ՀՊՏՀ Կառավարման ամբիոնի վարիչի նշանակումը խաթարել է աշխատանքը, մթնոլորտը, բազմաթիվ են խախտումները. բաց նամակ

18/12/2018 schedule20:23

ՀՊՏՀ կառավարման ամբիոնի աշխատակիցները բաց նամակով դիմում են ՀՀ ԿԳ նախարարին ու վարչապետի պաշտոնակատար Նիկոլ Փաշինյանին՝ խնդրելով ուշադրություն դարձնել ամբիոնի վարիչի աշխատելաոճին. Բաց նամակը ներկայացնում ենք ամբողջությամբ.

Բաց նամակ ՀՀ վարչապետ Նիկոլ Փաշինյանին

Կրթության ու գիտության նախարար Արայիկ Հարությունյանին 

Մեծարգո պարոն վարչապետ, հարգելի պարոն նախարար, 

ՀՊՏՀ Կառավարման ամբիոնը ավելի քան 27 տարվա պատմություն ունի: Այս տարիների ընթացքում ամբիոնը մշտապես աչքի է ընկել իր բարի համբավով, պրոֆեսորադասախոսական կազմի բարձր մասնագիտական պատրաստվածությամբ, ներքին բարոյահոգեբանական առողջ միջավայրով, անձնակազմի համախմբվածությամբ: Այս մասին կարող են վկայել համալսարանի, և՛ աշխատակիցները, և՛ ուսանողները, և՛ ամբիոնի այն շրջանավարտները, ովքեր ՀՀ աշխատաշուկայում զբաղեցնում են բարձրաստիճան տարբեր պաշտոններ:

2018թ. սեպտեմբերին ամբիոնի վարիչ Յու. Մ. Սուվարյանը, իր դիմումի համաձայն ազատվել է ամբիոնի վարիչի պաշտոնից: Նրա փոխարեն ժամանակավոր պաշտոնակատար է նշանակվել նույն ամբիոնի պրոֆեսոր Ռուբեն Հայրապետյանը: Ժամանակավոր պաշտոնակատարի պաշտոնավարման 3,5 ամիսների ընթացքում արդեն խաթարվել է ամբիոնի բնականոն աշխատանքը, և, որ ամենակարևորն է՝ բարոյահոգեբանական մթնոլորտը, որի պայմաններում այլևս անհնար է աշխատել: Ռ. Հայրապետյանը սպառնում է ամբիոնի աշխատակիցներին աշխատանքից ազատումով: Ըստ նրա,  բոլոր այն դասախոսները, ովքեր համաձայն չեն իր կամայականությունների հետ, կամ համարձակվել են արտահայտել իր կարծիքին հակառակ կարծիք և բարձրաձայնել նրա ապօրինություններն ու խախտումները՝ չեն ունենալու ուսումնական ծանրաբեռնվածություն: Ժ/պ-ի անբարյացակամ և ամբարտավան վերաբերմունքը ամբիոնի հիմնական և երկար տարիների ստաժ ունեցող պրոֆեսորադասախոսական կազմի հանդեպ, ինչպես նաև աշխատանքի ընթացքում բազմաթիվ կարգերի խախտումներն ու 3-4 յուրայիններին տրվող կասկածելի արտոնությունները՝ անհանդուրժելի են ամբիոնի գերակշիռ մասի կողմից: Ամբիոնի գրեթե բոլոր նիստերի ընթացքում վարիչը իր մեկնաբանություններով փորձում է բացառապես ինքնահաստատվել, ինչը էլ ավելի է մեծացնում իր և ամբիոնի մեծաթիվ այլ անդամների միջև իր իսկ կողմից ստեղծած անջրպետը:

Ռ. Հայրապետյանը ամեն տեղ հայտարարում է, որ մեր ընդդիմանալուն շատ քիչ ժամանակ է մնացել, քանի որ իր ՀՊՏՀ ռեկտոր դառնալու հարցը «վերևներում» արդեն իսկ որոշված է և առավելագույնը փետրվար ամսին՝ ինքը կնշանակվի համալսարանի ռեկտոր: Սակայն, եթե նա ունակ չէ անգամ իրեն կառավարել, կամ համարժեք հարգանք ցուցաբերել ընդամենը մեկ ամբիոնի անձնակազմի նկատմամբ, լսել և հարգել մյուսների կարծիքը, կառավարել կոնֆլիկտները, ինչպե՞ս նա կարող է կառավարել մեր համալսարանը:

Մեծարգո պարոն Վարչապետ, հարգելի նախարար, պրոֆեսոր Ռ. Հայրապետյանի թույլ տված կամայակնությունների և վարքագծի առնչությամբ, ինպես բանավոր այնպես էլ գրավոր կերպով տեղեկացրել ենք համալսարանի ռեկտոր Կ. Աթոյանին, սակայն խնդիրը մինչ օրս լուծում չի գտել: Ուստի, խնդրում ենք ձեր միջամտությունը ՀՊՏՀ կառավարման ամբիոնի բնականոն աշխատանքի վերականգնման և վարիչի պաշտոնակատարի կամայականություններին վերջ դնելու հարցում: Մենք նպատակահարմար չենք գտնում Ռ. Հայրապետյանի պաշտոնավարումը և պահանջում ենք, մինչև մրցույթ հայտարարելը՝ նշանակել նոր ժամանակավոր պաշտոնակատար: Միևնույն ժամանակ խնդրում ենք զսպել Ռ. Հայրապետյանի ռեկտոր դառնալու անառողջ ամբիցիաները, քանի որ դրանց բավարարումը համալսարանում կստեղծի պայթյունավտանգ իրավիճակ:

Հարգանքներով՝ 

ՀՊՏՀ կառավարման ամբիոնի աշխատակիցներ 

Տպել
1506 դիտում

Հրշեջ-փրկարարները Երեւանում ու մարզերում մարել են մոտ 66.87 հա խոտածածկ տարածքներում բռնկված հրդեհները

Վանում փախստականներ տեղափոխող ավտոբուս է կողաշրջվել․ 15 մարդ է զոհվել՝ այդ թվում երեխաներ

ԱԳ նախարար Զոհրաբ Մնացականյանը ելույթ է ունեցել Կրոնական հարցերով նախարարական հանդիպմանը

Շրջակա միջավայրի նախարարությունը JIKA-ի հետ համագործակցության նոր ծրագրեր է մշակվել

Արա լեռան մոտակայքում քաղաքացիները մոտոցիկլետներով իջել են ձորը և չեն կարողացել դուրս գալ

ՀՀ ոստիկանության պետի աշխատակազմի ղեկավարը կհանդիպի Շիրակի մարզի բնակիչներին

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

Անշարժ գույքի կադաստրի պետկոմիտեի 5 ստորաբաժանումները կմիավորվեն մեկի մեջ, որը կտեղակայվի Վանաձորում

Արցախի խորհրդարանը կգումարի արտահերթ նստաշրջան

Հակոբ Արշակյանը Թեհրանում մասնակցում է «Սմարթ Իրան» կոնֆերանսին

ՀԱՕԿ-ը որոշել է էլ ավելի աբսուրդային քայլեր ձեռնարկել. բռնցքամարտի ֆեդերացիայի նախագահ

Մարդու իրավունքների պաշտպանն ընդունել է ՀՀ-ում Ֆրանսիայի արտակարգ և լիազոր դեսպանին

Իջեւանում «բողոքի ակցիաների» հրահրման գործում իր դերն ունի ԱԺ նախկին կարկառուն ՀՀԿ-ական պատգամավորներից մեկը

Առանց միացյալ ջանքերի չեմ պատկերացնում, որ որևէ տեղ կհասնենք. Զարեհ Սինանյանն այցելել է «Ռուսաստանի հայերի միություն»