Երեկվանից ես ավելի թեթեւ եմ շնչում, բայց Սուրենը փորձ չունի, հույս ունեմ՝ կկարողանա. նկարիչների միության նախկին նախագահ

Դեկտեմբերի 15-ին տեղի ունեցավ Հայաստանի նկարիչների միության 19-րդ համագումարը, որի օրակարգում նաեւ միության նախագահի ընտրությունն էր: Ձայների գերակշիռ մեծամասնությամբ՝ 193 ձայնով, Հայաստանի նկարիչների միության նախագահ ընտրվեց երիտասարդ նկարիչ Սուրեն Սաֆարյանը:

Նախագահի թեկնածուներն էին`նախկին նախագահ Կարեն Աղամյանը, Սուրեն Սաֆարյանը, Խաչիկ Աբրահամյանը եւ Հաղթանակ Շահումյանը, որն ի սկզբանե ինքնաբացարկ էր հայտարարել: Միության նախագահի ընտրությանը մասնակցել է 351 հոգի, նրանցից 60-ը ընտրել էին Խաչիկ Աբրահամյանին, 82-ը` Կարեն Աղամյանին, իսկ 193-ը՝ Սուրեն Սաֆարյանին:

Նկարիչների միության նախկին նախագահ Կարեն Աղամյանը պաշտոնավարեց շուրջ 20 տարի: Սակայն 2018 թվականի հունիս ամսից սկսած միության մի խումբ երիտասարդ նկարիչներ պարբերաբար բողոքի ակցիաներ էին իրականացնում`պահանջելով վերջինիս հրաժարականը: Ցուցարարները նշում էին, որ ըստ «Հասարակական կազմակերպությունների մասին» օրենքի, Աղամյանը պետք է 2017 թվականին անցկացներ համագումար՝ կրկին նախագահ ընտրելու նպատակով, ինչը, սակայն, չէր արել:

Այսօր, երբ Կարեն Աղամյանի 20-ամյա նախագահությունն այլեւս անցյալում է, նա հայտարարում է, որ սույն պաշտոնը երկար տարիներ զբաղեցրել է բացառապես միության անդամների ցանկությամբ: Աղամյանը նշում է, որ միության անդամների ութսուն տոկոսն իրեն է ձայն տվել:

Խոսելով ամիսներ առաջ իր հրաժարականը պահանջելող երիտասարդ ցուցարարների մասին, Կարեն Աղամյանը «Հայկական ժամանակ»-ի հետ զրույցում ասաց, որ նրանց կողմից ոչ մի հիմնավոր եւ լուրջ պատճառ չի նշվել: «Ցույցերին էլ 8000 հոգուց ընդամենը մի 15 հոգի էին մասնակցել, սա մատի փաթաթան դարձնելը սխալ է»,-ասաց նա:

Հարցին, թե ինչու 2017 թվականին համագումարը տեղի չի ունեցել, Աղամյանը պատասխանեց, որ այն օրենքով նախատեսված չէր, եւ որ ինքը կամ վարչությունն իրավասու չէին որևէ փոփոխություն իրականացնել կանոնադրության մեջ: Նշեց, որ համագումարը պետք է լիներ 2018 թվականին ու եղավ:

Բողոքի ցույց իրականացնողներն ավելի վաղ հայտարարել էին, որ շատ հարցերի վրա են աչք փակել եւ չեն բարձրաձայնել, սակայն այլեւս չեն պատրաստվում:

«20 տարվա մեջ 4 անգամ է համագումար եղել՝ 5 տարին մեկ անգամ: Եվ ես ամեն անգամ 80 տոկոս ձայներով առավելություն եմ ունեցել մնացածի նկատմամաբ: Ես ինքս ինձ չէի նշանակում, սա ընտրովի պաշտոն է, ինձ ընտրել էին»,- հակադարձեց Աղամյանը

Մեր հարցին՝ ինչպես ստացվեց, որ այս անգամ չհաջողեց, միության նախկին նախագահը պատասխանեց. «Այս անգամ երեւի թե ժողովուրդը հասկացավ, որ գուցե բավական է իմ պաշտոնավարելը: Նրանք թարմություն են ուզում, ես համամիտ եմ իրենց հետ: Ավելի թարմ մոտեցում է պետք: Եվ թող Սուրեն Սաֆարյանը շարունակի»:

Կարեն Աղամյանի խոսքով՝ նկարիչների միության նախագահ լինելը շատ ծանր եւ անշնորհակալ գործ է: «Ես ողջունում եմ այս փոփոխությունները: Եղավ այն՝ ինչ պետք է լիներ: Երեկվանից ես ավելի թեթեւ եմ շնչում: Սա ահռելի բեռ է: Հույս ունեմ, որ Սուրենը կկարողանա, որովհետեւ շատ բարդ աշխատանք է, իսկ ինքը փորձ չունի»,- ասաց Աղամյանը, վստահեցնելով, որ ամեն ինչ կանի ու կաջակցի միության նորընտիր նախագահին:

Միության նախկին նախագահը վստահեցրեց, որ այս համագումարին անգամ թեկնածություն չի ցանկացել դնել, եթե իհարկե՝ չլինեին մի քանի անձանց կողմից հնչեցված մեղադրանքներն իր հասցեին. «Անգամ քրեական գործ փորձեցին հարուցել իմ դեմ: Դա ինձ հունից հանեց, այլապես վաղուց պատրաստ էի ցտեսություն ասել:

Կարեն Աղամյանի խոսքով՝ նկարիչների միությունում իրենից առաջ եղածներն են փոշիացրել միության ունեցվածքի մոտ 80 տոկոսը, ինչն ավելի ուշ փորձել են վերագրել իրեն: Սակայն Աղամյանի հրաժարականը պահանջողները մատնանաշում էին նաեւ նկարիչների հանդեպ Աղամյանի խտրական վերաբերմունքն ու միության սխալ կառավարումը:

Նկարիչների միության նորընտիր նախագահ Սուրեն Սաֆարյանից հետաքրքրվեցինք, թե ինչպիսի մոտեցմամաբ է միությունը ղեկավարելու եւ ինչ նոր մարտավարություն է կիրառելու՝ հետագայում նմանատիպ իրավիճակներից խուսափելու համար: Սաֆարյանը նշեց, որ աշխատելու են մաքսիմալ թափանցիկ եւ իրենց ցանկացած նոր փոփոխություն բարձրաձայնվելու ու հանրայնացվելու է:

Խոսելով իր տարած հաղթանակի մասին՝ Սաֆարյանն ասաց, որ 2008 թվականից հանդիսանում է նկարիչների միության անդամ: Ընտրվել է միության երիտասարդական բյուրոյի համանախագահ, այնուհետեւ վարչության անդամ եւ միշտ ակտիվ գործունեություն է ծավալել: «Լիիրավ հասկանում եմ, թե ինչ մեծ պարտականություն կա մեր ուսերին դրված, պետք է անենք առավելագույնը»,-ասաց նա:

Անդրադառնալով նախկին նախագահի կողմից միության բյուջեի ոչ ճիշտ վերաբաշխմանը եւ ֆիանասական չարաշահումների մասին մեղադրանքներն, Սաֆարյանն ասաց, որ դեռեւս ոչինչ ասել չի կարող, սակայն վստահեցրեց. «Ամեն ինչ լինելու է հստակ, լինելու է ընդունում-հանձնում գործընթացը, իսկ արդյունքները մի փոքր ավելի ուշ հայտնի կլինեն»:

Նկարիչների միության նորընտիր նախագահը նկատեց, որ բոլորովին ցանկություն չունի անընդհատ հետ նայել եւ հայտարարել, թե նախկինում ինչպես է կառավարվել. «Պետք է նայենք առաջ, հասկանանք՝ ինչպիսին է լինելու մեր հետագա աշխատանքի ընթացքը»:

Սուրեն Սաֆարյանը նշեց, որ ընտրվել է նոր վարչություն, նոր կազմ: Քանի որ դեռեւս առաջնորդվում են հին կանոնադրությամբ՝ տեղեկալներ կնշանակվեն վարչության կազմից: Ըստ նորանշանակ նախագահի, առաջին գործողությունը, որը պետք է կատարվի՝ կանոնադրության կետերի փոփոխությունն է, որից հետո կլինեն հաստիքային փոփոխություններ եւ այլ աշխատանքներ, որոնք միտված կլինեն առաջ տանել նկարիչների միության զարգացումը:

Տպել
2290 դիտում

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ