Մահացել է ՀԽՍՀ մշակույթի վերջին նախարար Յուրի Մելիք-Օհանջանյանը

Դեկտեմբերի 17-ին, 79 տարեկան հասակում կյանքից հեռացել է բանասեր, ՀԽՍՀ մշակույթի վաստակավոր գործիչ, ՀԽՍՀ մշակույթի վերջին նախարար Յուրի Մելիք-Օհանջանյանը: Յուրի Մելիք-Օհանջանյանը ՀԽՍՀ մշակույթի նախարարի պաշտոնը զբաղեցրել է հինգ տարի (19.12.1985-03.12.1990):

Մշակույթի վաստակավոր գործչի որդին՝ Ռուբեն Մելիք-Օհանջանյանը, «Հայկական ժամանակ»-ի հետ զրույցում ասաց, որ հայրը հիվանդության պատճառով է մահացել:

Յուրի Մելիք-Օհանջանյանը ծնվել է 1940 թվականին: Խորհրդային տարիներին զբաղվել է կուսակցական, հասարակական, մշակութային, իսկ վերջին տարիներին՝ մանկավարժական ակտիվ գործունեությամբ: Նա մեծանուն գիտնական, ակադեմիկոս Կարապետ Մելիք-Օհանջանյանի եղբորորդին է:

1962 թվականին ավարտել է Երեւանի պետական համալսարանի բանասիրական ֆակուլտետը: Նշանակում է ստացել Արտաշատի շրջանում, ապա 3 տարի դասավանդել Նորաշեն գյուղի միջնակարգ դպրոցում: 1965-66 թթ. պատասխանատու աշխատանքներ է վարել ՀԼԿԵՄ Երեւանի քաղկոմում ու կենտկոմում: 1966-68 թթ. աշխատել է ՀԿԿ Երեւանի Մյասնիկյանի շրջկոմի հրահանգիչ, 1968-76 թթ.՝ ՀԿԿ Երեւանի քաղկոմի պրոպագանդայի եւ ագիտացիայի բաժնի հրահանգիչ, բաժնի վարիչի տեղակալ, 1976-78 թթ.՝ քաղկոմի գիտության եւ ուսումնական հաստատությունների բաժնի վարիչ:

1978-83 թթ. վարել է ՀԿԿ Կենտկոմի պրոպագանդայի եւ ագիտացիայի բաժնի վարիչի տեղակալի պաշտոնը։ Ավարտել է ԽՄԿԿ Կենտկոմին առընթեր հասարակական գիտությունների ակադեմիան։ 1983-85 թթ. ընտրվել է ՀԿԿ Երեւանի Սպանդարյանի շրջկոմի առաջին քարտուղար: 1985-90 թթ. եղել է Հայկական ԽՍՀ մշակույթի վերջին նախարարը: Ընտրվել է ՀԿԿ Կենտկոմի անդամ, ՀԽՍՀ 11-րդ գումարման Գերագույն Խորհրդի պատգամավոր (1985-90 թթ.): 1990 թվականին արժանացել է Հայկական ԽՍՀ մշակույթի վաստակավոր գործիչի պատվավոր կոչմանը:

Յուրի Մելիք-Օհանջանյանի՝ որպես մշակույթի նախարարի պաշտոնավարման օրոք Հայաստանի մշակութային կյանքն ապրել է նոր վերելք: Նա մեծ ներդրում է ունեցել հայաստանյան մշակույթի մեջ՝ ներկայացնելով այն ոչ միայն ԽՍՀՄ ամբողջ տարածքում, այլ նաեւ Սուրբ Ղազար կղզու Մխիթարյան միաբանությունում, Ամերիկայի Միացյալ Նահանգներում, Ֆրանսիայում եւ այլուր:

Հետագա տարիներին վարել է խմբագրական աշխատանք, ծավալել հասարակական-քաղաքական գործունեություն։ 2001-02 թթ. աշխատել է Հայաստանի Հանրապետության կառավարությանն առընթեր տեղեկատվության եւ գրահրատարակչության վարչության պետի տեղակալ:

Տպել
586 դիտում

Ամանորին ընդառաջ ՀՀ-ում գրանցվեց գնանկում, բայց դա եղավ չվճարված հարկերի եւ չկայացած բիզնեսի հաշվին. ՊԵԿ նախագահ

Թեհրանը կաջակցի Ադրբեջանի տարածքային ամբողջականությանը. Իրանի զինված ուժերի գլխավոր շտաբի ղեկավար

Մոսկվան ողջունում է Բաքվի՝ ԼՂ հակամարտության կարգավորման լուծումներ գտնելու փորձերը. Լավրով

Լավրովը հույս ունի, որ կկարողանան ՌԴ վերադարձնել Ադրբեջանում ձերբակալված Մարատ Գալուստյանին

Ալեքսանդր Սարգսյանի որդին՝ Հայկ Սարգսյանը, խոսել է Պրահայում պահվող եղբոր՝ Նարեկ Սարգսյանի հետ

Մոսկվան պատրաստվում է հյուրընկալել Ռուսաստանի, Իրանի և Ադրբեջանի նախագահների հանդիպումը

Մենք ապրում ենք մշտական հեղափոխություննների ժամանակաշրջանում. Արմեն Սարգսյանի խոսքը Աբու Դաբիի համաժողովում

«Իմ քայլի» պատգամավորը հրաժարվել է մանդատից պատգամավորի ցածր աշխատավարձի պատճառո՞վ

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

2018 թվականին արտաքին առեւտրով ՀՀ է ներմուծվել 67 հազար 255 մեքենա. ՊԵԿ նախագահ

Փարիզում մեկնարկել է Հայաստանի և Ադրբեջանի արտգործնախարարներ հանդիպումը

Փաթաթում ենք, տաքացնում ենք․ Գյումրու թիվ 10 դպրոցը դրսից սառցակալել է

Ոչ ազնիվ մեղադրանքներ. դեսպան Սերգեյ Մինասյանը պատասխանել է Արման Բաբաջանյանին

ՊԵԿ-ում աշխատակիցների օպտիմիզացիա է կատարվել, 128 աշխատակից ազատվել է աշխատանքից. Անանյան

2018 թվականին 1 տրիլիոն 306 մլրդ 3 մլն դրամ ներհոսք է եղել պետական բյուջե. ՊԵԿ նախագահ

Դատարանը հեռացավ խորհրդակցական սենյակ՝ Քոչարյանի խափանման միջոցի վերաբերյալ որոշում կայացնելու

«Հանուն հայրենիքի մարդը չի գնում մանր գողության». սպանված ոստիկանի այրին դեմ էր Բիլյանին ազատելու միջնորդությանը

Փոխնախագահ ընտրելիս հաշվի առնվե՞լ է, որ ԼՀԿ-ն ապրիլին փողոց դուրս չի եկել. մեկնաբանում է ԱԺ փոխխոսնակը

Հույս չունենաք. նախագահները կատակ են արել

Փորձված մեթոդով. ռազմավարություն «նեղ կռուգի» համար