Մի հատ էլ հրետանային համազարկ կլինի եւ կգնան Նոր տարի նշելու. ԲՀԿ-ԼՀԿ պատերազմի հանգուցալուծումը

Դեկտեմբերի 5-ին՝ նախընտրական քարոզարշավի շրջանակներում, Հանրային հեռուստաընկերության ուղիղ եթերում տեղի ունեցած քաղաքական մեծ դեբատից հետո «Բարգավաճ Հայաստան» եւ «Լուսավոր Հայաստան» կուսակցությունների միջեւ «փոխհրաձգություն» է սկսվել: Լուսավորականները հայտարարում են, որ Գագիկ Ծառուկյանն օլիգարխ է եւ քաղաքականությունում անելիք չունի, իսկ ԲՀԿ-ականները հակադարձում են, որ ԼՀԿ-ն Սերժ Սարգսյանի փեսա Միքայել Մինասյանի պրոյեկտն է:

«Լուսավոր Հայաստան» կուսակցության նախագահ Էդմոն Մարուքյանը կարծում է, որ ԲՀԿ նախագահ Գագիկ Ծառուկյանը չի «մարսել» դեբատի ժամանակ տված իր հարցը եւ հիմա հակաքարոզչություն է իրականացվում իր եւ թիմակիցների նկատմամբ: Հիշեցնենք, որ դեբատի ժամանակ Էդմոն Մարուքյանը Ծառուկյանից հետաքրքրվել էր, թե ինչո՞ւ է մտնում քաղաքական դաշտ, երբ նոր Հայաստանում բիզնեսն ու քաղաքականությունը պետք է միմյանցից առանձնացված լինեն:

«Ասում եմ՝ գործարարներին մենք կպաշտպանենք, կարիք չկա գնալ խորհրդարան նոր Հայաստանում, ու իրենք մտնում են անձնական դաշտ, ասում են՝ տո՛, դու քեզ պաշտպանի, քո կուսակցությանը պաշտպանի: 2007-ից Հայաստանում երկրորդ ուժն եք՝ կա՛մ կոալիցիա եք, կա՛մ ընդդիմություն, եւ երկու դեպքում էլ Սերժ Սարգսյանին եք պաշտպանել»,- ֆեյսբուքի իր էջում գրել էր Էդմոն Մարուքյանը:

Մարուքյանը ԲՀԿ-ականների հայտարարություններին ի պատասխան նաեւ նշել է, որ ինքը եւ իր ղեկավարած կուսակցությունը պրոյեկտ չեն, ավելին՝ իրենք կարող են պրոյեկտ ունենալ։

Ի պատասխան՝ ԲՀԿ մամուլի ծառայությունը երեկ հայտարարություն տարածեց: Սակայն, մինչ այս եւ սրանից հետո էլ ԲՀԿ-ական տարբեր պատգամավորներ մի քանի րոպե պարբերականությամբ ֆեյսբուքում գրառումներ են կատարում ԼՀԿ-ի մասին:

ԲՀԿ-ն իր հաղորդագրության մեջ անդրադարձել է Մարուքյանի այն հայտարարությանը, որ Գագիկ Ծառուկյանը օլիգարխ է եւ ազդեցություն ունի քաղաքական համակարգի վրա։ «Պարոն Մարուքյան, օլիգարխը նա է, որ պետական կառավարման ոլորտում ունեցած իր պաշտոնը օգտագործում է իր բիզնես շահերի համար։ Հիշեցնենք, որ Գագիկ Ծառուկյանը երբեւէ պետական որեւէ պաշտոն չի զբաղեցրել եւ դուք չեք կարող բերել որեւէ դեպք, երբ «Բարգավաճ Հայաստանի» քաղաքական կապիտալը ծառայեցվել է որեւէ բիզնես նպատակի։ Չի եղել եւ չի կարող լինել նման փաստ»,- ասված էր ԲՀԿ հայտարարության մեջ։

Էդմոն Մարուքյանը Գագիկ Ծառուկյանին մեղադրել էր Ռոբերտ Քոչարյանի հետ համագործակցության եւ 2008 թվականի մարտի 1-ին թիկնազորով ժողովրդի դեմ դուրս գալու մեջ: Հակառակ կողմից էլ ԲՀԿ-ականները նշում են, որ Միքայել Մինասյանը ԼՀԿ-ի քարոզարշավում ներդրված փողերն է հետ ուզում, քանի որ կուսակցությանը չի հաջողվել խորհրդարանում 2-րդ ուժը լինել:

Քաղաքական վերլուծաբանները զարմացած են ԲՀԿ-ԼՀԿ անսպասելի փոխհրաձգությունից: Մասնավորապես, քաղտեխնոլոգ Կարեն Քոչարյանը «Հայկական ժամանակ»-ի հետ զրույցում ասաց, որ երկու քաղաքական ուժերի գործիչների պահվածքն անհասկանալի է եւ ոչ տրամաբանական:

«Ընտրություններից հետո, երբ երկուսն էլ անցել են խորհրդարան, ինձ համար մի փոքր անհասկանալի է: Սա գալիս է նաեւ նրանից, որ լրատվական դաշտը ֆիքսվեց այն հանգամանքի վրա, որ խորհրդարանում իրական ընդդիմություն չկա: Այստեղ, երեւի, յուրաքանչյուրը փորձում է ապացուցել, որ իրենք ընդդիմություն են: Ինքս կարծում եմ, որ երկուսն էլ սխալ են անում: Երկուսն էլ դրանից վարկանիշ կկորցնեն: Եթե իրենք դա չեն հասկանում, ես իրենց ընկերական խորհուրդ եմ տալիս»,- ասաց Կարեն Քոչարյանը:

«Հայկական ժամանակ»-ի դիտարկմանը, որ իրական ընդդիմությունը ձեւավորվում է իշխանությունների գործողություններն առողջ քննադատելիս, այս դեպքում «Բարգավաճ Հայաստանն» ու «Լուսավոր Հայաստանն» ի՞նչ շահ ունեն միմյանց քննադատելու, Կարեն Քոչարյանը մեկնաբանեց. «Ես էլ եմ դա ասում, որ միմյանց վրա ցեխ շպրտելով՝ ոչ մի բանի չեն հասնի»:

Քաղաքական այս մենամարտը քաղտեխնոլոգի կարծիքով՝ այն բանի համար է, որ այս երկու ուժերից մեկը խորհրդարանում ներկայանա որպես միայնակ ընդդիմադիր ուժ: «Երեկ իմ կողմից շատ հարգված Էդմոն Մարուքյանն ասաց, որ կմաշացնենք: Կմաշացնեն, բայց կմաշվեն էլ: Սա է խնդիրը, որ ես երկուսին էլ կոչ եմ անում՝ թարգե՛ք, ժողովուրդ, որովհետեւ դա ռեսուրս է մաշում եւ շատ անիմաստ: Միակ տրամաբանությունն այն է, որ կփորձեն դիրքավորվել այն դաշտում, որը լրատվամիջոցները իրենց չեն տալիս, բայց դա իրենք ժամանակի ընթացքում իրենց գործունեությամբ պետք է ապացուցեն, ով է ընդդիմադիր, ով՝ ոչ: Շուտով Ազգային ժողովի նիստերը կսկսվեն եւ դա հնարավորություն է ապացուցել, թե ով է ընդդիմադիր»:

Կարեն Քոչարյանը միաժամանակ կանխատեսումներ չի անում, թե այս հեռակա բանավեճն ինչով կավարտվի: Սակայն նշում է, որ երկար չի տեւելու: «Մի հատ էլ հրետանային համազարկ կլինի, ծանր հրետանի կհանեն իրար վրա եւ Նոր տարի է գալիս, ամեն մեկը կգնա իր Նոր տարին նշելու: Հենց լրատվամիջոցները գնան արձակուրդ, իրենք էլ կվերջացնեն»:

Տպել
3428 դիտում

Սյունիքի մարզի Տեղ և Տաթև համայնքներում հաղթել են «Քաղաքացիական պայմանագիր» կուսակցության թեկնածուները

Դիլիջանում 57% ձայնով հաղթել է «Քաղաքացիական պայմանագիր» կուսակցության թեկնածուն

Գյումրու ՏԻՄ ընտրությունների արդյունքները 61 ընտրատեղամասերից (թարմացվող)

ՏԻՄ ընտրություններում արձանագրված խնդիրները ՄԻՊ-ը կամփոփի և կուղարկի իրավասու մարմիններին

Հայտնի է Գյումրու ՏԻՄ ընտրությունների նախնական պատկերը (թարմացվող)

ՏԻՄ ընտրություններին ժամը 20։00-ի դրությամբ մասնակցել է ընտրողների 33,23 տոկոսը

Հայտնի է Գյումրու ՏԻՄ ընտրությունների նախնական պատկերը

Գյումրիում 109.453 ընտրելու իրավունք ունեցող քաղաքացուց այսօր ընտրատեղամաս է գնացել 26.417 մարդ

Ոստիկանությունն առաջարկում է 10 տարվա փոխարեն անձնագրերը տրամադրել ընդամենը 2 տարվա վավերականության ժամկետով

Ժաննա Անդրեասյանը՝ տարակարգի և կամավոր ատեստավորման նկատմամբ ուսուցիչների հետաքրքրությունների մասին

ՔՊ աջակիցը գումար չի բաժանում ընտրատեղամասերի մոտ․ Ալեքսանյանը մեկնաբանում է տարածվող տեսանյութը

ՏԻՄ ընտրություններն ավարտվեցին. բոլոր տեղամասերը փակվել են

Կազմվել է 1 արձանագրություն՝ դիմակ չդնելու, պատվաստված չլինելու կամ ՊՇՌ թեստի բացասական պատասխան չունենալու հիմքով

10.000-20.000 դրամի շնորհիվ էին գալիս, հիմա չկա, չեն գալիս. 17:00-ի դրությամբ Գյումրիում ընտրական ցուցանիշը 18.31% է

ՏԻՄ ընտրություններին մասնակցությունը ժամը 17:00-ի դրությամբ կազմել է 25.51 տոկոս․ ԿԸՀ

Հրդեհ է բռնկվել Արևադաշտ գյուղի տներից մեկի տանիքում

Չկա ահազանգ, հրապարակում, որը մեր աչքին ընկնի, ենթադրյալ հանցագործության տարրեր պարունակի և արձագանք չստանա. ՇՄ դատախազ

Մոտ ապագայում մեր քաղաքացիները կունենան ժամանցի համար լավագույն հարմարություններով հագեցած քաղաքային զբոսայգի. ՇՄՆ

Հրդեհ Նոր Երզնկա գյուղում. այրվել է մեծ քանակությամբ անասնակեր

Վլադիմիր Պուտինը ժամացույց է նվիրել Նիկիտա Սիմոնյանին

Գորիսում իրավապահները շրջափակել են «Առուշ Առուշանյան» դաշինքի շտաբը. կա դատարանի որոշում՝ խուզարկություն կատարելու

Վրաստանում ՏԻՄ ընտրությունների երկրորդ փուլ կանցկացվի 20 քաղաքներում և 42 մեծամասնական ընտրատարածքներում

Մահացել է փաստաբան Ռուբեն Սահակյանը

News.am-ի, YerevanToday-ի և Antifake.am-ի ներկայացուցիչները առանց հավատարմագրման այցելում են ընտրատեղամասեր. Իոաննիսյան

Տեղի է ունեցել աշխարհահռչակ հայազգի ճարտարագետ Ալեքսանդր Քեմուրջյանի 100-ամյակին նվիրված համաժողով (տեսանյութ)

ԿԸՀ-ն ներկայացրել է ՏԻՄ ընտրություններում քաղաքացիների մասնակցության ցուցանիշը ժամը 14։00-ի դրությամբ

Թուրքիան հավելյալ 11 միլիարդ խորանարդ մետր գազ կգնի Ադրբեջանից

Տարադրամի փոխարժեքները մնացել են անփոփոխ

Գորիսում մասնակցող ուժերից երկուսի նախընտրական պաստառները փակցված են օրենքի խախտումով. Իոաննիսյան

Կըսեն Գյումրի իրոք ապագա կա, ու էդ ապագան էս էրեխեքինն է. Արսեն Թորոսյանը Գյումրիում ֆուտբոլ է խաղացել (տեսանյութ)

Իրանը նոր զորավարժությունների մասին է ազդարարում, այս անգամ՝ Պակիստանի հետ

Ասել՝ մասնակցությունը պասիվ է, ներկա պահին ճիշտ չի լինի. Ժամը 14:00-ի դրությամբ Գյումրիում 11,21 տոկոսն է քվեարկել

Երասխում բռնկված հրդեհի հետևանքով այրվել է մոտ 4000 հակ անասնակեր

3 երեխա է զոհվել, ևս 3-ը՝ վիրավորում ստացել Սիրիայի հյուսիսում ականի պայթյունի հետևանքով

ՆԱՏՕ-ի հատուկ ներկայացուցիչը կժամանի Կովկաս. այցելելու է նաև Հայաստան

Երևանում միմյանց բախվելուց հետո 2 մեքենաներից մեկը հարվածել է գովազդային վահանակին. կան վիրավորներ

Առաջիկա օրերին ցրտելու է. ՀՀ շրջանների զգալի մասում սպասվում են անձրև ու ամպրոպ

Գեղարքունիքի մարզպետարանում պատրաստվում են հայ-ռուսական միջտարածաշրջանային համաժողովին

«Հյուսիսային հոսք 2»-ը պատրաստ է գործարկման. սպասում են Գերմանիայի թույլտվությանը

Գնացինք կուտակման ահազանգով, պարզվեց՝ հավատացյալների հավաք է. 11:00-ի դրությամբ Գյումրիում 3.92 տոկոս մասնակցություն կա