Մշակույթի նախարարության աշխատակիցները դժգոհ են, վաղը բողոքի ցույց ու գործադուլ է սպասվում

ՀՀ մշակույթի նախարարության աշխատակիցները համացանցում միմյանց տեղեկացնում են վաղը նախատեսվող գործադուլի մասին:

Պատճառը կառավարության որոշումն է, ըստ որի՝ նախատեսվում է օպտիմալացման հետեւանքով հանել մշակույթի նախարարությունը, միացնել մի քանի նախարարություններ:

Աշխատակիցները կարծում են, որ սա սխալ որոշում է եւ չեն ուզում կորցնել իրենց աշխատանքը: Համացանցում Լուսինե Իգիթյան անունով օգտատերը, նշելով նախարարության մոտ 30 աշխատակիցների, կոչ է անում միանալ վաղվա գործադուլին՝ նշելով, որ նախարարությունը կարեւոր է մեր երկրի համար.

«ՀՀ մշակույթի նախարարությունը լինելու է, այն ՀՀ պաշտպանության նախարարության նման ռազմավարական նշանակություն ունի: Ոչ միացմանը:

Առավոտ 09:00-ին հավաքվում ենք  նախարարության շենքի մոտ ու ներս չենք մտնում, տեղեկացրեք բոլորին»,-ասված էվ գրառման մեջ:

մշակույթի նախարարության աշխատակազմի Մշակութային ժառանգության և ժողովրդական արհեստների վարչության պետի տեղակալ Երանուհի Մարգարյանն էլ իր էջում ծավալուն անդրադարձ է կատարել նախարարության փակիմանը՝ գրելով. «Հայաստանի Հանրապետության քաղաքացիներին և սփյուռքի համայնքների բոլոր կուսակցական և մշակութային կազմակերպություններին տեղեկացնում եմ հետևյալի վերաբերյալ: Ամիսներ առաջ համաժողովրդական հզոր շարժման արդյունքում ՀՀ կառավարության ղեկը ստանձնած իշխանությունն այսօր շրջանառության մեջ է դնում մի իրավական ակտի նախագիծ, ըստ որի փոփոխություններ են նախատեսվում ՀՀ կառավության կառուցվածքում:

Նախագծում շրջանառության մեջ է դրվել ՀՀ մշակույթի, սպորտի նախարարությունների միացում ՀՀ կրթության և գիտության նախարարությանը և միասնական սուպեր-նախարարության ստեղծում՝ ՀՀ կրթության, գիտության, մշակույթի և սպորտի նախարարություն անվամբ:

Հայաստանն այն բացառիկ երկիրն է, որի տարածքում ապրող բնակչությունը 10 հազարավոր տարիներ շարունակ շարունակաբար ապրել է նույն տարածքում, ստեղծել է հարուստ մշակութային ժառանգություն, որի պահպանման և սերունդներին փոխանցման համար մղել է կատաղի պայքար բոլոր տեսակի նվաճողների ու ոչնչացնողների դեմ: Հայաստանի Հանրապետությունը միատարր պետություն է, որի հիմնական հարստությունն իր մշակութային բացառիկությունն ու պահպանած ինքնությունն է: Հայաստանի Հանրապետությունը շրջապատված է բացահայտ թշնամի և ոխերիմ բարեկամ պետություններով՝ որոնք իրենց ներկայիս զբաղեցրած աշխարհագրական տարածքում չունենալով սեփական մշակութային ժառանգության որևէ հետք՝ շարունակաբար ոտնձգություններ են կատարում հայոց մշակույթի նկատմամբ, յուրացնում են այդ մշակույթը և անգամ Արցախյան հակամարտության ու Հայոց ցեղասպանության ճանաչման գործընթացներում հենց այդ կերպ հսկայական գումարներ ծախսելով՝ պայքարում հայ ժողովրդի և Հայաստանի Հանրապետության դեմ:

Թուրքիան և Ադրբեջանը տասնյակ միլիոնավոր դոլարներ են ծախսում աշխարհին մեզնից յուրացրած, գողացած մշակույթը ադրբեջանական կամ թուրքական հանրահռչակելու կամ տարածելու ուղղությամբ, իսկ այսօր Հայաստանի կառավարությունը հակադարձ քայլեր ձեռնարկելու փոխարեն՝ վերացնում է պետական մշակութային քաղաքականության ու մշակույթի բնագավառում ռազմավարություններ մշակող ու իրականացնող կառուցը: Հայաստանի Հանրապետությունը պետք է ունենա մշակույթի նախարարություն, այն էլ հզոր նախարարություն՝ ոլորտին տիրապետող ուժեղ, կառավարչական հմտություններով անձի գլխավությամբ: Պետք է զերծ լինի քաղաքական փոփոխություններից, որովհետև տարիներ շարունակ քաղաքական տարբեր իշխանություններ միանգամայն նպաստել են հայոց մշակույթի ոչ բավարար պահպանմանն ու հաճախ իրենց քաղաքական սխալ մոտեցումներով վնաս պատճառել մշակույթին:

Մշակույթի Նախարարությանը պետք է տրվի լայն լիազորություններ և միջոցներ՝ մշակույթը պահպանելու և ազգային արժեհամակարգի վրա ձևավորված հասարակություն ստեղծելու համար: Մշակույթի նախարարության ներսում մասնագետների տարիներով պայքարի ձայնը պետք է լսելի լինի իշխանությունների համար և ոչ թե մասնագետներին ճնշելով՝ առաջ տանեն քաղաքական սխալ որոշումներ:

Իմ բոլոր կոլեգաներին և մշակույթի պահպանման հարցում մտահոգ քաղաքացիներին կոչ եմ անում բարձարցնել բողոքի ձայն՝ Հայոց մշակույթի պահպանության ու ազգային արժեհամակարգի հաղթանակի համար:

Մշակույթի նախարարության գոյությունը ռազմավարական նշանակություն ունի և պետք է մշակույթը երկրում դիտարկվի որպես ոչ միայն պետության գոյության նախապայման, այլև՝ երկրի տնտեսական զարգացման հիմնական ռեսուրս»

Տպել
3074 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան