«Շիրակի» մարզիչը նշում է՝ թիմը կպայքարի եվրագավաթների համար

«Շիրակ» ֆուտբոլային թիմի գլխավոր մարզիչ Վարդան Բիչախչյանին չի ուրախացնում, սակայն բավարարում է Բարձրագույն խմբի 2018-19 առաջնության առաջին հատվածը: Նախորդ մրցաշրջանում պայմանավորված խաղի հետ կապված սկանդալի մեջ ներքաշվելուց հետո ակումբը թիմը լուծարելու որոշում էր կայացրել, սակայն, երբ հայտնի դարձավ, որ Ռուբեն Հայրապետյանն այլեւս չի ղեկավարելու ՀՖՖ-ն, որոշում կայացվեց վերադառնալ: Դա առաջնության մեկնարկից ընդամենը մի քանի օր առաջ էր, ակումբը վերջին պահին թիմ կազմավորեց ու մրցելույթները սկսեց առանց նախապատրաստական հավաքների: «Հայկական ժամանակ»-ի հետ զրույցում մարզիչը նշեց, որ դա ունեցավ իր հետեւանքները:

«Ինչպես գիտեք, «Շիրակ» ֆուտբոլային թիմը հավաքվեց մրցաշրջանի՝ սկսվելուց մոտավորապես 10 օր առաջ, ու բնականաբար՝ մենք չունեինք պատշաճ կերպով պատրաստվելու համար բավականաչափ ժամանակ: Ստեղծված իրավիճակը հաշվի առնելով, իմ կարծիքով, աշնանային հատվածը կարելի է գնահատել բավարար՝ չնայած հնարավորություն ունենինք մի փոքր ավելի լավ հանդես գալու: Ամեն դեպքում ունենք այն, ինչ ունենք: Գնահատում եմ բավարար»,- ասաց Բիչախչյանը:

Թիմը զբաղեցնում է մրցաշարային աղյուսակի 6-րդ տեղը: 17 խաղում վաստակել է 22 միավոր: Մրցանակային՝ 3-րդ տեղում գտնվող «Փյունիկին» զիջում են 5 միավորով: Բիչախչյանը գիտակցում է, որ սա պայմանավորված է հապճեպ թիմ ձեւավորելու հետ, սակայն այսքան ցածր հորիզոնական զբաղեցնելն անսովոր է համարում:

«Չեմ կարող ասել՝ օրինաչափ է, թե՝ ոչ, քանի որ վերջին տարիներին մենք միշտ եղել ենք մրցաշարային աղյուսակի վերին հատվածում: 6-րդ տեղը մեզ չի գոհացնում, բայց էլի կրկնեմ՝ կային պատճառներ, որոնց արդյունքում թիմն այսօր 6-րդ հորիզոնականում է»,- ասաց նա՝ ավելացնելով, որ թե՛ վարչական կազմը, թե՛ ֆուտբոլիստները ջանք ու եռանդ չենք խնայելու, որպեսզի յուրաքանչյուր խաղից հետո բարելավեն իրենց մրցաշարային դիրքը:

Աղմուկից հետո «Շիրակը» հրաժարվել էր ոչ միայն Հայաստանի մրցաշարերին, այլեւ եվրագավաթներին մասնակցելուց: Եվրագավաթներում այդպես էլ ելույթ չունեցավ: Մրցաշրջանից առաջ Բիչախչյանը նշել էր, որ, եթե թիմը կրկին եվրագավաթների ուղեգիր ստանա, դժվար թե ակումբը չմասնակցի: Հիմա էլ ընդգծում է, որ պայքարելու են այդ հնարավորության համար:

«Բնականաբար՝ նպատակ կա: Դրա համար տեսնենք, լուծումներ են պետք: Տեսնենք՝ ինչ կստացվի»,- ասաց նա:

Ուղեգրի համար «Շիրակը» կարող է պայքարել միայն առաջնությունում: Գավաթի խաղարկությունից թիմն արդեն դուրս է մնացել: 1/8 եզրափակչում ճանապարհը զիջել է «Արցախին»:

Առաջիկա օրերի ընթացքում հանդիպում է լինելու ակումբի ղեկավարության հետ: Որոշվելու է, թե ինչ համալրումներ են լինելու թիմում եւ ովքեր են գնալու: Նաեւ պետք է կազմեն նախապատրաստական հավաքների ծրագիրը: Առաջնությունը վերսկսվելու է 2019 թ. մարտի 2-ին եւ 3-ին կայանալիք հանդիպումներով: «Շիրակը» մարտի 3-ին, 20-րդ տուրի շրջանակներում, կընդունի «Լոռիին»:

Տպել
483 դիտում

Կնոջ բերանը փակել են, ամուսնուն՝ դանակահարել․ ոստիկանները բացահայտել են ավազակային հարձակումը (տեսանյութ)

Մարգահովիտ գյուղի հարակից անտառում հնարավոր է ապօրինի ծառահատում է եղել

Տիգրան Ավինյանը ապրիլից 10 օրով արձակուրդ կգնա

Օֆշորային գործը վերաբացելուց հետո ՀՔԾ-ն փորձում է կապ հաստատել Միհրան Պողոսյանի հետ

«Վարդանանց» ԲԿ-ի Սևանի մասնաճյուղում համակարգչային շերտագրության ծառայություն է բացվել, Դիլիջանում՝ պոլիկլինիկա

Վթարվել է Ախթալայի ԼՀԿ-ի պոչատարը. պոչանքները փողոց են լցվել

Օրվա կադրը. կեծ-կեծ շագալաթ, շագալաթավ կաթ. սուրճի ապարատ՝ Կապանում

Տ. Ավինյանը և Լ. Մերեդիթին քննարկել են ՀՀ-ում էներգետիկ արդյունավետության բարձրացմանը վերաբերող հարցեր

Վարչապետը ծանր տպավորություն էր ստացել Ռանչպարից, քանի որ գյուղում մարդիկ կան, որ իրենց հողերը չեն մշակում․ գյուղապետ

Նիկոլ Փաշինյանը և Աննա Հակոբյանը դիտել են «44 աստիճանի վրա» ներկայացումը

Ներման խնդրանքով եմ դիմում Ձեզ. Վիտալի Բալասանյանը բաց նամակով դիմել է Բակո Սահակյանին

Ես ակամայից եմ հայտնվել այդ միջավայրում ու հնարավոր է լինեմ քաղաքականության մեջ. Մարիամ Փաշինյան

Արման Թաթոյանն այսօր այցելել է ՀՀ սահմանն ապօրինի հատած ադրբեջանցուն

Ա. Միրզոյանը գերմանացի գործընկերներին ներկայացրել է Բեռլինի դպրոցների դասագրքերում Հայոց ցեղասպանության անդրադարձի հարցը

Դպրոցի նորընտիր տնօրենն այսօր աշխատանքի է ներկայացել ոստիկանների ուղեկցությամբ. կրթօջախում մթնոլորտը լարված է

Այլևս ծնողներիս հետ չեմ մեկնի. Մարիամ Փաշինյանը պարզաբանում է՝ ինչու մեկնեց Բրյուսել կառավարական ինքնաթիռով

Հայկ Մարությանը շնորհակալություն է հայտնել Օպերայի սրճարաններն ապամոնտաժած անձնակազմին

Դավիթ Տոնոյանը ԿԽՄԿ պատվիրակության ղեկավարի հետ քննարկել է Կարեն Ղազարյանի ճակատագիրը

Ինձ անվստահություն հայտնելու հարցը վաղվա օրակարգ ես եմ բերել. Լեւոն Բարսեղյան

Մայրս պնդեց՝ ինչպես յուրաքանչյուր մայր կուզեր նշել դստեր 20-ամյակը. Մարիամ Փաշինյանը՝ ծննդյան խնջույքի մասին