2 համայնքի ղեկավարների արտահերթ ընտրություն անցկացնելու մասին որոշում կկայացնի

Ներդրողի միջոցներով վերգետնյա անցում կառուցելու առաջարկը ինչո՞ւ է մերժվել․ պարզաբանում

Գառնիկ Բադալյանը նշանակվել է Աֆղանստանում ՀՀ դեսպան

Պատվաստման տարեք ձեր երեխաներին. վարչապետը հյուրընկալել է Նոբելյան մրցանակի դափնեկիր Հարալդ Զուր Հաուզենին

Պատրաստվում են անցնել հակագրոհի ամբողջ ճակատով. «Ժողովրդի դեմ խաղ չկան»-ն պետք է ամեն օր ապացուցել

Տիմատիի ու Նազիմայի նոր տեսահոլովակում Հայաստանի բնությունն է՝ իր ողջ շքեղությամբ (տեսանյութ)

Իտալիայում տուրիստական ավտոբուսի վթարի հետևանքով 5 վիրավոր ՀՀ քաղաքացի կա. ԱԳՆ

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան