Չի բացառվում, որ ամեն ինչ զրոյից սկսենք. Հայկ Մարությանը՝ հանրային տրանսպորտի խնդրի մասին

Երեւանի քաղաքապետ Հայկ Մարությանը, ի տարբերություն նախորդ իշխանությունների, մայրաքաղաքում հասարակական տրանսպորտի հիմնախնդրի լուծման առավել երկար ժամկետ է նախանշում:

Քաղաքային նախկին իշխանությունները հայտարարել էին, թե երթուղային նոր ցանցը պատրաստվում են գործարկել 2018 թվականի վերջից: Նրանք, ինչպես հայտնի է, դիմել էին միջազգային խորհրդատու կազմակերպության օգնությանը՝ դրա համար հատկացնելով 850 հազար եվրո: Նոր իշխանություններն ասում են, որ տրանսպորտի խնդիրը կարող է կարգավորվել երկուսից չորս տարվա ընթացքում:

Քաղաքապետ Հայկ Մարությանը լրագրողների հետ զրույցում այսօր նկատեց, որ նախկինում պարբերաբար հնչել են ժամկետներ, բայց դրանք շարունակ չեն պահպանվել ու հետաձգվել են: Իսկ իրենք ժառանգություն են ստացել ոչ միայն վատ, այլ գրեթե քանդված տրանսպորտային համակարգ:

«Մենք ժառանգություն ենք ստացել մի տրանսպորտային համակարգ, որը գրեթե քանդված է: Ինչո՞ւ: Նախ, ցավոք սրտի, նախկին իշխանությունները բազմիցս հայտարարել են, որ իրենք փոխելու են տրանսպորտային ցանցը, եւ երբ իրենց հարցրել են՝ ե՞րբ եք փոխելու, ասել են՝ 2017 թվականին, 2018 թվականին: Հերիք չի՝ ստել են, կամ, այսպես ասեմ, ճիշտ չեն իրազեկել հանրությանը, նրանք սրանով այն տնտեսվարողներին, որոնք սպասարկում են տրանսպորտային ցանցը, մեսիջ են տվել, որ մենք հեսա փոխելու ենք, եւ այս մարդիկ ոչ մի լումա ներդրում չեն արել իրենց տրանսպորտային միջոցների մեջ տարիներ շարունակ: Եվ այս ամենը եկել, հասել է ուղղակի եզրին։ Երթուղային տաքսիները մաշվածության եզրին են հասել՝ տեխնիկական առումով։ Մենք ռեալ ենք ասում, որ առնվազն երկու տարի ժամանակ է պետք, եթե մենք խոսում ենք ամբողջական ցանցի փոփոխման մասին»,- ասաց Մարությանը։

Գործող իշխանությունները չեն հրաժարվել նախորդների նախաձեռնած փոփոխություններից, բայց եւ որոշակի խնդիրներ են առաջադրել միջազգային խորհրդատու կազմակերպությանը՝ պահանջելով հավելյալ պարզաբանումներ եւ ուսումնասիրություններ: Հայկ Մարությանը նշեց, որ բարեփոխումների նախագիծը մշակելիս մասնավորապես հաշվի է առնվել 2014 թվականի ուղեւորահոսքի ծավալը, մինչդեռ որեւէ երաշխիք չկա, որ չորս-հինգ տարի անց դա էական փոփոխություններ չի կրել: Որոշակի հարցեր են առաջ բերել նաեւ ուղեվարձի հաշվարկման սկզբունքները:

Երեւանի նոր ղեկավարությանը հետաքրքրող հարցերի պատասխանները ստացվելու են հունվար-փետրվար ամիսներին: Եվ միայն դրանից հետո պարզ կդառնա՝ դրանք ընդունելի՞ են ու անցում կատարվո՞ւմ է հաջորդ փուլ՝ օպերատորի ընտրության նպատակով մրցույթի հայտարարում եւ այլն, թե ամեն ինչ սկսվելու է զրոյից:

Հայկ Մարությանը չբացառեց, որ նախորդ իշխանությունները իրականում նպատակ չեն ունեցել փոփոխել հանրային տրանսպորտի գործող համակարգը, որովհետեւ, ինչպես հայտնի է, պատահական «գծատերեր» չկան: Բայց ստեղծվել է բարեփոխումներ սկսելու պատրանք, որովհետեւ մեծ է եղել հանրային ճնշումը: Իհարկե, նախորդ իշխանությունները, այդ թվում տրանսպորտի վարչության պետ Հենրիկ Նավասարդյանը, որն այժմ էլ պաշտոնավարում է, քանիցս են հայտարարել, որ երթուղին սպասարկելը շահութաբեր չէ: Մարությանն, արձագանքելով մեր այս դիտարկմանը, նկատեց, թե կարեւոր է՝ ինչ ենք հասկանում շահութաբեր ասելով, ինչպես նաեւ կարեւոր է, թե ինչպիսի ուղեւորահոսք ունեցող երթուղու մասին ենք խոսում:

Տպել
3053 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները