Պաշտոնանկությունների շքերթը կապ ունի՞ քարոզարշավի ընթացքում տեղի ունեցած «փոխհրաձգությունների» հետ

Մի քանի օր է՝ Արցախի հանրապետության առանցքային պաշտոնյաների պաշտոնանկության մասին լուրեր են շրջանառվում: Խոսքը, մասնավորապես, Արցախի պաշտպանության բանակի հրամանատար Լեւոն Մնացականյանի, Անվտանգության խորհրդի քարտուղար Վիտալի Բալասանյանի եւ Արցախի նախագահ Բակո Սահակյանի խորհրդական Արշավիր Ղարամյանի մասին է: Ի դեպ, վերջին երկուսը Արցախի ազգային հերոսներ են:

Պաշտոնանկությունների մասին լուրերն ավելի մեծ թափ ստացան, երբ Երեւանում դեկտեմբերի 13-ին տեղի ունեցավ ՀՀ վարչապետի պաշտոնակատար Նիկոլ Փաշինյանի եւ Արցախի հանրապետության նախագահ Բակո Սահակյանի հանդիպումը: Վարչապետի եւ նախագահի աշխատակազմերը հայտարարություններով հանդես եկան, որ հանդիպման ժամանակ քննարկվել են հայկական երկու հանրապետությունների ներքին եւ արտաքին քաղաքականությանը, անվտանգությանը, Արցախի Հանրապետության եւ Հայաստանի Հանրապետության 2019 թվականի պետական բյուջեների ձեւավորմանը վերաբերող մի շարք հարցեր: Սակայն շրջանառվեցին տեղեկություններ, որ երկու երկրների ղեկավարները քննարկել են նախընտրական քարոզարշավի ժամանակ միմյանց հասցեին հնչեցրած հայտարարությունները:

Արդյո՞ք քննարկվել են ՀՀ-ում քարոզարշավի ընթացքում տեղի ունեցած հայտարարությունները եւ ճի՞շտ է տեղեկությունը, որ Արցախում պաշտոնանկությունների շքերթը պայմանավորված է այդ հայտարարությունների հետ. «Հայկական ժամանակ»-ի հարցին ի պատասխան Արցախի նախագահի մամուլի խոսնակ Դավիթ Բաբայանը մեկնաբանեց. «Այն հարցերը, որ քննարկվել են, շատ կարեւոր են արտաքին, ներքին քաղաքականության, անվտանգության եւ սոցիալ-տնտեսական ոլորտներում: Կարծում եմ, որ սա ինքնին տարբեր հարցերի պատասխաններ է տալիս: Բավարարվեք այդ պաշտոնականով: Ես կարծում եմ, որ այդ հարցերին մենք չպետք է կրկին անդրադառնանք, աժիոտաժ մտցնենք Մայր Հայաստանի եւ Արցախի միջեւ, քանի որ միասնականությունը բոլորիս համար գերագույն արժեք է: Մենք չպետք է մոռանանք, որ ունենք հակառակորդներ, բայց թող նրանք չուրախանան, թե կարող է Հայաստանի եւ Արցախի միջեւ սեւ կատու անցնել»:

Հիշեցնենք, որ Նիկոլ Փաշինյանն Ազգային ժողովի արտահերթ ընտրությունների քարոզարշավի ժամանակ բավականին սուր քննադատություններ էր հնչեցրել Արցախի մի քանի պաշտոնյաների մասին եւ նշել էր, որ Արցախի նախագահից պարզաբանումներ է ուզելու: Բանն այն է, որ ՔՊ վարչության նախագահ Սասուն Միքայելյանը թավշյա հեղափոխությունը կարեւոր էր համարել Արցախյան ազատամարտից: «Մենք հաղթել ենք Արցախյան պատերազմում, ես չեմ վարանում, վախենում ասել` այս հաղթանակը, որ մեր հանրապետությունում կրեցիք դուք` հայ ժողովուրդը, ավելի կարեւոր էր, քան Արցախյան ազատամարտը: Արցախյան ազատամարտում հաղթանակեցինք հայ քաջորդիների շնորհիվ, եւ այդ հաղթանակի արդյունքը պետք է տեսներ ժողովուրդը, որը նախորդ իշխանությունները չթույլատրեցին: Մեր ժողովուրդը չհասկացավ հաղթանակի գինը, ժողովուրդը չպատկերացրեց` ինչ մարդիկ ինչի համար գլուխը դրեցին զոհասեղանին: Այսօր եկել է ժամանակը, որ այդ ամենով գնանք դեպի փայլուն ապագա»,- ասել էր Միքայելյանը: Այս հայտարարությունը առիթ էր հանդիսացել, որ ԱՀ-ի պաշտոնյաները քննադատական կարծիքներ հնչեցնեին: 

Տեղեկություններ կան, որ Արցախի ՊԲ հրամանատար Լեւոն Մնացականյանը հենց այդ պատճառով է պաշտոնանկ արվում: Ի դեպ, նրա մամուլի խոսնակ Սենոր Հասրաթյանը մի գրառում էր կատարել, որը դիտարկվեց որպես Մնացականյանի տեսակետ: «Ե՞րբ է մարդու ասածը ոչ միանշանակ ընդունվում: Երբ ասելիք չունի, բայց ունի խոսելու ցանկություն: Ապացույցը Սասուն Միքայելյանի կողմից այսօր արված հայտարարությունը կամ ավելի ճիշտ՝ համազգային երեւույթները մեկը մյուսին վերադասելու կամ ստորադասելու փորձը: Աշխատե՛ք հրաժարվել այդ «սովորությունից», մանավանդ, երբ խոսքը վերաբերում է մեր հազարավոր հերոս նահատակների արյամբ կերտված Արցախյան հերոսամարտին»,- գրել էր Հասրաթյանը, սակայն մեկ օր անց այդ գրառումը ջնջվեց։

ՀԺ-ի հարցին՝ արդյո՞ք Լեւոն Մնացականյանն այս արարքի համար է պաշտոնանկ արվում, Դավիթ Բաբայանը հերքեց, իսկ պաշտոնանկության մասին նշեց. «Եթե լինում են հրամանագրեր, ապա մենք տարածում ենք եւ հանրությանը տեղեկացնում ենք»:

Տեղեկություններ ստացանք նաեւ, որ Բակո Սահակյանին Երեւան Նիկոլ Փաշինյանն է հրավիրել եւ քննարկման առանցքում հենց պաշտոնանկություններն են եղել: Դավիթ Բաբայանից հետաքրքրվեցինք, թե՝ ու՞մ նախաձեռնությամբ է հանդիպումը կայացել: «Դա կարեւոր չէ, կարեւորն այն է, որ երկու հայկական հանրապետությունների ղեկավարները հանդիպում են: Շատ նորմալ հանդիպումներ են եղել, ջերմ, գործնական, նորմալ է ամեն ինչ, խնդիր չկա: Մենք չպետք է աժիոտաժ անենք, շահարկենք: Երկու ղեկավարները պարբերաբար հանդիպում են: Երկու երկրների ղեկավարները հաճախակի են հանդիպում, ինչպես Արցախում, այնպես էլ Հայաստանում: Սա մեկ երկրի երկու զավակների հանդիպում էր»,- պատասխանեց նա:

Հարցին՝ Արցախի ՊԲ հրամանատարի փոփոխությունը ցնցումների առիթ կդառնա՞, թե՞ ոչ, Դավիթ Բաբայանն արձագանքեց. «Ի՞նչ է նշանակում ցնցումներ, բարեբախտաբար Արցախը կայուն երկիր է եւ ընդհանրապես ես ցնցում հասկացությունը չեմ ուզում օգտագործել: Ի՞նչ ցնցման մասին է խոսքը, նախ եւ առաջ նման հրամանագիր չկա: Արցախի ՊԲ-ն շատ հզոր կառույց է, պարոն Մնացականյանը նույնպես ներդրում ունի ՊԲ-ի կայացման, մարտունակության գործում: Նա լավ սպա է, հրամանատար է, կան շատ պատրաստված հրամանատարներ, որոնք մեծ ներդրում ունեն»:

Արցախի ԱԽ քարտուղար Վիտալի Բալասանյանն էլ նշեց, որ իր կամ Արշավիր Ղարամյանի պաշտոնանկության հետ կապված որեւէ խոսակցություն Բակո Սահակյանի հետ տեղի չի ունեցել: Նրանից հետաքրքրվեցին՝ արդյո՞ք Լեւոն Մնացականյանն ազատվելու է աշխատանքից. Բալասանյանը նշեց, որ այդ մասով հայտարարություն կլինի, քանի որ մամուլի հրապարակումները իրականությանը չեն համապատասխանում:

Տպել
4761 դիտում

Հայտնի է՝ որքան մարդ է այսօր մասնակցել ընդդիմության հանրահավաքին

Տենդի սկզբից 1-3 օր անց ի հայտ է գալիս ցանավորում. ՀՎԿԱԿ-ը՝ կապիկի ծաղիկ հիվանդության մասին

Ադրբեջանական ստորաբաժանումները կրակ են բացել հայ-ադրբեջանական սահմանի արևելյան հատվածում. կա վիրավոր

Ի՞նչ է ուզում ընդդիմությունը և ինչո՞ւ չգնաց քաղաքական պարզ տեխնոլոգիայի կիրառման

Լուսագյուղ-Երասխահուն կամրջի վնասման հետևանքով երթևեկությունն իրականացվում է մեկ գոտիով

Մեկնարկել է ընդդիմության հերթական հանրահավաքը

Բանկի սպասասրահում գողություն է կատարվել. 60-ամյա կնոջը բերման են ենթարկել

Հայաստանի Մ-19 հավաքականը մարզական հավաք և ընկերական հանդիպումներ կանցկացնի

Ռուսաստանն արգելել է Ջո Բայդենի և ԱՄՆ ևս 962 քաղաքացու մուտքը երկիր

Դանիել Իոաննիսյանը պարզաբանել է՝ ինչու լրատվամիջոցները չեն հրավիրվել՝ Freedom House-ի միջոցառումը տեղում լուսաբանելու

Արցախի պետնախարարի մոտ քննարկվել են ժողովրդագրության ռազմավարության մշակման շուրջ հնարավորությունները

Միայն արևոտ օրերին փողոցում «Արցախը փրկող» ընդդիմությունը ցավոտ է տարել ՀՀ-ում ԱՄՆ դեսպանի շեշտադրումները. Խանդանյան

Հանրապետությունում մայիսի 22-ին օդի ջերմաստիճանն աստիճանաբար կբարձրանա 4-6 աստիճանով

Հունաստանի արտաքին գործերի նախարարությունն անհիմն է համարում Թուրքիայի օդային տարածքի խախտման մասին հայտարարությունը

Ավտովթար Արմավիրի մարզում, «Օպել»-ը դուրս է եկել երթևեկելի գոտուց և կողաշրջված հայտնվել դաշտում. կան վիրավորներ

Բայդենը ստորագրել է օրենք՝ Ուկրաինային 40 մլրդ դոլարի օգնություն տրամադրելու վերաբերյալ

Չարենցավանի, Ստեփանավանի, Երևանի մի շարք թաղամասերի և փողոցների գազամատակարարումը կդադարեցվի

Մայրաքաղաքի հասարակական տրանսպորտի 6 երթուղում կատարվել են ուղեգծի ժամանակավոր փոփոխություններ

Կոշի քարհանքում վերամբարձ կռունկը շրջվել է. 1 մարդ է մահացել

Ռուսաստանի Դաշնության ելույթի ժամանակ հինգ երկրի ներկայացուցիչ լքել է APEC նախարարների հանդիպումը

Միջազգային պատվիրակությունները ժամանում են Երևան՝ մասնակցելու Բռնցքամարտի Եվրոպայի առաջնությանը (լուսանկարներ)

Խուզարկություն է իրականացվել Արթուր Վանեցյանի օգնականի՝ Արամ Գրիգորյանի բնակարանում. վերջինիս բերման են ենթարկել

Ֆրանսիայում կայացած դպրոցականների օլիմպիական խաղերում հայ բռնցքամարտիկները 2 մեդալ են նվաճել

ՀՀ ԱԳ նախարար Արարատ Միրզոյանը հանդիպում է ունեցել Իռլանդիայի ԱԳ նախարար Սայմոն Քովենիի հետ

Ռուսաստանը Կասպարովին ճանաչել է օտարերկրյա գործակալ և ներառել հատուկ ցանկում

ՀՀ ՊՆ-ն հերքում է ադրբեջանական դիրքերը գնդակոծելու մասին տեղեկությունը

Երկրում տիրող իրավիճակը դրամատիզացնել պետք չէ, օրինական ընտրությունները տվել են բոլոր հարցերի պատասխանները. Գրիգորյան

Վայոց ձորի մարզում արջը հարձակվել է բոխի հավաքող տղամարդու վրա. ճանկռոտել, կծել, ապա վնասվածքներ է պատճառել գլխին

Սփյուռքը լուռ էր, երբ խորհրդարանում գնդակահարում էին պետության գլուխներին, սպանում՝ խաղաղ ցուցարարներին. Բաբաջանյան

Շոյգուն Պուտինին զեկուցել է ուկրաինացի զինյալներից «Ազովստալ»-ը և Մարիուպոլը ամբողջությամբ ազատագրելու մասին

Միրզոյանը հանդիպում է ունեցել Սերբիայի ԱԳ նախարար Նիկոլա Սելակովիչի հետ. քննարկվել են տարածաշրջանային հարցեր (տեսանյութ)

Դեսպան Հովակիմյանը Չեխիայի խորհրդարանի Սենատի նախագահին է ներկայացրել տարածաշրջանում վերջին զարգացումները

Արարատ Միրզոյանը շնորհավորել է Ֆրանսիայի նոր արտգործնախարարին

Բրյուսելում Փաշինյան-Միշել-Ալիև եռակողմ հանդիպմանը որևէ փաստաթղթի ստորագրում նախատեսված չէ․ Արմեն Գրիգորյան

«Գազպրոմ»-ը դադարեցրել է ռուսական գազի մատակարարումը Ֆինլանդիա ռուբլով չվճարելու պատճառով

Պարոնայք գեներալներ, որտե՞ղ էիք, երբ բռնություններ էին գործադրվում տարբեր լեգենդար հրամանատարների նկատմամբ. Գաբրիելյան

Ծիծեռնակաբերդի խճուղին փլուզման հետևանքով երկկողմանի փակ է

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել (լուսանկարներ)

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման՝ հայկական կողմի դիրքորոշումը (տեսանյութ)