Նախկին զինծառայողը մի քանի տարի փորձում է վերականգնել առողջությունը. ուշադրություն գրավելու համար կեղծ ահազանգեր է տալիս

Խաղաղապահ զորքերի նախկին զինծառայող, 1-ին կարգի հաշմանդամություն ունեցող Դավիթ Հակոբյանն արդեն մի քանի տարի է՝ փորձում է վերականգնել զինծառայության ժամանակ սխալ վիրահատության ընթացքում կորցրած առողջությունը:

Այս տարիների ընթացքում Հակոբյանը դիմել է պաշտպանության 3 նախարարներին էլ, սակայն՝ ապարդյուն: Խոստումները՝ նրան Գերմանիայում բուժման ուղարկելու, իրականություն չեն դարձել:

Դավիթ Հակոբյանը դիմել է մեզ՝ բարձրաձայանելով, որ Պաշտպանության նախարար Դավիթ Տոնոյանը չի հանդիպում իր հետ, անտեսում է իրեն ուղղված դիմում-նամակները. հանդիպման նպատակն ըստ զինծառայողի՝ իր հետագա բուժման համար քայլեր ձեռնարկելն է:

Մեր զրույցում Հակոբյանը պատմեց, որ մի քանի տարի առաջ՝ 2012 թվականին, խաղաղապահ զորքերում ծառայություն իրականացնելու ժամանակ առողջական վիճակը վատացել է, որովայնի շրջանում սուր ցավեր է ունեցել, ինչի պատճառով նրան տեղափոխել են «Մուրացանի» հոսպիտալ, որտեղ եւ հոսպիտալի արդեն նախկին բժիշկ Գագիկ Թունյանը վիրահատել է Դավիթ Հակոբյանին: Զինծառայողի պնդմամբ՝ վիահատությունն արվել է առանց համապատասխան հետազոտություն իրականացնելու. «Աղիքային բորբոքոմ է եղել ինձ մոտ, բայց գրել էին՝ ստամոքսի խոց ունեմ, այնինչ, եթե նման բան լիներ, զգացնել կտար: Հետո աղիքներիցս կտրել հեռացրել են, բայց ինչի համար՝ չգիտեմ: Երկրորդ վիրահատությունն արեցին, որպեսզի առաջինը շտկեն: Վիրահատությունից հետո կոմայի մեջ եմ ընկել, արթնացել եմ մի քանի օր անց, բայց ոչինչ չեմ հիշել»,- մեր զրույցում պատմեց Հակոբյանը: Նա նշեց, որ սխալ վիրահատությունների հետեւանքով 1-ին կարգի հաշմանդամություն է ձեռք բերել: Նախկին զինծառայողի խոսքով՝ արդեն 7-8 տարի է՝ իրեն թողել են առողջական նման վատ վիճակի մեջ ու որեւէ լուծում չեն տալիս խնդրին:

Մեր հարցին ի պատասխան նախկին զինծառայողն ասաց, որ դեռեւս այն ժամանակվա պաշտպանության նախարար Սեյրան Օհանյանը հորդորել է չբողոքել բժշկի դեմ՝ խոստանալով բուժում արտերկրում: Սեյրան Օհանյանն ինձ այն ժամանակ ասաց՝ տղա ջան, ոչ մի տեղ ոչ բողոքեք, ոչ բան, կգնաս, կբուժվես: Ես առողջ գնացել եմ, կիսամեռ դուրս եմ եկել էդ հոսպիտալից, իմ առողջական վիճակը գնալով բարդանում է»,- ասաց Հակոբյանը: Նա հավելեց, որ նշված խնդիրների պատճառով չի կարողանում աշխատել, ապրում է սոցիալապես վատ պայմաններում: «Արդեն գժվել եմ ՊՆ դիմում տանելով, ինձ խաբելով ոչ ընդունում ա պարոն Տոնոյանը, ոչ էլ. ես չեմ հասկանում՝ ինչի չի ընդունում: Օհանյանը էդքան բան խոստացավ, չարեց, նույնը՝ Վիգեն Սարգսյանը չարեց, հիմա էլ պարոն Տոնոյանն է անտեսում: Դիմումով խնդրել եմ՝ կամ ուղարկեն ինձ բուժման, իսկ եթե չեն ուղարկում՝ մի հատ տոմս տան, ես էս երկիրից հեռանամ, էդքան բան եմ ասել, ոչ ասել եմ՝ տարեք էդ անասունին դատեք, ոչ ասել եմ՝ ինչ-որ գործ բացեք, ստից չլչլեք»,- նշեց Հակոբյանը:

Առաջին կարգի հաշմանդամություն ունեցող Դավիթ Հակոբյանը այժմ մեղադրվում է ահաբեկչության մասին կեղծ ահազանգ կատարելու համար: Մասնավորապես, ըստ Դատական տեղեկատվական համակարգի՝ Դավիթ Հակոբյանին մեղադրանք է առաջադրվել այն բանի համար, որ նա 2018թ. հունիսի 21-ին` ժամը 08:47-ին Արմավիրի մարզի Մայիսյան գյուղի իր տանից իր անվամբ գրանցված եւ իր կողմից շահագործվող բջջային հեռախոսահամարից զանգահարել է ՀՀ ոստիկանության Երեւան քաղաքի վարչության շտաբի օպերատիվ կառավարման կենտրոնի 1-02 հեռախոսահամարին եւ նախապատրաստվող ահաբեկչության մասին սուտ հաղորդում է տվել այն մասին, թե իբր ՀՀ պաշտպանության նախարարությունում ռումբ կա դրված: Այս գործը մակագրվել է դատավոր Վահե Խալաթյանին, դեռ նիստի օր չի նշանակվել:

Սա առաջին անգամը չէ, երբ նախկին զինծառայողը մեղադրվում է ահաբեկչության մասին կեղծ ահազանգ տալու համար: Նա 2014 թվականին մի քանի անգամ կեղծ ահազանգ է տվել ոստիկանություն այն մասին, որ ՀՀ պաշտպանության նախկին նախարար Սեյրան Օհանյանի աշխատասենյակում ռումբ կա տեղադրված, բացի դրանից նա կեղծ ահանզագ է ներկայացրել նաեւ իրեն սխալ վիրահատող բժշիկ Գագիկ Թունյանի վերաբերյալ՝ նշելով, թե նրա բնակարանում ռումբ կա տեղադրված: Դավիթ Հակոբյանը մեղավոր է ճանաչվել ՀՀ ՔՕ 259 հոդվածով (ահաբեկչության մասին սուտ հաղորդում տալը) դատապարտվել 1 տարի 5 ամսվա ազատազրկման: ՀՀ քրեական օրենսգրքի 70 հոդվածի կիրառմամբ՝ Դավիթ Հակոբյանի նկատմամբ ազատազրկման ձեւով նշանակված պատիժը պայմանականորեն չի կիրառվել՝ սահմանելով փորձաշրջան մեկ 1 տարի ժամկետով: 

Նույն թվականին Դավիթ Հակոբյանը կրկին ահաբեկչութան մասին կեղծ ահազանգ է ներկայացրել ոստիկանություն՝ այս անգամ էլ հաղորդելով, թե իբր ՀՀ ՊՆ կենտրոնական կայազորային զինվորական հոսպիտալի պետի աշխատասենյակում ռումբ է տեղադրված: Մի քանի անգամ ահաբեկչության մասին կեղծ ահազանգ տալու համար մեղադրվող Դավիթ Հակոբյանը մի քանի ամիս պահվել է «Արմավիր» ՔԿՀ-ում:

Մեր զրույցում Հակոբյանն ասաց, որ կեղծ զանգերի պատճառն իր վրա ուշադրություն սեւեռելն է եղել: «Ստիպված, չունենալով ոչ մի հնարավորություն, էդ տարբերակով փորձել եմ ուշադրություն հրավիրել իմ խնդրի վրա»,- ասաց նախկին զինծառայողը: «2014 թվականին ինձ դատել են 1 տարի 6 ամիս ժամկետով, մի ամիս ու մի քանի օր էր մնում, որ դուրս գայի, ինձ Սերժ Սարգսյանը ներում շնորհեց, դուրս եկա: Պարոն Վիգեն Սարգսյանը ինձ ընդունեց, խոստացավ որ կփորձի օգնի, կուղարկեն բուժման, բայց խաբեց, բան չարեց: Եթե ես դատապարտվել եմ բուժման գնալու համար, իր ընդունելու ու բան չանելու իմաստը որն էր: Ինձ թվում է, որ նախագահը ներում է շնորհում անմեղ մարդուն, ոչ թե հանցագործին»,- ասաց նախկին զինծառայողը:

Նշենք, որ Դավիթ Հակոբյանը ավարտել է «Բերկուտ» թիկնապահական քոլեջը, 2 ամիս թիկնապահ է աշխատել, ապա ծառայության անցել Խաղաղապահ զորքերում:

ՀՀ ՊՆ մամուլի խոսնակ Արծրուն Հովհաննիսյանից խնդրեցինք մեկնաբանել, թե ինչու նախարարը չի հանդիպում նախկին զինծառայողի հետ, ինչին ի պատասխան Հովհաննիսյանն ասաց, որ Դավիթ Հակոբյանն ու նախարար Դավիթ Տոնոյանը հանդիպել են վերականգնողական կենտրոնում: «Խոսել են մոտ կես ժամ, պաշտպանության նախարարը իրեն շատ հստակ բացատրել է, որ հանդիպումը ոչինչ չի տա իրենց, որովհետեւ պաշտպանության նախարարը ի զորու չէ իրավական համակարգի վրա ազդելու»,- ասաց Հովհաննիսյանը՝ պնդելով, որ խնդիրը իրավական տիրույթում է եւ որ պաշտպանության նախարարության ասելիք ու անելիք չեն տեսնում: Մեր դիտարկմանը, որ զինծառայողի պնդմամբ՝ ՊՆ-ից խոստացել են իրեն տեղափոխել արտերկիր՝ բուժման, Հովհաննիսյանն ասաց, որ նույնիսկ դա իրավական տիրույթում է: Ըստ էության՝ Հովհաննիսյանը նկատի ունի այն, որ զինծառայողը իր առողջական վատ վիճակի համար մեղադրում է բժիշկին, բացի սրանից նշում, որ Օհանյանի խնդրանքով չի բողոքել բժիշկի դեմ, քանի որ վերջինս խոստացել էր Հակոբյանին տեղափոխել արտերկիր՝ բուժման:

Անդրադառնալով Հովհաննիսյանի այս մեկնաբանությանը, Հակոբյանն ասաց. «

Իսկ պարոն Տոնոյանի հետ, երբ ես հանդիպեցի առաջին վերականգնողական հիվանդանոցում, լիքը մարդիկ են ներկա եղել, էդ հանդիպումը, մեր խոսելը 10 րոպե էլ չի տեւել ու ինձ ոչինչ չի ասել: Ես միայն խնդրում էի՝ ինձ ընդունի առանձին, քանի որ խնդիրը քննարկելու տեղ չի դա, բայց պարոն Տոնոյանը չընդունեց: Պարոն Հովհաննիսյանը եթե ցանկանում է պաշտպանողական վահանի դեր ստանձնել, ապա ես ասեմ, որ ես իրենց թշնամին չեմ, որքան էլ իրենք իրենց այդպես են պահում: Պարոն Հովհաննիսյանը պարզապես խնդիրս լավ չի իմանում, գուցե դրա համար բացթողում է արել, ես դա ներում եմ»:

Տպել
1989 դիտում

Մեկնարկեց ֆուտբոլի Հայաստանի առաջնությունը. «Փյունիկը» հաղթեց ԲԿՄԱ-ին

Ծաղկաշեն գյուղում այրվել է մոտ 500 հակ անասնակեր

Նիկոլ Փաշինյանի նվիրած 2 ճագարը Միքայելին տարավ երազանքի հետևից. գյումրեցի տղան Հայաստանի ամենափոքր ճագարաբույծն է

ԱԺ-ն ամբողջությամբ ընդունեց հայհոյանքը քրեականացնող նախագիծը

Նիկոլ Փաշինյանը հեռախոսազրույց է ունեցել Կարմիր Խաչի Միջազգային Կոմիտեի նախագահ Փիթըր Մաուրերի հետ

Տոկիո-2020. Արմեն Մելիքյան և Կարեն Ասլանյան. Երիտասարդ ըմբիշների առաջին օլիմպիական փորձը

ՄԻՊ-ը միջազգային կառույցների ներկայացուցիչներին է ներկայացրել սահմանային բնակիչների իրավունքների խախտումները

18 տարեկանից բարձր սովորողները պետք է ներկայացնեն պատվաստման սերտիֆիկատ կամ 14 օրը մեկ թեստ հանձնեն․ նախագիծ

Նկարիչների միության շենքում տեղի է ունեցել Գրքի երևանյան չորրորդ փառատոնի բացման հանդիսավոր արարողությունը

Վանաձոր-Ալավերդի ավտոճանապարհին ավտոմեքենա է այրվել

Ճանապարհային երթեւեկության խախտման քանի դեպք են արձանագրել քաղաքացիները եւ ուղարկել ոստիկանություն

Հայտնի են թափուր մրցույթի ընդունելության արդյունքները. 2 փուլերից հետո բուհերին տրված տեղերի կեսն անգամ չի համալրվել

Թուրքիայի բնակիչներն աշխարհում ամենից քիչ են ժպտում. Gallup

Շիրակում ՔՈՓ թիմը դաշտային վարժանք է անցկացրել (տեսանյութ)

Երևանը համարում եմ շնչող էակ․ Մարությանը հյուրընկալել է համայնքին աջակցող անհատների և ընկերությունների ներկայացուցիչների

Վրաստանը կորոնավիրուսի նոր բռնկման վտանգի տակ է

Մեկ նամականիշով գեղաթերթիկ՝ նվիրված «Մեծանուն հայեր. Առնո Բաբաջանյանի ծննդյան 100-ամյակը» թեմային

«Պոլիտեխնիկը պետք է դառնա արդյունաբերության թիվ 1 հենարանը»․ Հայկ Չոբանյան

Վարանդայի շրջանում հայտնաբերվել և տարհանվել է մեկ զինծառայողի աճյուն

Հայաստանում մեկնարկել է «Մարդկանց թրաֆիքինգի և շահագործման իրազեկման և կանխարգելման» տեղեկատվական արշավը

ԱԳՆ-ն ողջունել է ԵԱՀԿ Մինսկի խմբի համանախագահության մոտեցումները՝ վերսկսելու խաղաղ բանակցային գործընթացը

Եվրահանձնաժողովը սկսել է պատրաստվել գլոբալ աղետին

Սյունիքի մարզպետը հրաժարական տալու մտադրություն չունի․ մարզպետարան

«Հայաստան» և «Պատիվ ունեմ» դաշինքները հանդես կգան Ազգային ժողովի փոխխոսնակի միասնական թեկնածուով

Հոռետեսական սցենարից խուսափել ենք, բայց լավատեսականով էլ չենք ընթանում. Քթոյանը՝ տնտեսական ակտիվության ցուցանիշի մասին

Ազգային Ժողովի 7-րդ գումարման վերջին նիստն է, ավարտվում է նաև իմ պատգամավորական գործունեությունը․ Վիկտոր Ենգիբարյան

Վերաքննիչ քրեական դատարանը մերժել է Միքայել Մինասյանի կալանավորման դեմ պաշտպանների կողմից բերված բողոքը

Եվրոպական խորհրդարանի զեկուցողները դատապարտել են Ադրբեջանի սադրիչ գործողությունները․ «Արմենպրես»

Պաշտոնատար անձինք պարտականությունները չեն կատարել, որի արդյունքում «ԲԷՑ» ընկերությունը չի կատարել իր պարտավորությունները

Արմեն Շեկոյանի մահվան կապակցությամբ ստեղծվել է թաղման հանձնաժողով

Փաշինյանի՝ Սյունիքի մարզ այցի ժամանակ տեղի ունեցած խուլիգանության գործով կա 32 մեղադրյալ. «Լուրեր»

Մոսկվան անհանգստացած է հայ-ադրբեջանական սահմանին տեղի ունեցած զինված միջադեպերով. «Արմենպրես»

Արցախից ծանր գանգուղեղային վնասվածքով «Սուրբ Աստվածամայր» ԲԿ է տեղափոխվել 3-ամյա երեխա

«Աճառյանի բառարանն օրենսդրական ակտ չէ». հայհոյանքի դեպքում առաջարկվող պատիժներն ու պատգամավորների բանավեճը

Տոկիո-2020. Լողորդ Արթուր Բարսեղյանը հանդես եկավ 50մ ազատ ոճ մրցաձևում (տեսանյութ)

28-ամյա տղամարդու գործողություններից 26 անձ է տուժել. նրան մեղադրանք է առաջադրվել

«Aerostar»-ը իսրայելական հետախուզական ԱԹՍ է, որի գինը հասնում է հարյուր հազարավոր դոլարների. Հովհաննիսյան

«Զվարթնոց» օդանավակայանում հայտնաբերվել է գումարով և ոսկյա իրերով պայուսակ

Արմեն Գրիգորյանը Թիերի Ռիբոյի հետ խոսել է Ադրբեջանի կողմից հայ ռազմագերիների նկատմամբ շինծու քրեական հետապնդման մասին

Շիրակի և Սյունիքի մարզպետները կմեկնեն արձակուրդ