Սպորտի փոխնախարարը՝ լավագույն 10 մարզիկների քվեարկության վիճահարույց կողմերի մասին

Արդեն 2-րդ տարին է՝ ՀՀ լավագույն մարզիկների ընտրությանը մասնակցում է նաեւ հանրությունը՝ SMS քվեարկության միջոցով: Մասնագիտական շրջանակներում՝ մասնավորապես մի շարք մարզիչների, մարզիկների ու մարզական լրագրողների համար սա դժգոհությունների առիթ է: Նրանք նշում են, որ երկրպագուները ընտրություն կատարելիս առաջնորդվում են ոչ թե մարզիկի հասած նվաճման լրջությամբ, այլ իրենց անձնական համակրանքով: Այսօր՝ դեկտեմբերի 21-ին, ՀՀ Սպորտի եւ երիտասարդության հարցերի փոխնախարար Գեւորգ Լոռեցյանը նշեց, որ համամիտ է, որ SMS-ներում սուբյեկտիվություն կա, բայց ընդգծեց նաեւ հանրության կարծիքը հաշվի առնելու կարեւորությունը:

«Ինքս այդքան էլ կողմ չեմ այդ ձեւաչափին, բայց նաեւ պետք է գիտակցենք, որ լավագույններին ընտրելիս հասարակության, երկրպագուների կարծիքը պետք է հաշվի առնել, իսկ SMS քվեարկությունը դեռեւս հասարակության կարծիքը հաշվի առնելու ամենաօպտիմալ տարբերակն է»,- ասաց նա:

Այս տարի բազմաթիվ խոսակցությունների առիթ էր նաեւ մարզաձեւերի ներկայացվածությունը: 21 թեկնածուների ցուցակում կային 5 սամբիստներ, 3 ուշուիստներ: Քննարկումների տեղիք է տալիս այն, որ սրանք ոչ օլիմպիական մարզաձեւեր են (ըստ խոսակցությունների՝ 2024 թվականից սամբոն լինելու է օլիմպիական խաղերի ծրագրում): Բացի այդ՝ այս մարզաձեւերում որոշ դեպքերում մարզիկները մեդալներ են նվաճում առանց լուրջ մրցակցության հանդիպելու:

«Սամբոն արդեն օլիմպիական ընտանիքի անդամ է համարվում, ամենայն հավանականությամբ 2024 թվականից կլինի նաեւ օլիմպիական խաղերի առանձին մարզաձեւ: Ինչ վերաբերում է ներկայացվածության աստիճանին ու քանակին, ապա հիմնականում հաշվի են առնվել միջազգային ասպարեզում գրանցած արդյունքները: Ու ի պատիվ մեր սամբիստների եւ ուշուիստների՝ պետք է նշեմ, որ բարձր արդյունքներ են գրանցել: Որեւէ խնդիր չեմ տեսնում, որ 21 թեկնածուների մեջ լինեին, իսկ արդեն լավագույն 10-ին ընտրելիս լրագրողները, մարզիչները, հասարակությունն իրենց արդար խոսքը կասեն»,- ասաց Լոռեցյանը:

Այս անգամ լավագույն տասնյակի ընտրության ձեւաչափում նորամուծություն կար: Ընտրությանը մասնակցում էին ոչ միայն լրատվամիջոցներն ու հանրությունը, այլեւ մարզիչները: Սա, ըստ Լոռեցյանի, դրական փոփոխություն է:

«Միայն դրական եմ վերաբերվում նրան, որ մարզիչները եւս իրենց կարծիքն են հայտնում ու իրենց քվեարկությամբ ազդում են լավագույնների ընտրության վրա: Մարզիչներն ավելի շատ են շփվում մարզիկների հետ, նրանք ավելի մասնագիտական աչքով են նայում ու կարծում եմ՝ նրանց  քվեարկությունը եւս շատ կարեւոր է»,- ասաց նա:

Լավագույն 10 մարզիկների SMS քվեարկությունը սկսվել է դեկտեմբերի 10-ին, ավարտվել այսօր՝ ժամը 18:00-ին: Լրատվամիջոցներն ու մարզիչները քվեարկեցին այսօր՝ 13:00-18:00-ն:

Քվեարկության արդյունքում ձեւավորվեց հետեւյալ տասնյակը.

Արթուր Ալեքսանյան (հունահռոմեական ըմբշամարտ)

Արթուր Թովմասյան (սպորտային մարմնամարզություն)

Ֆերդինանդ Կարապետյան (ձյուդո)

Վլադիմիր Հարությունյան/ Լեւ Սարգսյան (ջրացատկ, սինքրոն աշտարակացատկեր)

Արսեն Ղազարյան (սամբո)

Մաքսիմ Մանուկյան (հունահռոմեական ըմբշամարտ)

Սիմոն Մարտիրոսյան (ծանրամարտ)

Գոռ Մինասյան (ծանրամարտ)

Գրիգոր Մխիթարյան (սամբո)

Էդգար Ստեփանյան (հեծանվային սպորտ)

Տպել
1116 դիտում

Շիրակի մարզի Կամո գյուղում այսօր անշնչացած վիճակում հայտնաբերված երիտասարդն առողջական խնդիրներ ուներ

Երեւանում վրաերթի է ենթարկվել Ֆրանսիայի 73-ամյա քաղաքացուհին եւ տեղում մահացել

Թբիլիսիի Ռուսթավելի պողոտան փակ է ու կրկին մարդաշատ. ընթանում է 6-րդ բողոքի ցույցը (տեսանյութ)

ՀՀ դեսպանն Իրանի էներգետիկայի նախարարի հետ քննարկել է ոլորտում համագործակցության հարցեր

Ազգային ժողովին մատակարարվել են կեղծ ոսկյա և արծաթյա մեդալներ. զբաղվում է ոստիկանությունը

Իսպանիայում երեխաների վեճը զանգվածային անկարգությունների է վերածվել

Քոչարյանի պատկերացրած Հայաստանը՝ «կոնսենսուս մինուս ժողովուրդ». հիրավի «դուխով» մարդու պահվածք

Ողբերգական դեպք Շիրակի մարզում. 28-ամյա երիտասարդին մահացած են գտել

Մինսկ-2019. բռնցքամարտիկ Գոռ Ներսեսյանը եւս 5:0 հաշվով դուրս եկավ 1/4 եզրափակիչ

ՏՄՊՊՀ եւ ՀԾԿՀ նախագահի թեկնածու առաջադրելու իրավունքը կվերապահվի կառավարությանը. ընդդիմադիր ֆրակցիաները դեմ քվեարկեցին

Հրդեհ «Փարվանա» ռեստորանային համալիրի հարակից խոտածածկ տարածքում

Երևանում թալանել են Ազգային ժողովի նախկին պատգամավոր, ԲՀԿ-ական Նապոլեոն Ազիզյանին

Մնացականյանը և Մոլլերը բարձր են գնահատել ՄԱԿ Ժնևյան կառույցների աշխատանքներում ՀՀ ներգրավվածությունը

Կարկուտը Շիրակի մարզի 8 համայնքի բերք է ոչնչացրել

Հրդեհ Այգեկում. ծխահարվել են քաղաքացիներ

Հունվար-մայիսին միջին ամսական անվանական աշխատավարձն աճել է 5.4 տոկոսով

Շիրակի մարզի 9 գյուղերի սպառնացող կարկտավտանգ ամպեր են ներգործության ենթարկվել

Վրաստանի ցույցերի համատեքստում պատգամավորին մեղադրանք է առաջադրվել

Կարծում եմ, որ կոնֆլիկտը չի էսկալացվի այնպես, որ հարցը հասնի նաեւ ցամաքային ճանապարհ փակելուն. Փամբուխչյան

Մինսկ-2019. բռնցքամարտիկ Կարեն Տոնականյանը 5:0 հաշվով հաղթեց իսպանացի մրցակցին