Բողոքի ակցիա Էջմիածնում՝ ընդդեմ Ամենայն հայոց կաթողիկոսի. ինչու քաղաքապետը չի միջամտում

Շաբաթ օրը` դեկտեմբերի 15-ին, Էջմիածնում բախում է տեղի ունեցել «Նոր Հայաստան նոր հայրապետ» նախաձեռնության անդամների եւ Ամենայն հայոց կաթողիկոս Գարեգին Բ-ի կողմնակիցների միջեւ:

Մինչ դեկտեմբերի 15-ը նախաձեռնության անդամները իրենց ֆեյսբուքյան էջի միջոցով իրազեկել էին, որ այդ օրը նախատեսված է ավտոերթ: Եւ արդեն ավտոերթի ժամանակ, երբ Էջմիածնում ակցիայի մասնակիցները փորձել են մտնել Մայր Աթոռի տարածք, նրանց եւ Մայր աթոռի մոտ հավաքված մարդկանց միջեւ հրմշտոց է տեղի ունեցել։ Հավաքվածները ձվեր եւ քարեր են շպրտել ակցիայի մասնակիցների մեքենաների ուղղությամբ։

«Տեր Ասողիկը երկու անգամ հարվածեց մեր նախաձեռնության մասնակից աղջիկներից մեկի ձեռքերին»,- այս մասին ՀԺ-ի հետ զրույցում ասաց «Նոր Հայաստան նոր հայրապետ» նախաձեռնության խոսնակ Գեւորգ Յազիչյանը:

- Պարոն Յազիչյան, ինչի՞ց սկսվեց «Նոր Հայաստան նոր հայրապետ» նախաձեռնության անդամների եւ կաթողիկոսի կողմնակիցների միջեւ միջադեպը:

- Շաբաթվա ընթացքում մենք իրազեկել էինք, որ շաբաթ օրը Երեւանից պիտի ավտոերթ անենք դեպի Էջմիածին քաղաք եւ այնտեղ բարձրաձայնենք մեր բողոքը եւ պահանջը` Գարեգին Բ-ի հրաժարման վերաբերյալ: Հինգշաբթի օրը բարձրախոսով իրազեկում իրականացնող մեր ավտոմեքենաներին ինչ-որ 2 մեքենաներ են հետեւել եւ քարեր են նետել մեր մեքենաների վրա: Մենք ոստիկանությանն ենք փոխանցել այդ մեքենաների համարանիշները:

Երբ շաբաթ օրը մենք ավտոերթ էինք պատրաստվում իրականացնել, մեզ մոտեցավ Երեւանի փոխոստիկանապետը եւ զգուշացրեց, որ Էջմիածնում ագրեսիվ մարդիկ են հավաքված եւ խորհուրդ տվեց չիրականացնել այդ երթը: Սակայն մենք գնացինք եւ ոստիկաններն էլ նշեցին, որ պետք է կարգուկանոնը ապահովեն:

Սկզբից ընթացող մեր 2 մեքենաների վրա հարձակվեցին: Հայր Կորյունի մեքենայի դիմապակին ջարդեցին: Քարերով, ձվերով խփեցին մեր մյուս մեքենային: Հետո ոստիկանությունը միջամտեց: Նրանք վատ աշխատեցին, թույլ տվեցին, որ այդ ամենը տեղի ունենա, հետո նոր միջամտեցին:

- Ո՞րն էր պատճառը, որ ձեզ թույլ չէին տալիս խաղաղ ակցիա իրականացնել:

- Նրանք ասում էին՝ դուք աղանդավոր եք, սա մեր քաղաքն է: Այսինքն, դեռ այնտեղ տիրում է ֆեոդալական մտածողությունը:

- Ճի՞շտ է, որ Տեր Ասողիկ քահանան խփել է ակցիայի մասնակիցներին:

- Այո, Տեր Ասողիկը երկու անգամ հարվածեց մեր նախաձեռնության մասնակից աղջիկներից մեկի ձեռքերին: Այդ բոլոր տեսանյութերը հանձնել ենք ոստիկանությանը:

Միջադեպի վերաբերյալ Մայր աթոռից մեկնաբանություն ստանալ չհաջողվեց: Իսկ Էջմիածնի քաղաքապետարանը, թեեւ դատապարտում է, բայց փորձում է չխառնվել տեղի ունեցողին: 

«Եթե հետեւել եք, ես որպես քաղաքային իշխանություն այդ բողոքի ակցիաներին չմիջամտեցի ի սկզբանե, հաշվի առնելով յուրաքանչյուրի խոսքի, մտքի, դավանանքի ազատության իրավունքը եւ նաեւ հանրահավաքներ, ցույցեր անցկացնելու իրավունքը: Սակայն, բնականաբար ոստիկանության, ազգային անվտանգության ծառայության եւ բոլոր համապատասխան ուժային մարմինների հետ աչալուրջ էինք եւ հետեւում էինք իրադարձություններին: Ցավում եմ, որ ունեցանք միջադեպեր, բայց կարծում եմ, որ ոստիկանության վերահսկողության ներքո էր գործընթացը: Ես ոստիկանության աշխատանքը այդ օրը գնահատում եմ բավական լավ»,- ՀԺ-ի հետ զրույցում ասաց Էջմիածնի քաղաքապետ Դիանա Գասպարյանը:

Գասպարյանն ասաց, որ հարցի հետ կապված 2 մոտեցում ունի. «Ես, որպես անձ, որպես քրիստոնյա եւ ես որպես քաղաքային իշխանություն: Երկրորդ դեպքում արդեն նշեցի, որ պարտավոր եմ ամեն դեպքում հարգել այլոց իրավունքները, սակայն նաեւ ես գիտեմ, որ շատ էջմիածինցիներ դժգոհությամբ են ընդունում այն փաստը, որ հոգեւոր մայրաքաղաքում հայրապետի դեմ ակցիաներ են իրականացնում: Եւ ես չեմ կարծում, որ այն՝ ինչ տեղի է ունենում, էջմիածինցիների մեծամասնության սրտով է: Ամեն դեպքում, կարծում եմ, քաղաքը հոգնել է այս տեւական գործընթացներից, որ պարբերաբար իրականացվում է»:

Մեր հարցին՝ որպես Էջմիածնի քաղաքապետ, խնդրի լուծման ի՞նչ տարբերակ եք տեսնում, քաղաքապետը պատասխանեց. 

«Ես չեմ կարծում, թե քաղաքապետարանը պետք է որեւէ կերպ միջամտի այդ խնդիրներին: Դա այլ հարթակում է գտնվում: Մոտ օրերս ես այցելելու եմ Վեհափառին: Ես չեմ կարծում, որ քաղաքային իշխանությունը որեւէ կերպ լիազորություն ունի այս ամենի վրա ազդելու: Սակայն ես հույս ունեմ, որ այս կրքերը վերջապես կհանդարտվեն: Ի վերջո բոլորս գիտենք, որ կաթողիկոսը նշանակվում է այլ արարողակարգով: Այսինքն, այս դեպքում փողոցային պայքարը ինքս ճիշտ չեմ համարում, որովհետեւ ձեւաչափը այլ է: Եթե պայքարողները ցանկանում են լինել ավելի արդյունավետ, պետք է փոխեն այս գործելաոճը»:

Հիշեցնենք, որ «Նոր Հայաստան, նոր հայրապետ» շարժման մասնակիցները դեռեւս հունիս ամսից բողոքի ակցիաներ են անցկացնում Երեւանում եւ Էջմիածնում՝ պահանջելով՝ կաթողիկոսի հրաժարականը։

Տպել
1409 դիտում

Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

Քարոզչական նախապատրաստման փուլն է

Մարալիկ-Լանջիկ ավտոճանապարհին մեքենա է կողաշրջվել. 29-ամյա վարորդը հոսպիտալացվել է

Արթիկում 46-ամյա էլեկտրիկը հոսանքահարումից մահացել եւ ընկել է բարձր լարման բջջի մեջ

Կուտոյանի մահը չի կարող ինքնասպանություն լինել․․․նա ինֆորմացիայի կենդանի կրող էր․ քաղաքագետ

ՀՀ ԱԺ նախագահ Արարատ Միրզոյանը զրույց է ունեցել Արցախի խորհրդարանի նախագահ Աշոտ Ղուլյանի հետ

Գեորգի Կուտոյանի հոգեհանգիստը տեղի կունենա վաղը՝ հունվարի 19-ին, ժամը 17:50-ին

Սոթք-Քարվաճառ ավտոճանապարհը դժվարանցանելի է, Հարթաշեն-Տաշիրը՝ փակ

Վարչապետը ծանոթացել է CARD հիմնադրամի գործունեությանը և հանձնարարական տվել Էկոնոմիկայի փոխնախարարին

Խոսքի ազատության ու պետական շահերի նուրբ սահմանագիծը

Արսեն Թորոսյանը հանդիպել է «Հոսփիթլ Մենեջմենթ» ծրագրի մասնակիցների հետ

Կառավարությունն ամեն ինչ կանի Գեորգի Կուտոյանի մահվան հանգամանքները լիարժեք բացահայտելու համար

ՀՀ եւ ԱՀ միջխորհրդարանական հատուկ նիստում Բաքվի հայկական ջարդերը դատապարտող համատեղ հայտարարություն է ընդունվել

ՀՀ գլխավոր դատախազությունը կապահովի Գեորգի Կուտոյանի մահվան բոլոր պատճառների ու հանգամանքների բացահայտումը

ՀՀ Քննչական կոմիտեն նոր մանրամասներ է հրապարակել Գեորգի Կուտոյանի մահվան դեպքի հետ կապված

«Մամուլի շենքի»-ի հրդեհը մարված է. տարհանվել է 50 քաղաքացի

Ամփոփվել են ԶՈՒ ՌՔԿՊ զորքերում իրականացված աշխատանքները

«Դալմա Գարդեն մոլ»-ը հունվարի 19-ից կվերսկսի աշխատանքը

Բալային համակարգի ներդրումից հետո որոշ քաղաքացիներ բիզնես են սկսել. 1 բալն արժե 50-65 հազար դրամ, զեղչեր էլ չկան

Արցախի հայության գոյության միակ հնարավոր ճանապարհը Արցախի ինքնորոշումն է. Արարատ Միրզոյան